1 पतरस 1:5 - नुवो नेम (मेवड़ी नया नियम)

⁵ थाँ, ज्याँने परमेसर थाँका विस्वास का जरिये आपणी तागतऊँ वीं छूटकारा का वाते बचावे हे, ज्यो आकरी टेम में परगट वेबावाळो हे।

1 पतरस 1:5 Iomraidhean Croise

यहुन्ना 12:48

ज्यो मने नकारे हे अन मारा बचनाँने ने माने हे वाँने दोसी ठेराबावाळो तो एकीस हे, ईंको मतलब जीं बचन में बताया, वींइस आकरी दन में वाँने दोसी बणाई।

यहुन्ना 17:15

मूँ या परातना ने करूँ के, थूँ वाँने दनियाऊँ उठा ले, पण या के, थूँ वाँने बुरईऊँ बंचान राक।

यहुन्ना 4:14

पण ज्यो कुई वो पाणी पीई ज्यो मूँ वाँने देऊँ, वाँने पाच्छी कदी तर ने लागे। पण ज्यो पाणी मूँ वाँने देवूँ, वो वींमें अनंत जीवन देबावाळी नंदी बण जाई।”

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

रोमियों 11:20

आ बात हाँची हे। पण वीं आपणाँ विस्वास ने करबा की वजेऊँ तोड़ी गी, पण थाँ थाँका विस्वास की वजेऊँ थाँकी जगाँ टक्या तका रेवो। तो ईंको मेपणो मती करो, पण दरपता रेवो।

रोमियों 8:18

मूँ होचूँ हूँ के, ईं टेम ज्यो दुक आपाँ भोगरिया हा, वो वीं मेमा का आगे कईस ने हे, ज्याँ आगे आपणाँ पे आबावाळी हे।

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

2 कुरिन्थियों 1:24

अन ईंको ओ मतलब ने के, माँ थाँका विस्वास पे काबू पाणो छारिया हाँ। थाँ तो थाँका विस्वास में गाटा हो अन माँ तो थाँकी खुसी में थाँका हाते हाँ।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

इपिसियों 2:8

काँके थाँ विस्वास का मस करपाऊँ बंचाया ग्या हो। अन ओ थाँके करमा को फळ कोयने पण ओ तो परमेसर को दान हे। ईं वाते अणीऊँ कुई मेपणो ने कर सके हे।

इपिसियों 3:17

अन विस्वासऊँ मसी थाँका हरदा में बसे अन थाँकी जड़ा अन नीम परेम में धस जावे।

फिलिपियों 1:6

अन मने ईं बात को विस्वास हे के, जीं परमेसर थाँकामें हव काम सरू किदो हे, वींइस वींने ईसू मसी का पाच्छा आबा का दन तईं पूरो करी।

फिलिपियों 4:7

तद्याँ परमेसर की सान्ती, ज्यो हारी हमजऊँ बारणे हे, थाँका हरदा अन थाँका बच्याराँ ने ईसू मसी का गट-जोड़ में हमाळ राकी।

2 तिमुतियूस 3:15

अन बाळकपणाऊँ थूँ तो पुवितर सास्तर ने जाणे हे ज्यो ईसू मसी में विस्वास का आड़ीऊँ थने मुगती पाबा का वाते अकल दे सके हे।

तीतूस 2:13

अन आपीं वणी धन्न दन की आसऊँ वाट नाळता रेवा, जदी आपणाँ परमेसर अन आपाँने छुटकारो देबावाळा ईसू मसी की मेमा परगट वेई।

इब्रानियों 6:12

माँ यो ने छावाँ हाँ के, थाँ आळसी बण जावो, पण वाँके जस्यान चालो, जीं विस्वास अन धिज्या का हाते वणा चिजाँ ने पारिया हे, ज्याँको परमेसर वादो किदो हो।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।

1 पतरस 4:13

पण राजी वेवो के, थाँने मसी का जस्यान दुक जेलबा को मोको मल्यो हे। जणीऊँ जद्याँ ईसू मसी की मेमा परगट वेई तद्याँ थाँ भी राजी अन खुसी रे सको।

1 पतरस 5:1

अबे मूँ वाँने जो थाँका मयने परदान मान्याँ जावे हे, वाँकाऊँ परातना करूँ हूँ, मूँ खुद एक दानो परदान हूँ अन जो दुक मसी जेल्यो हो वींको मूँ गवा हूँ अन आबावाळी मेमा को मूँ भागी हूँ।

2 पतरस 1:3

जीवन जीवबा का वाते अन परमेसर की सेवा करबा का वाते जो कई भी आपणे छावे हे, वो हारोई परमेसर आपणी तागतऊँ आपाँने दिदो हे। काँके आपाँ वींने जाणा हाँ, जणी आपणी धारमिकता अन मेमा की वजेऊँ आपाँने बलाया हे।

1 यहुन्ना 3:2

हो मारा प्यारा भायाँ, अबे आपाँ परमेसर का बेटा-बेटी हाँ, पण आबावाळी टेम में आपाँ कई वेवा, ईंका बारा में आपाँने ग्यान ने दिदो ग्यो हे, पण छावे ज्यो भी वे, आपाँ ओ जाणा हाँ के, जद्याँ मसी पाच्छा परगट वेई, तद्याँ आपाँ वींके जस्यान वे जावाँ, काँके जस्यान वो हे, वस्यानीस आपाँ वींने देकाँ।

यहूदा 1:1

यहूदो ज्यो ईसू मसी को दास अन याकूब को भई हो, वींका आड़ीऊँ ओ कागद वणा मनकाँ का नाम ज्याँने परमेसर बलाया हे अन वीं ज्याकाँऊँ परमेसर परेम राके हे अन ज्याँने ईसू मसी बंचान राक्या हे।

यहूदा 1:24

परमेसर थाँने पापऊँ बंचान आपणाँ हामे निरदोस साबत करन अन राजी करन आपणी मेमा करबा का वाते ऊबो कर सके हे।