1 पतरस 1:10 - नुवो नेम (मेवड़ी नया नियम)

¹⁰ थाँ बंचाया जारिया हो, ईंका बारा में जाणबा का वाते परमेसर का आड़ीऊँ बोलबावाळा घणी मेनत किदी ही अन हूँस्यारी का हाते पतो किदो हो। थाँका पे वेबावाळी दया का बारा में वणा पेल्याइस आगेवाणी कर दिदी ही।

1 पतरस 1:10 Iomraidhean Croise

मत्ती 13:17

काँके मूँ थाँकाऊँ हाचेई कूँ हूँ के, नरई परमेसर का आड़ीऊँ बोलबावाळा अन धरमी मनक अणा बाताँ ने देकणी अन हूणणी छाता हा, पण वीं ने देक सक्या अन ने हुण सक्या।

मत्ती 26:24

मनक का पूत ने तो मरणोइस हे, जस्यान वाँका वाते लिक्यो हे, पण ज्यो मनक का पूत ने पकड़ाई, वींका वाँते घणी दुक बात वेई। वीं मनक के वाते आ बात घणी हव वेती, जदी वो जनमई ने लेतो।”

लूका 10:24

काँके, मूँ थाँने बताणो छावूँ हूँ के, नरई राजा अन परमेसर का आड़ीऊँ बोलबावाळा अणा बाताँ ने देकणी छाया, पण वीं देक ने सक्या अन ज्यो बाताँ थाँ हुणरिया हो वाँने वणा हूणणी छई, पण हुण ने सक्या।”

लूका 24:44

पसे ईसू वाँकाऊँ क्यो, “ईं मारी वीं बाताँ हे, जद्याँ मूँ थाँके हाते रेते तके थाँकाऊँ क्यो हो। जतरी बाताँ मूसा के नेमा में अन परमेसर का आड़ीऊँ बोलबावाळा अन भजनाँ की किताब में मारा बारा में लिकी तकी हे, वीं हारी पुरी वेणीईस हे।”

यहुन्ना 5:39

थाँ सास्तरा की किताब में होदो हो, काँके थाँ हमज्यो हो के, थाँने वींमें अनंत जीवन मले हे। पण ईं हाराई सास्तर भी मारी गवई देवे हे।

यहुन्ना 7:52

वणा वींने जवाब दिदो, “कई थूँ भी गलील को हे? सास्तर में देक अन होद के, गलीलऊँ कुई भी परमेसर का आड़ीऊँ बोलबावाळो परगट ने वेबावाळो हे।”

थरप्या तका का काम 10:43

हारई परमेसर का आड़ीऊँ बोलबावाळा वींका बारा में गवई दिदी के, वींपे भरोसो करबावाळो हरेक मनक वींका नामऊँ पापाँ की मापी पाई।”

थरप्या तका का काम 17:11

बिरिया का लोग थिसलुनीके का लोगाऊँ खुला मन का हा। आपणो मन लगान बचन हूणता हा अन हरेक दन पुवितर सास्तर में होदता के, जो भी पोलुस केरियो हे, वो हे के ने हे।

थरप्या तका का काम 28:23

तद्याँ वणी वाँने केबा के वाते एक दन ते किदो अन नरई मनक वटे भेळा व्या जटे वो रेरियो हो। वणी हवेरूँ लगान हाँज तक परमेसर के राज का बारा में बखाण किदो अन मूसा का नेमा अन परमेसर का आड़ीऊँ बोलबावाळा की किताबाँऊँ ईसू का बारा में साबत करतो तको हमजातो रियो।

थरप्या तका का काम 7:52

अस्यो एक भी परमेसर का आड़ीऊँ बोलबावाळो हो कई, जिंने थाँका बड़ाबा ने हतायो? वाँकाणी तो वाँने भी मार नाक्या, ज्याँकाणी नरई दनाँ पेल्याँईं वीं धरमी के आबा की घोसणा कर दिदी ही, जिंने अबे थाँकाणी छळ करन पकड़वा दिदो अन मार दिदो।

इब्रानियों 11:13

ईं हाराई मनक विस्वास करता कतराई मरग्या अन ज्यो चीज वाँने देबा को वादो किदो ग्यो हो, वाँ वाँने कोनी मली। पण वीं वाँने छेटीऊँ देकी अन वाँकी आवभगत किदी अन वीं ओ भी मानता हा के, वीं ईं धरती में बारवासी अन अणजाण हे।

इब्रानियों 11:40

परमेसर का नके आपणी ओजणा का जस्यान आपणाँ का वाते ओरी हव बात ही, ताँके वाँ आपणे बना सिद ने वे सके।

1 पतरस 1:11

अन वीं परमेसर का आड़ीऊँ बोलबावाळा मसी की आत्माऊँ यो भी जाणे हे के, मसी पे दुक आबावाळो हे अन वणी दुक का केड़े वींकी मेमा भी वेई। वाँ आत्मा वाँने बतावे हे के, ईं बाताँ कदी वेई अन तद्याँ ईं दनियाँ को कई वेई।

1 पतरस 1:13

ईं वाते थाँ थाँका मन ने बंस में राको अन खुद ने भी बंस में राको अन वीं वरदान की आस लगई तकी राको, ज्यो थाँने ईसू मसी परगट वेई, वीं दाण दिदो जाई।