1 पतरस 1:13 - नुवो नेम (मेवड़ी नया नियम)

¹³ ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।

1 पतरस 1:13 Iomraidhean Croise

मत्ती 20:4

अन वणीऊँ क्यो, ‘थूँ भी मारा बाग में जा अन ज्यो कई थने हव लागी, थने देऊँ।’ अस्यान वो भी परोग्यो।

लूका 12:35

“ज्यो कई भी काम आवे वींने करबा का वाते त्यार रेवो अन थाँका दिवा बळता रेवे।

लूका 17:30

जणी दन मूँ मनक को पूत आऊँ। वणी दन भी अस्यानीस वेई।

लूका 17:8

‘कई वो वणीऊँ यु ने केई? मारा खाबा का वाते कई बणा अन त्यार वेन जतरे मूँ खाणो खा ने लूँ, वतरे मारी चाकरी करतो रे, ईंका केड़े थूँ खाणो खई लेज्ये’?

रोमियों 13:13

तो काँ ने आपाँ भी वणी तरियाऊँ रेवा, जस्यान मनक दन का उजिता में रेवे हे। ने तो खा-पीन धुत रेबावाळा का जस्यान, ने कुकरम, लुचापणा करबावाळा की तरियाँ अन ने लड़बावाळा का जस्यान अन ने रिस्याँ बळबावाळा का जस्यान।

रोमियों 8:19

काँके ओ जग घणी आसऊँ वीं टेम को वाट नाळरियो हे, जद्याँ परमेसर आपणी ओलाद परगट करी।

1 कुरिन्थियों 1:7

ईं मस थाँ जद्याँ आपणाँ परबू ईसू मसी के परगट वेबा की वाट नाळता रेवो हो, तो थाँका नके वाँके कस्यी भी आत्मिक वरदान की कमी ने हे।

1 कुरिन्थियों 13:13

पण अबे विस्वास, आस, अन परेम ईं तीनई टळे कोयने अन अणा हारईऊँ मोटो परेम हे।

इपिसियों 6:14

ईं वाते हाँच का बेलपट्याऊँ आपणी कमर बाँदन, अन छाती को कवच पेरलो मतलब परमेसर का हामे सई करो,

कुलुसियों 3:4

थाँको जीवन मसी हे। जद्याँ वो मेमा का हाते परगट वेई, तद्याँ थाँ भी वींका मेमा में हाते परगट वेवो।

2 थिस्सुलुनिक्यों 1:7

अन परबू ईसू मसी जद्याँ आपणाँ हरग-दुत का हाते हगलती तकी वादी में हरगऊँ आई, तो थाँ जी कळेस जेलरिया हो, वो माकाँ हाते थाँने सक-चेन देई।

2 तिमुतियूस 4:5

थूँ सान्तीऊँ टक्यो तको रेज्ये अन दुक भोगबा का वाते त्यार रे। हव हमच्यार को परच्यार करबा का वाते घणी मेनत कर अन थाँरी जिमेदारी ने हव तरियाऊँ पुरी करज्ये।

2 तिमुतियूस 4:8

अन अबे वटे परमेसर का हाते जीत को ईनाम मारी वाट नाळरियो हे, जिंने धरमी अन खरा न्याव करबावाळा परबू आकरी दन में मने देई। मने एकला नेईस ने, पण वाँ हाराई ने भी ज्यो परेम का हाते वींके परगट वेबा की वाट नाळे हे।

इब्रानियों 10:35

ईं वाते थाँ हिम्मत मती हारज्यो, काँके थाँने ईं बात की वजेऊँस मोटो फळ मली।

इब्रानियों 3:6

पण परमेसर का घराणा में मसी तो एक बेटा का रूप में विस्वास करबा के जोगो हे, अन यद्याँ आपाँ हिम्मत राका अन वीं आस पे विस्वास बण्यो तको राका हा, तो आपींइस वींको घराणो हा।

इब्रानियों 6:19

वाँ आस आपणाँ जीवन का वाते अस्यो लंगर हे ज्यो एक जगाँ पाको हे ज्यो हाली ने सके हे। अन आपणी आस का वजेऊँ आपाँ अस्यान का हा, मानो आपाँ परमेसर की वीं जगाँ में पराग्या, जटे मायाजकइस जा सके हे, ज्या परदाऊँ ढाकी तकी हे।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

1 पतरस 1:10

थाँ बंचाया जारिया हो, ईंका बारा में जाणबा का वाते परमेसर का आड़ीऊँ बोलबावाळा घणी मेनत किदी ही अन हूँस्यारी का हाते पतो किदो हो। थाँका पे वेबावाळी दया का बारा में वणा पेल्याइस आगेवाणी कर दिदी ही।

1 पतरस 3:15

पण मसी ने परबू जाणन थाँ थाँका मनऊँ वाँको आदर करो। यद्याँ कुई थाँने थाँकी आस का बारा में पूछे, तो वींने जवाब देबा का वाते हमेस्या त्यार रेज्यो।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

1 पतरस 5:12

मूँ सिलवानुस ने विस्वास जोगो भई जाणूँ हूँ अन वींकी मदतऊँ यो कागद लिकन थाँकी हिम्मत बड़ाणी छारियो हूँ अन आ गवई देरियो हूँ के, परमेसर की हाँची दया याईस हे। थाँ ईंमें पाका बण्या तका रेज्यो।

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।

1 यहुन्ना 3:3

ज्यो भी मनक मसी पे आ आस राक हे, वो खुद ने वस्यानीस पुवितर राके, जस्यान मसी पुवितर हे।