1 पतरस 1:21 - नुवो नेम (मेवड़ी नया नियम)

²¹ थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।

1 पतरस 1:21 Iomraidhean Croise

मत्ती 28:18

पछे ईसू वाँका नके आन क्यो, “हरग अन धरती को हारोई अदिकार मने दिदो तको हे।

यहुन्ना 12:44

ईसू जोरऊँ क्यो, “ज्यो मारा पे विस्वास करे हे, वो मारा पेईस ने पण मने खन्दाबावाळा पे भी विस्वास करे हे।

यहुन्ना 14:1

ईसू आपणाँ चेलाऊँ क्यो, “थाँ दकी मती वेवो, पण परमेसर पे विस्वास राको अन मारा पे भी विस्वास राको।

यहुन्ना 14:6

ईसू वींने क्यो, “हाँच, जीवन अन गेलो मूँईस हूँ। मारा बना कुई परमेसर का नके ने जा सकी।

यहुन्ना 17:1

ईसू ईं बाताँ किदी अन आपणी मुण्डो हरग आड़ी करन क्यो, “ओ मारा बापू, वाँ टेम आगी हे, आपणाँ पूत की मेमा करो, ताँके पूत भी थाकी मेमा करे।

यहुन्ना 17:24

“हो बापू, मूँ छावूँ हूँ के, ज्याँने थाँ मने दिदा हे, वीं जटे मूँ हूँ वटे वीं भी मारा लारे वेवे। ताँके वीं मारी वणी मेमा ने देके ज्यो थाँ मने दिदी, काँके थाँ दनियाँ का बणावाऊँ पेल्याऊँ माराऊँ परेम किदो।

यहुन्ना 17:5

अन अबे हो बापू, थूँ आपणाँ हाते मारी मेमा वीं मेमाऊँ करज्यो दनियाँ का बणावाऊँ पेल्याई आपणाँ हाते ही।

यहुन्ना 3:34

काँके जिंने परमेसर खन्दायो हे, वो परमेसर की बाताँ केवे हे, काँके परमेसर वींने आपणी आत्माऊँ भरपूर किदो हे।

थरप्या तका का काम 2:24

पण, परमेसर वींने मोत का दकऊँ छुड़ान पाछो जीवतो कर दिदो, काँके वाँका वाते ओ वे ने सके के, मोत वींने आपणाँ बस में राके।

थरप्या तका का काम 3:13

अबराम, इसाक अन याकूब का परमेसर, आपणाँ बड़ाबा का परमेसर आपणाँ सेवक ईसू की मेमा किदी। थाँकाणी वींने मराबा के वाते पकड़वा दिदो अन पछे पिलातुस वींने छोड़बा की बात ठाणी, तो थाँ लोगाँ पिलातुस के हामे भी वींने नकार दिदो।

थरप्या तका का काम 3:15

थाँ जीवनदाता ने मरवा नाक्यो, पण परमेसर वींने मरिया तका मूँ पाछो जीवतो कर दिदो, माँ ईं बात का गुवा हा।

थरप्या तका का काम 4:10

तो थाँ सब जणा अन इजराएल का लोगाँ ने ओ पतो वेणो छावे के, ओ मनक थाँके हामे ईसू मसी नासरी का नामऊँ पुरी तरियाऊँ हव वेन थाँका हामे ऊबो हे, वो ईसू नासरी, जिंने थाँकाणी हूळी पे चड़ा दिदो हो अन परमेसर पाछो वींने मरिया तका मूँ जीवतो कर दिदो।”

रोमियों 10:9

यद्याँ थूँ आपणाँ मुण्डाऊँ केवे, “ईसू परबू हे,” अन आपणाँ मन में ओ विस्वास करे के, परमेसर वींने मरिया तकाऊँ जीवतो किदो हे, तो थूँ बंचायो जाई।

रोमियों 4:24

पण आपणाँ वाते भी के, परमेसर आपाँने ज्यो वींमें विस्वास राका हा, धरमी मानी। वणी आपणाँ परबू ईसू ने पाच्छा जिवाया हे।

2 कुरिन्थियों 6:15

अस्यानीस मसी को सेतान बलियालऊँ कई लेणो-देणो ने हे। बना विस्वासवाळा मनक को विस्वासी का हाते कई मेळ ने हे।

इपिसियों 1:15

ईं वाते, जद्याँऊँ में परबू ईसू पे थाँका विस्वास अन हारई परमेसर का पुवितर मनकाँ का वाते थाँका परेम का बारा में हुण्यो हे,

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

1 तिमुतियूस 1:1

मूँ पोलुस, आपाँने बंचाबावाळा परमेसर अन आपणी आस का आदार ईसू मसी की आग्याऊँ ईसू मसी को थरप्यो तको चेलो बण्यो,

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

इब्रानियों 2:9

पण आपाँ यो देकाँ हा के, वीं ईसू जाँने थोड़ीक टेम का वाते हरग-दुताऊँ रेटे कर नाक्या हा, अबे वींने मेमा अन आदर को मुकट पेरायो ग्यो हे, काँके वणी मोत को दुक जेल्यो हे। ताँके परमेसर की करपाऊँ हरेक मनक का वाते मोत को हवाद चाके।

इब्रानियों 6:1

ईं वाते आवो, मसी की हिक की सरुआत की बाताँ ने छोड़न आपाँ पाका वेबा का वाते आगे बड़ता जावा। अन आपाँ सरुआत की हिक की नीम पाच्छी ने नाका, जस्यान के, मोत का आड़ी लेजाबावाळा कामाँऊँ मन फेरणो, अन परमेसर पे विस्वास करणो,

इब्रानियों 7:25

अन ज्यो वणीऊँ परमेसर हुदी जावे हे, वीं वाँने पूरो छुटकारो देवा का वाते ताकड़े हे, काँके वो वाँका वाते अरज करबा का वाते हमेस्यान जीवे हे।

1 पतरस 1:11

अन वीं परमेसर का आड़ीऊँ बोलबावाळा मसी की आत्माऊँ यो भी जाणे हे के, मसी पे दुक आबावाळो हे अन वणी दुक का केड़े वींकी मेमा भी वेई। वाँ आत्मा वाँने बतावे हे के, ईं बाताँ कदी वेई अन तद्याँ ईं दनियाँ को कई वेई।

1 पतरस 1:3

आपणाँ परबू ईसू मसी का बापू परमेसर की जे हो, काँके परमेसर आपणाँ पे घणी मोटी दया बतई जणीऊँ वणा मसी ने मरिया तका मेंऊँ जीवान आपाँने नुवा जीवन की जीवती आस राकबा वाते वणा आपाँने नुवो जीवन दिदो हे।

1 पतरस 3:22

वो हरग में परमेसर का जीमणा पाल्डे बेट्यो तको हे, अन अबाणू हरग-दुत, अदिकारी अन हारी सगत्याँ वींके बंस में कर दिदी गी हे।