1 यहुन्ना 5:4 - नुवो नेम (मेवड़ी नया नियम)

⁴ ज्यो भी मनक परमेसर को बेटा वेई, वो दनियाँ ने जीत लेवे हे अन ईंको कारण आपणो विस्वास हे।

1 यहुन्ना 5:4 Iomraidhean Croise

यहुन्ना 1:13

परमेसर की ओलाद वेबा का वाते वीं मनक की मरजी का मस देहऊँ ने जनम्याँ, पण वीं तो परमेसर की मरजीऊँ आत्मिक रूप में जनम्याँ।

यहुन्ना 16:33

में थाकाँऊँ ईं बाताँ ईं वाते किदी के, थाँने माराऊँ सान्ती मले, दनियाँ में तो थाँने दुक मल्यो हे पण हिम्मत राको, में दनियाँ ने जीत लिदी हे।”

यहुन्ना 3:3

ईसू वींने जवाब दिदो के, “मूँ थाँराऊँ सई केवूँ हूँ, यद्याँ थूँ पाछो जनम ने लेवे, तो परमेसर का राज ने देक ने सकी।”

1 कुरिन्थियों 15:57

पण परमेसर को धन्नेवाद वे के, वणा आपाँने परबू ईसू मसीऊँ मोत पे जीत देवाड़ी हे।

1 यहुन्ना 2:29

अन जद्याँ थाँ ओ जाणो हो के, ईसू मसी धरमी हे, तद्याँ थाँ यो भी जाण लो के, ज्यो मनक धरम का काम करे हे, वींइस परमेसर का बेटा-बेटी हे।

1 यहुन्ना 3:9

ज्यो भी मनक परमेसर को बेटा बणग्यो हे, वो पाप में रेवे हे, काँके वींके मयने मसी वास करे हे। ईं वाते वो पाप करतो ने रेवे, काँके वो परमेसर को बेटो बणग्यो हे।

1 यहुन्ना 4:4

हो मारा प्यारा बाळकाँ, थाँ परमेसर का हो। ईं वाते थाँ जूटा परमेसर की आड़ीऊँ बोलबावाळाऊँ जितग्या हो। काँके थाँका मयने वो परमेसर वास करे हे वीं ईं दनियाँ में रेबावाळा सेतानऊँ जोरावर हे।

1 यहुन्ना 5:1

ज्यो भी मनक ओ विस्वास करे हे के, ईसूइस, मसी हे, तद्याँ वीं परमेसर को बेटा-बेटी वेई अन ज्यो भी मनक परमेसरऊँ परेम करी, वो वींका बाळकाऊँ भी परेम करी।

1 यहुन्ना 5:18

आपाँ जाणा हाँ के, ज्यो भी मनक परमेसर को हे वो पाप में ने रेवे हे, काँके परमेसर वींने बंचायो राके हे अन वींके सेतान हात भी कोयने अड़ा सके।

1 यहुन्ना 5:5

ज्यो भी ओ विस्वास करे हे के, ईसू मसीइस परमेसर को बेटा हे, वो अणी दनियाँ ने जीत लेवे हे।

परकासितवाक्य 12:11

वणाऊँ उन्याँ का लुईऊँ अन खुद की गवई की वजेऊँ वींने हरा दिदो हो, वणी आपणो जीव को भी होच ने किदो अन मोत ने जेल लिदी।

परकासितवाक्य 15:2

ईंका केड़े मने काँस का जस्यान को समन्द नजर आयो वो अस्यान दिक्यो हो जस्यान के, वींके मयने वादी वेवे। जी मनक वीं डरावणा जनावर की मूरती अन वींका नाम का नम्बरऊँ जितग्या हा, वाँने वीं काँस का समन्द पे ऊबा तका देक्यो। वणा का नके परमेसर का आड़ीऊँ दिदी तकी रणभेरी ही।

परकासितवाक्य 2:11

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी जिती वींने दूँजी मोत कोयने जेलणी पड़ी।

परकासितवाक्य 2:17

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी जिती, मूँ वाँने हरग में हपायो तको मन्नो देऊँ। मूँ वाँने एक धोळो भाटो भी देऊँ, जिंका ऊपरे एक नुवो नाम लिक्यो तको वेई। वो नाम वीं मनक का छोड़न कुई ने जाणी, जिंने वो दिदो जाई।

परकासितवाक्य 2:26

ज्यो भी जिती अन जणा बाताँ ने मानबा को हुकम में दिदो हो, वींने आकरी हुदी मानी, वणा मनकाँ ने मूँ जात्या पे हक चलाबा को अदिकार देऊँ।

परकासितवाक्य 2:7

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी बुरईऊँ जिती मूँ वींने परमेसर का बाग में जीवन का रूँकड़ा का लाग्या तका फळ खाबा को हक देऊँ।

परकासितवाक्य 3:12

ज्यो भी जिती वींने मूँ परमेसर का मन्दर को थम्बो बणाऊँ। अन वींके केड़े, वो कदी बारणे ने जाई। मूँ वींपे मारा परमेसर को नाम लिकूँ। मूँ वींपे नुवो यरूसलेम को नाम लिकूँ, जो परमेसर का हरगऊँ उतरबावाळो हे। मूँ वींपे मारो नुवो नाम भी लिकूँ।

परकासितवाक्य 3:21

ज्यो भी जिती मूँ वींने मारी हाते मारा गादी पे बेवाड़ऊँ। वस्यानीस जस्यान मूँ जित्या केड़े मारा बापू की गादी पे बेट्यो हूँ।

परकासितवाक्य 3:5

ज्यो भी जिती, वीं अस्याईस धोळा गाबा पेरी। मूँ जीवन की किताब मेंऊँ वाँका नामने ने वगाड़ूँ, पण वाँका नाम ने बापू परमेसर अन वींका हरग दुताँ का हामे मान लेऊँ के, ईं मारा हे।