1 पतरस 4:19 - नुवो नेम (मेवड़ी नया नियम)

¹⁹ ईं वाते जो परमेसर की मरजी का जस्यान दुक जेले हे, वीं भलई करता तका आपणाँ खुद ने विस्वास जोगा अन आपणी रचना करबावाळा परमेसर का हाताँ में हूँप देणा छावे।

1 पतरस 4:19 Iomraidhean Croise

लूका 23:46

पसे ईसू ज्योरऊँ हाको करन क्यो, “ओ बापू, मूँ मारी आत्माने थाँका हाताँ में हूँपूँ हूँ।” यो केन ईसू आपणाँ जीव छोड़ दिदो।

थरप्या तका का काम 7:59

अन वे इस्तीपनुस पे भाटा फेंकताई रिया, जद्याँ वो ओ केतो तको परातना किदी, “ओ परबू ईसू, मारो जीव लेलो।”

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

2 तिमुतियूस 1:12

अन ईं वजेऊँ मूँ ईं हारई दुक जेलूँ हूँ, पण मूँ ईं वाते हरमा ने मरूँ हूँ, काँके मूँ जाणूँ हूँ के, मारो विस्वास किंपे हे? अन मूँ ईं बात वाते पाको हूँ के, ज्यो कई वणा मने हूँप्यो हे, वींने मसी के पाच्छा आबा का दन तईं बंचाबा में तागतवर हे।

1 पतरस 2:15

काँके परबू की आ मरजी हे के, थाँ थाँका भला काम के वजेऊँ वेण्डा मनकाँ की बुरईऊँ भरी तकी बाताँ ने करबावाळा मुण्डा ने छानो कर दो।

1 पतरस 3:17

यद्याँ परमेसर की याईस मरजी हे के, थाँ भला काम करता तका दुक जेलो, तो पछे बुरई करबाऊँ तो दुक जेलणो हव हे।

1 पतरस 3:20

ईं वणा मनकाँ की आत्मा हे, जणा जद्याँ नूह नाव बणारियो हो वीं टेम परमेसर को केणो ने मान्यो, पण परमेसर धिज्या का हाते वाँकी वाट नाळरिया हा, वीं टेम भी नाव में आट मनकईस पाणीऊँ बंचाया ग्या हा।