1 पतरस 2:24 - नुवो नेम (मेवड़ी नया नियम)

²⁴ वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।

1 पतरस 2:24 Iomraidhean Croise

मत्ती 27:26

ईंपे वणी बरब्बा ने वाँका वाँते छोड़ दिदो, अन ईसू के कोड़ा लगान हूळी पे चढाबा वाते हूँप दिदो।

मत्ती 5:20

काँके मूँ थाँकाऊँ केवूँ हूँ के, यद्याँ थाँकी धारमिकता मूसा का नेमा ने हिकाबावाळा अन फरीसियाँ की भगतीऊँ मोटी ने वेई, तो थाँ हरग का राज में कदी ने जा सको।”

मत्ती 8:17

यो ईं वाते व्यो, ताँके ज्यो बचन यसाया परमेसर का आड़ीऊँ बोलबावाळे क्यो हो वो पूरो व्यो के, “वणा माँदा मनकाँ ने हव किदा, अन आपणी मांदकी ने सेण कर लिदी।”

मरकुस 15:15

पिलातुस भीड़ ने राजी करणो छातो हो, ईं वाते वे वाँका वाते बरब्बा ने छोड़ दिदो अन ईसू के कोड़ा लगाया अन हूळी पे चढाबा का वाते ने सपायाँ ने हूँप दिदो।

लूका 4:18

“परमेसर की आत्मा मारा ऊपरे हे। काँके वणा मने गरीब मनकाँ ने हव हमच्यार हूँणबा का वाते चुण्यो हे। वणीस मने खन्दायो हे के, मूँ केदयाँ ने छुड़ाबा को अन आन्दा ने देकबा का सन्देस को परच्यार करूँ अन दब्या तका मनकाँ ने ऊँसा उठऊँ।

यहुन्ना 1:29

आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई।

यहुन्ना 19:1

तद्याँ पिलातुस ईसू ने पकड़वान कोड़ा लगवाया।

थरप्या तका का काम 10:35

कस्यी भी जात कन कणी भी देस को जो भी मनक परबूऊँ दरपतो रेवे अन हुदा काम करे तो, परबू वींने आपणो मान लेवे।

थरप्या तका का काम 10:39

अन आपाँ हारई जणा आ बाताँ का गवा हाँ, जो बाताँ वणी यहूदियाँ देस अन यरूसलेम में किदी ही, जिंने वाँकाणी हूळी पे लटकान मार नाक्यो।

थरप्या तका का काम 13:29

ईसू वाते जो भी सास्तर में लिक्यो हो, वो हारोई वणा पूरो कर नाक्यो हो, तो वाँकाणी वींने हूळीऊँ उतारन कबर में मेल दिदो।

थरप्या तका का काम 5:30

ईं आपणाँ बड़ाबा का परमेसर, ईसू ने मरयाँ तकाऊँ पाछो जीवतो करन ऊबो कर दिदो हे, जिंने हूळी पे लटकान थाँ लोगाँ मार नाक्यो।

रोमियों 6:11

अस्यान थाँ थाँका वाते भी होचो के, थाँ भी पाप का वाते मर चुक्या हो, पण परबू ईसू मसी में परमेसर का वाते जीरिया हो।

रोमियों 6:13

थाँका देह का अंग ने अधरम का सादन वेबा वाते पाप का हाताँ में मती दिज्यो, पण मरिया तका मेंऊँ जी उटबावाळा के जस्यान परमेसर का हाताँ में दिज्यो। अन थाँकी देह का अंगा ने धारमिकता का सादन वेबा वाते परमेसर ने हूँप दो।

रोमियों 6:16

कई थाँने ओ ने पतो कई, जद्याँ थाँ किंका हाताँ में खुद ने दास का जस्यान हूँपो हो, तो थाँ वाँकी आग्या मानबा का वाते वाँका दास हो। तो पछे पलई थाँ पाप का दास बणो ज्यो मोत का आड़ी ले जावे हे अन पलई आग्या मानबावाळा बणो, ज्याँ थाँने धारमिकता का आड़ी लेजाई।

रोमियों 6:2

कदी ने, आपाँ ज्यो पाप का वाते मरग्या हा, तो पाप में कस्यान जीवाँ?

रोमियों 6:22

पण अबे थाँने पापऊँ छुटकारो मलग्यो ग्यो हे अन परमेसर का दास बणा दिदा ग्या हो, तो ज्या खेती थाँ करिया हो, वाँ थाँने परमेसर का आड़ी खरईपणा में लेजाई। जिंको आकरी फळ अनंत जीवन हे।

रोमियों 6:7

काँके ज्यो मरग्यो, वींने पापऊँ छुटकारो मलग्यो हे।

रोमियों 7:6

पण अबे आपाँने नेमाऊँ छुटकारो मलग्यो हे। काँके जणा नेमा को आपणाँ पे हक हो, वींका वाते आपाँ मरग्या हा। ताँके पुराणा लिक्या तका नेमाऊँ ने, पण आत्मा की नुवी रितऊँ परमेसर की सेवा करा।

1 कुरिन्थियों 15:3

अन ज्या बात मने हाराऊँ पेल्याँ पतो चाली ही वाँ बात में थाँने हुणा दिदी हे, जस्यान सास्तर में लिक्यो हे के, मसी आपणाँ पापाँ का वाते मरिया हा।

2 कुरिन्थियों 6:17

“ईं वाते परबू केवे हे के, थाँ वणाऊँ न्यारा वेन बारणे निकळो, वणाऊँ खुद ने छेटी करो अन ज्यो खराब हे वींके कदी भी हात मती अड़ाज्यो तद्याँईस मूँ थाँने अपाणाऊँ।

गलातियों 3:13

ईसू मसी ज्यो आपणाँ वाते हरापित व्यो अन आपाँने वणा मूसा का नेमाऊँ छोड़ाया, काँके सास्तर में लिक्यो हे के, “ज्यो कुई हूळी पे लटकायो जाई वो हरापित वेई।”

इपिसियों 5:9

काँके उजाळा को फळ हाराई तरियाँ की भलई, ज्यो परमेसर छावे वो करणो अन हाँच हे।

फिलिपियों 1:11

परमेसर की बड़ई अन मेमा के वाते थाँको जीवन ज्यो परमेसर छावे वो करबावाळा हव गुणऊँ भर जावे ज्याँने ईसू मसी देवे हे।

कुलुसियों 2:14

अन नेमाँ का वीं लेकऊ ज्यो आपणाँ हामे अन दसमण हो, वाँने वगाड़ी नाक्या, अन वाँने ईसू हूळी पे खिला ठोकन आपणाँ हामेंऊँ छेटी कर नाक्यो।

कुलुसियों 2:20

जद्याँ के, थाँ मसी का हाते दनियाँ का रिति-रिवाज के आड़ीऊँ मरग्या हो, तो पछे काँ वणाके जस्यान ईं दनियाँ का रिवाजाँ में जीवन बितारियाँ हो?

कुलुसियों 3:3

काँके थाँको पुराणो मनकपणो तो मरग्यो हे अन थाँको नुवो जीवन ईसू मसी का हाते परमेसर का नके हे।

इब्रानियों 10:10

ईं वाते परमेसर की वीं मरजीऊँ ईसू मसी की देह के एकीस दाण बलीऊँ आपाँ पुवितर किदा ग्या हाँ।

इब्रानियों 10:5

ईं वाते जद्याँ मसी ईं दनियाँ में आया हा तद्याँ वणा क्यो हो के, “थें बली अन चडावो कोयने छायो। पण थें तो मारा वाते एक देह ने त्यार किदी हे।

इब्रानियों 12:13

आपणाँ पगाँ का वाते हुदो अन हरिको गेलो बणावो, ताँके लंगड़ा अकड़े कोनी, पण हव वे जावे।

इब्रानियों 7:26

अस्या मायाजकइस आपणी जरूत ने पुरी कर सके हे, जी पुवितर हे, बना दोस का वेवे, सुद वे, पापी मनकाँऊँ अलग हे, हरगऊँ भी ऊँचे उटायाग्या वेवे।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

याकूब 5:16

ईं वाते थाँ एक दूजाँ का हामे खुद का पाप ने मानलो अन एक दूजाँ का वाते परातना करता रेवो, जणीऊँ थाँ हव वे जावो। धरमी मनक की परातना घणी जोरवार अन असर करबाळी वेवे हे।

1 यहुन्ना 2:29

अन जद्याँ थाँ ओ जाणो हो के, ईसू मसी धरमी हे, तद्याँ थाँ यो भी जाण लो के, ज्यो मनक धरम का काम करे हे, वींइस परमेसर का बेटा-बेटी हे।

1 यहुन्ना 3:7

हो मारा प्यारा बाळकाँ, थाँ किंकई छळ-कपट में मती आज्यो, काँके ज्यो मनक धरम का काम करे हे, वोईस मसी का जस्यान धरमी हे।

परकासितवाक्य 22:2

अन नंदी का ईं पाल्डे अन पेला पाल्डे, जीवन को रूँकड़ो हो, वींमें बारा तरिया का फळ लागता हा। अन वो हरेक मिने फळतो हो। वीं रूँकड़ा का पान्दड़ाऊँ हारी जात्या जात्या का मनक हव वेता हा।