1 पतरस 3:11 - नुवो नेम (मेवड़ी नया नियम)

¹¹ बुरई करणी छोड़न भलई करो, मेल-मिलाप करबा की कोसीस में लाग्या रो,

1 पतरस 3:11 Iomraidhean Croise

मत्ती 5:45

जणीऊँ थाँ आपणाँ हरग का परम बापू की ओलाद केवावो, काँके वीं भला अन बुरा दुयाँ पे आपणो सुरज उगावे हे, अन धरमी अन पापी दुयाँ पे बरका वरावे हे।

मत्ती 5:9

धन्ने हे वीं, जीं मेल-मिलाप को काम करे हे, काँके वीं परमेसर का छोरा-छोरी केवाई।

मत्ती 6:13

माँने अस्यी तागत देज्यो ताँके, माँ हारी तरिया की परक को सामनो कर सका, अन माने बुरईऊँ बचावो। काँके राज अन तागत अन मेमा हमेस्यान थाँकीस हे।’” आमीन।

मरकुस 14:7

गरीब मनक तो रोज थाँकी लारे रेवे। ईं वाते हर-कदी थें वाँकी मदत कर सको हो। पण, मूँ थाँकी लारे रोज ने रेऊँ।

लूका 1:79

अंदारा अन मोत की छाया में जीवबावाळा पे पुवितर उजितो चमकी, अन आपाँने खरई अन सान्ती का गेला पे लेजाई।”

लूका 6:35

पण थाँ आपणाँ दसमणाऊँ परेम राको अन भलई करो, अन पाच्छा पाबा की आस ने राकन उदार दो, तद्याँ थाँने मोटो ईनाम मली अन थाँ परबू परमेसर की ओलाद केवावो, काँके परमेसर आग्या ने मानबावाळा अन पापी मनकाँ पे भी दया करे हे।

लूका 6:9

पछे ईसू वणाऊँ क्यो, मूँ थाँकाऊँ पूँछू हूँ के, “आपणाँ नेमा का जस्यान आराम का दन कई करणो सई हे? किंकोई भलो करणो कन बुरो करणो, किंको जीवन बचाणो कन नास करणो?”

यहुन्ना 17:15

मूँ या परातना ने करूँ के, थूँ वाँने दनियाऊँ उठा ले, पण या के, थूँ वाँने बुरईऊँ बंचान राक।

रोमियों 12:18

जटे तईं वेवे, हाराई मनकाँ का हाते सान्तीऊँ रेवो।

रोमियों 14:17

काँके परमेसर का राज में बेस खाणो-पिणो ने हे, पण वो तो धारमिकता, सान्ती अन पुवितर आत्माऊँ मल्यो तको आणन्द हे।

रोमियों 14:19

तो, वणा बाताँ में लाग्या रेवो, जीं सान्ती बड़ावे हे अन एक दूजाँ की आत्मिक बढोतरी में मदत मले हे।

रोमियों 5:1

ईं वाते आपाँ आपणाँ विस्वास की वजेऊँ धरमी वेग्या हा, अणीऊँ अबे आपणो परबू ईसू मसी का जरियऊँ परमेसरऊँ मेल-मिलाप हे।

रोमियों 7:19

काँके ज्यो हव काम मूँ करणो छावूँ हूँ वीं तो मूँ ने करूँ पण जतरा बुरा काम मूँ ने करणो छावूँ, मूँ वींइस करतो रेऊँ हूँ।

रोमियों 7:21

ईं वाते मूँ ओ नेम पावूँ हूँ के, मूँ जद्याँ भी हव करणो छावूँ, तो मूँ मारा में बुरई पावूँ हूँ।

रोमियों 8:6

देह की बाताँ पे मन लगाणो तो मोत हे, पण आत्मा पे मन लगाणो जीवन अन सान्ती हे।

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

गलातियों 6:10

ईं वाते जटा तईं वे सके वटा तईं थाँ हाराई का हाते भलई करो अन खासतोरऊँ विस्वासी भई-बेना का हाते।

कुलुसियों 3:15

अन मसीऊँ मली तकी सान्ती ने थाँका हरदा में राज करबा दो। परमेसर थाँने एक हाते एकीस देह में अणीस सान्ती में रेवा का वाते बलाया हे। अन हरदाण परमेसर को धन्नेवाद करता रेवो।

1 तिमुतियूस 6:18

हव काम करबा वाते वाँने आदेस दे, जणीऊँ वीं हव काम करबावाळा, दान देबावाळा अन खुला मनऊँ एक-दूँजा ने मदत करबावाळा बणे।

इब्रानियों 12:14

हाराई का हाते सान्ती का हाते रेवा वाते अन पुवितर वेबा का वाते हरेक तरियाऊँ कोसीस करता रेवो। काँके बना धारमिकता के कुई भी परबू का दरसण ने कर सकी।

इब्रानियों 13:16

अन भलई करणी अन एक-दूँजा की मदत करणी ने भुलणी, काँके परमेसर अस्या बलीदानाऊँ राजी वेवे हे।

याकूब 4:17

अन जो मनक भलई करणो जाणे हे, पण ने करे, तो वो पाप करे हे।

1 पतरस 3:12

काँके परबू की आक्याँ खरा मनकाँ पे लागी रेवे हे, अन वींका कान वाँकी परातना हुणबा का वाते वाँके आड़ी लाग्या रेवे हे, पण परबू वाँ मनकाँ का विरोद रेवे हे जो बुरई करे हे।”

3 यहुन्ना 1:11

हे मारा भई, थूँ तो बुरई का ने पण भलई का गेले चालज्ये, काँके ज्यो भी मनक भलई करे हे, वो परमेसर को हे अन ज्यो बुरई करे हे, वो परमेसर ने कोयने जाणे हे।