1 पतरस 3:16 - नुवो नेम (मेवड़ी नया नियम)

¹⁶ थाँ थाँका मन ने पुवितर राकज्यो, जणीऊँ ईसू मसी में जो थाँका हव वेवार का बारा में ज्यो भी मनक बेजत करबावाळा हे, वीं हरमा मरे।

1 पतरस 3:16 Iomraidhean Croise

मत्ती 5:11

धन्ने हो थाँ, काँके मनक मारा नामऊँ थाँकी नन्दयाँ करे, अन हतावे अन जूटी बाताँ करन थाँका विरोद में हारी तरियाँ की खोटी बाताँ करे हे।

थरप्या तका का काम 24:16

ईं वाते मूँ भी परमेसर अन लोगाँ के हामे हमेस्यान आपणी अंतर आत्माने पुवितर राकबा के वाते कोसीस करतो रेऊँ हूँ।

थरप्या तका का काम 28:22

पण थारो बच्यार कई हे? वो माँ थाँराऊँ हूणबो छारिया हा, काँके माँ जाणा हा के हरेक जगाँ अणी पन्त का विरोद में बाताँ वेवे हे।”

रोमियों 9:1

मूँ मसी में हाँची बोलरियो हूँ। मूँ जूट ने बोलूँ अन मारो मन ज्यो पुवितर आत्माऊँ मारी गवई देवे हे

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 4:2

आपाँ वणा काम ने जणीऊँ हरम आवे हे, वाँने कोयने कराँ हाँ। अन ने आपाँ कपट राका हाँ अन नेई आपाँ परमेसर का बचन में गाल-गसोळ करा हाँ। पण आपाँ तो हाँच ने खुला रूपऊँ लोगाँ का हामे बतावा हाँ अन परबू का हामे खुद खरा बणा हाँ।

1 तिमुतियूस 1:19

विस्वास अन सुद अंतर-आत्मा राक। थोड़ाक मनक आपणी अंतर-आत्मा की ने हूणी, जणीऊँ वीं विस्वासऊँ पाच्छा फरग्या हे।

1 तिमुतियूस 1:5

मारी अणी हिक देबा का पाच्छे योईस मकसद हे के, हाराई विस्वासी परेमऊँ भर जावे, ज्यो हव मनऊँ, हुदी अंतर-आत्माऊँ अन बना छळ-कपट का विस्वासऊँ पेदा वेवे हे।

2 तिमुतियूस 1:3

तिमुतियुस मूँ रात-दन मारी परातना में थने आद करूँ हूँ अन थाँरा वाते परमेसर ने धन्नेवाद दूँ हूँ, जिंकी सेवा मूँ मारा बड़ाबा का जस्यान हुदा मनऊँ करूँ हूँ।

तीतूस 2:8

अस्यी मिटी बोली बोल के, जिंपे कुई आँगळी ने तोके। थाँरा दसमण हरमा मरे जणीऊँ वाँने आपणाँ बारा में बुरो केवा को मोको ने मले।

इब्रानियों 13:18

माकाँ वाते परातना करता रेवो, काँके माँने भरोसो हे के, माँकी अंतर-आत्मा सुद हे। अन माँ हारी बाताँ में बड़िया चालचलन छावाँ हा।

इब्रानियों 9:14

आ बात हाँची हे तो मसी को लुई कतरो जोरावर वेई? जणी अनंत आत्माऊँ खुद ने निरदोस बली का रूप में हमेस्या वाते परमेसर के चड़ा दिदो। वींके अस्यान करबाऊँ अन वींके लुईऊँ आपाँने मोत का आड़ीऊँ लेन जाबावाळा करमाऊँ आपणाँ मन सुद कर करी, ताँके आपाँ जीवता परमेसर की सेवा कर सका।

1 पतरस 2:12

जीं यहूदी ने हे वीं मनक थाँने बुरा केवे हे, पण ईंका केड़े भी वाँका बचमें थाँको वेवार अन चालचलन हव वेणो छावे, जणीऊँ जणा बाताँ में वीं थाँने दोसी जाणन बदनाम करे हे, वीं थाँका भला काम ने देकन वाँकी वजेऊँ जीं दन परबू आई, वीं दन वीं परमेसर की मेमा कर सकी।

1 पतरस 2:15

काँके परबू की आ मरजी हे के, थाँ थाँका भला काम के वजेऊँ वेण्डा मनकाँ की बुरईऊँ भरी तकी बाताँ ने करबावाळा मुण्डा ने छानो कर दो।

1 पतरस 2:19

काँके यद्याँ कुई परमेसर का बारा में बच्यार करन अन्याव अन दुक जेलतो तको कळेस भोगे हे, तो वो बड़ई को जोगो हे।

1 पतरस 3:21

वो पाणी भी बतिस्मा का जस्यान हे, जणीऊँ अबे थाँ बंचाया जावो हो। अणी बतिस्मा को मतलब यो कोयने के, देह को मेल धोयो जावे, पण मन ने पुवितर करन खुद ने परमेसर का आड़ी फेरणो वेवे हे, काँके ईसू मसी मरिया तका मेंऊँ पाच्छा जीवता किदा ग्या हा।

1 पतरस 4:4

पण अबे थाँ वाँका वणा बुरा काम में भेळा ने वेवो हो, तो वाँने अचम्बा वेवे हे, ईं वजेऊँ वीं थाँकी नन्दयाँ करे हे।