1 पतरस 2:15 - नुवो नेम (मेवड़ी नया नियम)

¹⁵ काँके परबू की आ मरजी हे के, थाँ थाँका भला काम के वजेऊँ वेण्डा मनकाँ की बुरईऊँ भरी तकी बाताँ ने करबावाळा मुण्डा ने छानो कर दो।

1 पतरस 2:15 Iomraidhean Croise

मत्ती 25:2

वणा छोरियाँ में पाँच अण-हमज अन पाँच हमजदार ही।

मत्ती 7:26

“पण ज्यो कुई मारी ईं बाताँ हुणे हे अन वो वाँने ने माने हे, तो वो वीं बना अकल का मनक का जस्यान वेई जणी आपणो घर रेत पे बणायो।

रोमियों 1:21

परमेसर ने जाणता तका भी वणा वाँको आदर-मान ने किदो, अन ने वींने धन्नेवाद दिदो। वाँकी होच-हमज बेकार वेगी अन वाँका बना अकल को मन अंदकारऊँ भरग्यो हे।

गलातियों 3:1

हे बना अकल का गलातिया का मनकाँ, थाँने कणी भेंम में नाक दिदा हे। में पुरो-पुरो बखाण अस्यान किदो हो के, मानो थाँकी आक्याँ का हामेईस तो ईसू मसी ने हूळी पे चड़ाया ग्या वे।

1 थिस्सुलुनिक्यों 4:3

परमेसर ओईस छावे हे के, थाँ पुवितर बणो अन कूकरमऊँ बचन रेवो।

1 थिस्सुलुनिक्यों 5:18

हरेक बाताँ में धन्नेवाद देता रेवो, काँके थाँका वाते ईसू मसी में परमेसर की याईस मरजी हे।

1 तिमुतियूस 1:13

पेल्याँ मूँ परमेसर का बारामें बुरो बोलबावाळो, वींका मनकाँ ने हताबावाळो अन वाँकी मजाक करबावाळो मनक हो। ईंका केड़े भी मारा पे दया वी, काँके एक बना विस्वासवाळा का जस्यान अणजाण में ईं हाराई में काम किदा हा।

तीतूस 2:8

अस्यी मिटी बोली बोल के, जिंपे कुई आँगळी ने तोके। थाँरा दसमण हरमा मरे जणीऊँ वाँने आपणाँ बारा में बुरो केवा को मोको ने मले।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

1 पतरस 2:12

जीं यहूदी ने हे वीं मनक थाँने बुरा केवे हे, पण ईंका केड़े भी वाँका बचमें थाँको वेवार अन चालचलन हव वेणो छावे, जणीऊँ जणा बाताँ में वीं थाँने दोसी जाणन बदनाम करे हे, वीं थाँका भला काम ने देकन वाँकी वजेऊँ जीं दन परबू आई, वीं दन वीं परमेसर की मेमा कर सकी।

1 पतरस 3:16

थाँ थाँका मन ने पुवितर राकज्यो, जणीऊँ ईसू मसी में जो थाँका हव वेवार का बारा में ज्यो भी मनक बेजत करबावाळा हे, वीं हरमा मरे।

1 पतरस 3:17

यद्याँ परमेसर की याईस मरजी हे के, थाँ भला काम करता तका दुक जेलो, तो पछे बुरई करबाऊँ तो दुक जेलणो हव हे।

1 पतरस 4:2

ईं वाते थाँ आपणाँ आगे को जीवन मनकाँ की मरजी का जस्यान ने, पण परमेसर की मरजी का जस्यान जीवो।

2 पतरस 2:12

पण ईं मनक जनावर के जस्यान हे, ज्याको जनम ईं वाते व्यो हे के, वीं पकड़्या जावे अन मारिया जावे। ईं मनक जीं बाताँ का बारा में जाणेई कोयने वाँके बारा में दूजाँ ने भलो-बुरो केवे हे। ईं वाते जस्यान जनावर मारिया जावे हे वस्यानीस ईं मनक भी मारिया जाई।

यहूदा 1:10

पण ईं मनक तो जणा बाताँ का बारा में जाणी कोयने वाँका बारा में भलो-बुरो केवे हे। ईं तो बना हमजवाळा जनावराँ का जस्यान हे, जीं आपणी मरजी का जस्यान करे हे। अस्यान करन ईं खुद को नास कररिया हे।