1 पतरस 5:12 - नुवो नेम (मेवड़ी नया नियम)

¹² मूँ सिलवानुस ने विस्वास जोगो भई जाणूँ हूँ अन वींकी मदतऊँ यो कागद लिकन थाँकी हिम्मत बड़ाणी छारियो हूँ अन आ गवई देरियो हूँ के, परमेसर की हाँची दया याईस हे। थाँ ईंमें पाका बण्या तका रेज्यो।

1 पतरस 5:12 Iomraidhean Croise

यहुन्ना 21:21

वींने देकन पतरस ईसुऊँ क्यो, “ओ परबू, ईंको कई हाल वेई?”

थरप्या तका का काम 11:23

जद्याँ बरनबास अन्ताक्या पूगो, तो लोगाँ पे परमेसर की करपा देकन वो घणो राजी व्यो अन वणी हारई लोगाँ ने धिजो बन्दान परबू में बण्या तका रेवा वाते क्यो।

थरप्या तका का काम 15:22

तद्याँ थरप्या तका, बुड़ा-ठाड़ा, हंगळी विस्वास्याँ की मण्डळ्याँ के हण्डे आपणाँ मूँ थोड़ाक मनकाँ ने चुणन पोलुस अन बरनबास के हाते अन्ताक्या खन्दाबा का वाते फेसलो किदो। अन वणा भायाँ मूँ जाणिता मनक, यहूदो जो बरसबा केवावे, सिलास ने चुणन वाँका हण्डे खन्दाया।

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

रोमियों 5:2

विस्वास का वजेऊँ वणी आपाँने परमेसर की दया में जिंमें आपाँ बण्या तका हा, वीं तईं आपाँने पोंछा दिदा हे अन आपाँ परमेसर की मेमा की आस को गुमान करा हा।

1 कुरिन्थियों 15:1

हो विस्वासी भायाँ में थाँने ज्यो हव हमच्यार हुणायो हो वींकी आद अवाड़ूँ हूँ अन थाँ वींने मान्यो भी हो अन अबाणू तईं वींने मान भी रिया हो।

2 कुरिन्थियों 1:19

काँके थाँका बचमें में अन सिलवानुस, तिमुतियुस परमेसर का बेटा ईसू मसी को ज्यो परच्यार किदो हो, वो हाँ अन ने में कोयने किदो हो पण वो ईसू मसी में हाँ मेंईस हो।

2 कुरिन्थियों 1:24

अन ईंको ओ मतलब ने के, माँ थाँका विस्वास पे काबू पाणो छारिया हाँ। थाँ तो थाँका विस्वास में गाटा हो अन माँ तो थाँकी खुसी में थाँका हाते हाँ।

इपिसियों 3:3

अन परमेसर आपणी गुप्त की बाताँ ने मारा पे परगट किदो, जिंका बारा में, में थोड़ोक पालाँ पाटाँ में लिक चुक्यो हूँ।

इपिसियों 6:21

मूँ कस्यान हूँ अन कई कररियो हूँ ईं हारी बाताँ परबू का विस्वास जोगो दास अन लाड़लो भई तुखिकुस थाँने बताई।

कुलुसियों 1:7

माकाँ हाते काम करबावाळो लाड़लो इपफरासऊँ थाँ आ बात हिक्या हा। ज्यो आपणाँ वाते मसी का विस्वास जोगो सेवक हे।

कुलुसियों 4:7

प्यारा भई अन विस्वासी दास, तुखिकुस ज्यो परबू में मारा हाते सेवा करबावाळो हे, वो मारी हारी बाताँ थाँने बता देई।

कुलुसियों 4:9

वींका हाते विस्वास जोगो अन लाड़लो भई उनेसिमुस भी आरियो हे। वो थाँका मेईलोईस हे। वीं दुई अटा की हारी बाताँ थाँने बताई।

1 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते ओ कागद थिस्सुलुनिक्यों नगर की मण्डळ्या ने लिकरियो हूँ, जीं बापू परमेसर अन परबू ईसू मसी में हे, थाँका पे दया अन सान्ती बणी तकी रेवे।

2 थिस्सुलुनिक्यों 1:1

मूँ पोलुस, सिलवानुस अन तिमुतियुस का हाते यो कागद थिस्सुलुनिक्यों नगर की मण्डली का नाम लिकरियो हूँ, ज्या बापू परमेसर अन परबू ईसू मसी में हे।

इब्रानियों 13:22

हो भायाँ, मूँ थाँकाऊँ अरज करूँ हूँ के, अणा हिम्मत बन्दाबावाळा उपदेस पे चालो, काँके में कागद में हेली बाताँ ने लिकी हे।

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।

1 पतरस 4:10

जणी किंने भी परमेसर का आड़ीऊँ जो भी वरदान मल्यो हे वींने छावे के, वो परमेसर का वादा का जस्यान हव वेवस्ता करबावाळा की जस्यान, एक दूजाँ की सेवा करबा वाते वीं वरदान ने काम में लेवे।

2 पतरस 1:12

ईं वाते यद्याँ थाँ अणा बाताँ ने जाणो हो, अन थाँने जो हाँच को वसन मल्यो हे अन थाँ ओ बचन मानो भी हो, तो भी मूँ थाँने ईं बाताँ आद अवाड़ातो रेऊँ हूँ।

2 पतरस 2:15

ईं हुदा गेला ने छोड़न भटग्या हे। ईं मनक बओर का बेटा बिलाम का गेला पे चालरिया हे, जिंने हराम की कमई घणी हव लागी ही।

3 यहुन्ना 1:12

दिमेत्रियुस का बारा में जाणबावाळा हाराई वींका बारा में हव गवई दिदी हे अन ओ हाँच भी हे। माँ खुद भी वींकी गवई देवाँ हा। थाँ तो जाणोइस हो, मारी गवई हाँची हे।

यहूदा 1:3

हो लाड़ला भायाँ, मूँ तो घणो छावतो हो के, थाँने वीं छूटकारा का बारा में लिकूँ, जिंका आपाँ पांतीदार हा। मने अस्यान भी लागे हे के, मूँ थाँने ईं बाताँ लिकन हिम्मत देऊँ जणीऊँ थाँ विस्वास में बड़ता रेवो, ज्यो विस्वास परमेसर का पुवितर मनकाँ ने दिदो ग्यो हो।