1 पतरस 1:12 - नुवो नेम (मेवड़ी नया नियम)

¹² वाँने यो भी दरसावो व्यो के, जीं बाताँ का बारा में वीं बताता तका सेवा किदी ही, वणीऊँ वीं खुद की सेवा ने कररिया हे, पण थाँकी सेवा कररिया हा। वीं बाताँ थाँने हरगऊँ खन्दई तकी पुवितर आत्मा के वजेऊँ हव हमच्यार ने हुणाबावाळा का जरिये पेल्याँई बता दिदी गी ही। ईं बाताँ ने जाणबा का वाते तो हरग-दुत भी तरसे हे।

1 पतरस 1:12 Iomraidhean Croise

मत्ती 11:25

वीं दाण ईसू क्यो, “हो परम बापू, हरग अन धरती का परबू, मूँ थाँको धन्नेवाद करूँ हूँ के, थाँ अणा बाताँ ने ग्यानी अन स्याणाऊँ हपान राकी अन भोळा मनकाँ पे परगट किदी हे।

मत्ती 11:27

“मारा परम बापू मने हारोई हूँप्यो हे, परमेसर के अलावा कुई बेटा ने कोयने जाणे हे, अन ने कुई बेटा के अलावा परमेसर ने जाणे हे, पण अबे वीं मनक परमेसर ने जाणे हे जाँने बेटो बतावे हे।

मत्ती 16:17

ईसू वाँने जवाब दिदो, “हो समोन, योना का पूत, थूँ धन्न हे, काँके थने आ बात कणी मनक ने क्यो, पण मारा बाप ने ज्यो हरग में हे, आ बात थाँरा पे परगट किदी हे।

मरकुस 16:15

पछे ईसू वाँने क्यो, “दनियाँ की हारी जगाँ में जावो अन हारई लोगाँ ने हव हमच्यार हुणावो।

लूका 15:10

मूँ थाँकाऊँ केवूँ हूँ के, अणीस तरियाऊँ एक मन फेरबावाळा पापी का बारा में परमेसर का हरग-दुताँ का हामें आणन्द वेवे हे।”

लूका 2:26

पुवितर आत्मा वींने बतायो हो के, “जद्याँ तईं थूँ परबू का मसी ने देक ने लेई, तद्याँ तईं थारी मोत ने वेई।”

लूका 9:6

अस्यान वी वटूँ चाल पड़्या अन गामाँ-गामाँ में हव हमच्यार हुणाता तका अन हंगळी जगाँ लोग-बागाँ ने मांदकीऊँ हव करता रिया।

यहुन्ना 15:26

“पण जद्याँ वो हण्डाळी आई, जिंने मूँ थाँका नके बाप का आड़ीऊँ खन्दाऊँ, ईंको मतलब हाँच की आत्मा ज्यो बाप का आड़ीऊँ हे, तो वाँ मारी गवई देई।

थरप्या तका का काम 10:44

जद्याँ पतरस ईं बाताँ कररियो हो, तद्याँई हारई जणामें पुवितर आत्मा आगी, ज्याँकाणी हव हमच्यार हुण्या हा।

थरप्या तका का काम 16:10

पोलुस ओ दरसावो देकतईं, तरत माँ मकिदुनिया जाणो छायो, ओ हमजन के, परमेसर माँने वटे हव हमच्यार हुणाबा वाते बलाया हे।

थरप्या तका का काम 2:33

ईसू परमेसर का जीमणा पाल्डे आपणो हंगळाऊँ ऊसी जगाँ बिराजो अन जस्यान परमेसर वादो किदो वस्यान पुवितर आत्मा पई। वाईस पुवितर आत्मा आपणाँ ने दे दिदी, जिंका बारा थाँ देकरिया अन हुणरिया हो।

थरप्या तका का काम 4:31

जद्याँ वणा परातना कर लिदी, तो वाँ जगाँ जटे वे अगेटा व्या हाँ, हालगी। अन वे हारई पुवितर आत्माऊँ भरग्या अन परमेसर का वसना ने बना दरप्याई हुणाबा लागग्या।

थरप्या तका का काम 4:8

तो पतरस का डिले पुवितर आत्मा आन वाँने क्यो, “ओ नेता अन बुड़ा-ठाड़ा लोगाँ,

थरप्या तका का काम 8:25

ईंका केड़े वे गवई देन परबू का बचन हुणान यरूसलेम आरिया हा, तद्याँ सामरिया का नरई गामाँ में हव हमच्यार हुणाता ग्या।

रोमियों 1:15

जणीऊँ मूँ थाँ रोम में रेबावाळा में भी हव हमच्यार को परच्यार करबा का वाते लळक राकूँ हूँ।

रोमियों 1:17

काँके हव हमच्यार बतावे हे के, परमेसर मनकाँ ने कस्यान आपणाँ वाते सई करे हे। ओ सरुवातऊँ लेन आकरी तईं विस्वास पे टक्यो तको रेवे हे। जस्यान के पुवितर सास्तर में लिक्यो तको हे के, “विस्वासऊँ धरमी मनक जीवतो रेई।”

रोमियों 10:15

अन हुणाबावाळा ने खन्दावाँ, तो वीं कस्यान हुणा सकी? जस्यान के सास्तर में लिक्यो हे, “हव हमच्यार हुणाबावाळा का पग करता हुवावणा हे।”

रोमियों 15:19

तागत का हेन्याण अन अचम्बा का काम अन परमेसर की आत्मा की तागतऊँ मारी जरिये पूरो किदो। अस्यान में यरूसलेम नगरऊँ लेन इल्‍लुरिकुम परदेस का च्यारूँमेर मसी का हव हमच्यार का परच्यार को काम पूरो किदो।

1 कुरिन्थियों 2:10

पण परमेसर वणा भेद की बाताँ ने आपणी आत्माऊँ आपाँने परगट किदा, काँके आत्मा हाराई बाताँइस ने पण परमेसर का भेद की बाताँ भी जाणे हे।

2 कुरिन्थियों 1:22

वींइस आपाँ पे छाप भी लगई हे अन आपणाँ मयने गारन्टी का रूप में पुवितर आत्मा दिदी हे, वीं आपणो वादो पूरो करी।

2 कुरिन्थियों 6:6

खुद ने पुवितर राकन, ग्यान अन धीरजऊँ, अन दया करन अन पुवितर आत्माऊँ, हाँचा परेमऊँ

गलातियों 1:12

काँके वो मने मनकाँ की ओरुँ ने मल्यो अन ने मने हिकायो ग्यो, पण ओ हव हमच्यार मने परबू ईसू मसी की पुवितर आत्माऊँ मल्यो हे।

गलातियों 1:16

जद्याँ परमेसर की मरजी वीं के, मारा में वींका पूत ने परगट करे अन मूँ ज्यो यहूदी ने हे वणामें वींको हव हमच्यार हूँणऊँ तो वणी दाण में ईं बात पे कणी मनकऊँ सला ने लिदी।

इपिसियों 3:10

ताँके अबे मण्डळीऊँ परमेसर को तरे-तरे को ग्यान वाँ हरग का मोटा राजा अन अदिकारियाँ पे परगट किदो जावे।

1 थिस्सुलुनिक्यों 2:9

हो भायाँ-बेना, थाँ माँकी मेनत अन दुक ने आद राको हो ज्यो थाँका बचमें व्यो हो अन माँ रात-दन काम धन्धो करन थाँने परमेसर को हव हमच्यार हुणायो जणीऊँ थाँका पे कई बोज ने पड़े।

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

इब्रानियों 11:13

ईं हाराई मनक विस्वास करता कतराई मरग्या अन ज्यो चीज वाँने देबा को वादो किदो ग्यो हो, वाँ वाँने कोनी मली। पण वीं वाँने छेटीऊँ देकी अन वाँकी आवभगत किदी अन वीं ओ भी मानता हा के, वीं ईं धरती में बारवासी अन अणजाण हे।

इब्रानियों 2:4

अन परमेसर भी मोटा-मोटा निसाण अन चमत्कारऊँ अन जोरावर कामाँऊँ अन आपणी मनसाऊँ दिदा तका पुवितर आत्मा का वरदानऊँ, वणा ईंने साबत भी किदो हे।

इब्रानियों 4:2

काँके आपाँने वाँके जस्यानीस हव हमच्यार हुणायो ग्यो हे, पण हुण्या तका बचनऊँ वाँने कई नफो ने व्यो, काँके वीं हूणबावाळा वींने विस्वास के हाते ने हुण्यो हो।

1 पतरस 1:25

पण परबू को वसन जुग-जुग का वाते अटल रेवे हे।” यो वोईस हव हमच्यार हे, जो थाँने हुणायो ग्यो हे।

1 पतरस 4:6

ईं वाते वीं विस्वासी, जीं मरग्या हे, वाँने हव हमच्यार ईं वाते हुणायो ग्यो हो के, वीं देह में तो मनकाँ का क्या जस्यान वाँको न्याव वे, पण आत्मा में वीं परमेसर का क्या जस्यान जीवता रेवे।

परकासितवाक्य 5:11

पछे में हरग दुताँ की अवाज हूणी, वीं गादी, वीं च्यारई जीवता जीव, पुरवज का च्यारूँमेर ऊबा हा अन वाँकी गणती लाको करोड़ो में ही।