1 पतरस 2:11 - नुवो नेम (मेवड़ी नया नियम)

¹¹ हे मारा प्यारा भायाँ-बेना, थाँ जो ईं दनियाँ का मयने बारवासी मनकाँ के जस्यान हो, थाँकाऊँ अरज करूँ हूँ के, थाँ पाप करबा की बुरी मरजीऊँ खुद ने बंचान राकज्यो, ज्या थाँकी आत्माऊँ लड़ती रेवे हे।

1 पतरस 2:11 Iomraidhean Croise

लूका 21:34

“ईं वाते थाँ हेंचेत रो, अस्यो ने वे के, थाँ खाबा-पिबा में अन दनियाँ की चन्ता-फिकर में ने पड़ जावे अन वी दन फंदा का जस्यान थाँका ऊपरे अणाचेत आ जावे।

थरप्या तका का काम 15:20

पण वाँने आपाँ ओ लिकीन खन्दावाँ के, थाँ मूरताँ पे चड़ई तकी चिजाँ ने मत खाज्यो अन कूकरमऊँ छेटी रेज्यो, गळो मरोड़िया तका को माँस ने खावो, अन लुई ने पीजो।

थरप्या तका का काम 15:29

के थाँ मूरताँ के चड़ई तकी चिजाँ, अन गळो मरोड़िया तका को माँस ने खावो, कूकरमऊँ छेटी रेज्यो अन लुई ने पीजो। ईंऊँ थाँको भलो वेई, अबे माँ विदा लेवा।”

रोमियों 12:1

ईं वाते हो मारा भायाँ, मूँ थाँने परमेसर की दया की आद अवाड़न थाँकाऊँ अरज करूँ हूँ के, थाँ थाँकी देह ने जीवता अन पुवितर बलीदान का रूप में परमेसर ने राजी करबा का वाते दिदो। आ थाँकी आत्मा की हाँची सेवा हे, जिंने थाँने करणी हे।

रोमियों 7:23

पण मूँ मारी देह में एक दूजाँ नेमा ने काम करता देकूँ हूँ जीं मारा मन का नेमाऊँ लड़े हे अन मने पाप का नेमा में बन्दी बणा लेवे हे। ईं नेम मारी देह में काम करे हे।

रोमियों 8:13

काँके यद्याँ थाँ देह जस्यान जीवो, तो मरो, पण यद्याँ थाँ आत्मा का जस्यान देह की मरजी ने मार देवो, तो थाँ जीवता जीवो।

2 कुरिन्थियों 5:20

ईं वाते माँ मसी का राजदूत वेन ओ काम कराँ हा अन थाँ ओ मानो के परमेसर माँकाऊँ थाँने चेतारिया हे। ईं वाते माँ मसी का आड़ीऊँ थाँकाऊँ हाता-जोड़ी कराँ हाँ के, थाँ परमेसरऊँ मेल-मिलाप करो।

2 कुरिन्थियों 6:1

माँ परमेसर का हाते वाँको काम करबा का मस थाँकाऊँ अरज करा हाँ के, परमेसर की दया ज्यो थाँका पे वीं हे वींने बेकार मती वेबा दिज्यो।

2 कुरिन्थियों 7:1

हो मारा प्यारा भायाँ, आपणाँ नके परमेसर को दिदो तको करार हे। ईं वाते थाँ आवो, अन परमेसर को मान करता तका खुद ने पुवितर करबा का वाते खुद की आत्माने अन देह ने मयनेऊँ अन बारणेऊँ हुगली चिजाँऊँ पुवितर करो।

गलातियों 5:24

अन जीं मनक ईसू मसी का हे, वणा आपणाँ देह की बुरी मरजी अन कामाँ ने हूळी पे चढा दिदा हे।

इपिसियों 2:19

ईं वाते थाँ अबे पराया अन परदेसी ने हो, पण पुवितर लोगाँ का हाते परमेसर के राज का रेवासी अन वाँके घर का वेग्या हो।

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

2 तिमुतियूस 2:22

जवानी की बुरी मरजीऊँ छेटी रे अन ज्यो खरा मनऊँ परबू को नाम लेवे हे वाँका हाते खुद ने धरम, विस्वास, परेम अन सान्तीऊँ रे।

इब्रानियों 11:13

ईं हाराई मनक विस्वास करता कतराई मरग्या अन ज्यो चीज वाँने देबा को वादो किदो ग्यो हो, वाँ वाँने कोनी मली। पण वीं वाँने छेटीऊँ देकी अन वाँकी आवभगत किदी अन वीं ओ भी मानता हा के, वीं ईं धरती में बारवासी अन अणजाण हे।

इब्रानियों 6:9

पण हो मारा भायाँ, माँ ईं बाताँ केवा हाँ, तद्याँ भी थाँका बारा में माँ अणीऊँ बड़िया बाताँ को भरोसो करा हाँ, जीं मुगती का बारा में हे।

याकूब 4:1

थाँकामें लड़ई-जगड़ो काँ वेवे हे? ईंको मस थाँका मयने थाँकी भोग-विलास की मरजी हे ज्या थाँका मयने लड़ई-जगड़ो करीरी हे।

1 पतरस 1:1

मूँ पतरस ज्यो परबू ईसू मसी को थरप्यो तको चेलो, यो कागद वणा मनकाँ ने लिकरियो हूँ, जी परमेसर का आड़ीऊँ चुण्या तका हे अन ईं पुन्तुस, गलातिया, कप्पदुकिया, एसिया अन बितुनिया का परदेस में बारबासी वेन वकरिया तका हे।

1 पतरस 1:17

जद्याँ थाँ परमेसर ने जो हाराई मनकाँ ने वाँका काम का जस्यान अन जो पकसपात का हाते न्याव ने करे, वींने थाँ “हो बापू” केन बलावो हो, तो थाँ ईं बारवासी धरती पे रेता तका परमेसर ने आदर देता तका जीवन जीवो।

1 पतरस 4:12

हो मारा प्यारा भायाँ, थाँका मयने ज्याँ दुक की घड़ी थाँने परकबा वाते थाँकामें वीती री हे, ईंके वजेऊँ थाँ ओ जाणन अचम्बा मती करो के, थाँका पे घणी अनहोणी वेरी हे।

1 पतरस 4:2

ईं वाते थाँ आपणाँ आगे को जीवन मनकाँ की मरजी का जस्यान ने, पण परमेसर की मरजी का जस्यान जीवो।

2 पतरस 3:1

हो प्यारा भायाँ, अबे मूँ दूज्यो कागद थाँने लिकरियो हूँ। अन अणा दुई कागदऊँ मूँ थाँका पुवितर हरदा ने जगाबा की कोसीस कररियो हूँ।