1 यहुन्ना 5:13 - नुवो नेम (मेवड़ी नया नियम)

¹³ मूँ या बात ईं वाते थाँने लिक हूँ, काँके थाँ परमेसर का बेटा में विस्वास राकबावाळा हो अन थाँ यो भी जाण लिदो हे के, अनंत जीवन थाँनेइस मल्यो हे।

1 यहुन्ना 5:13 Iomraidhean Croise

यहुन्ना 1:12

पण जणा भी वींने मान्यो अन वींपे विस्वास किदो, वाँने वणी परमेसर की ओलाद वेबा को हक दिदो।

यहुन्ना 2:23

जद्याँ ईसू यरूसलेम में फसे का तेवार की टेम में हो, तद्याँ नरई लोग-बाग वाँका परच्या पे अन ज्यो वीं करता हा, वाँने देकन वींपे विस्वास किदो।

यहुन्ना 20:31

पण, ईं वाते लिक्या ग्या हे के, थाँ विस्वास करो के, ईसूइस परमेसर को पूत मसी हे अन विस्वास करन वाँका नामऊँ जीवन पावो।

यहुन्ना 21:24

यो वोईस चेलो हे। ज्यो अणा बाताँ की गवई देवे अन जणी अणा बाताँ ने लिकी हे अन आपाँ जाणा हाँ के, वाँकी गवई हाँची हे।

यहुन्ना 3:18

“ज्यो कुई वींपे विस्वास करे, वाँने माप किदा जावे हे, पण ज्यो वाँका पे विस्वास ने करे, वीं दण्ड का भोगी वेग्या हे, काँके वणा परमेसर का एकाएक पूत पे विस्वास ने किदो।

यहुन्ना 5:24

“मूँ थाँने सई-सई केवूँ हूँ, ज्यो मारा बचनाँ ने हुणन मारा खन्दाबावाळा को विस्वास करे हे, वो अनंत जीवन पावे हे। अन वाँने दण्ड ने दिदो जाई, पण वीं मोतऊँ छेटी वेन जीवन में परवेस करग्या हे।

थरप्या तका का काम 3:16

काँके ईसू का नाम पे विस्वास करबा का मसऊँ यो मनक ताकड़े वेग्यो, जिंने थाँ देकरिया हो अन जाणो हो। हाँ, ईं मनक का विस्वासऊँ यो मनक थाँका हामे पुरी तरियाँ हव व्यो हे।”

थरप्या तका का काम 4:12

बेस वोईस ईसू आपाँने बंचा सके हे, काँके ईं हारी धरती अन लोगाँ में दूजो नाम कोयने हे, जो आपाँने बंचा सके।

2 कुरिन्थियों 5:1

आपाँ जाणा हाँ के, ईं धरती पे आपणी देह रूपी घर भगाड़ दिदो जाई पछे आपाँने परमेसर का आड़ीऊँ हरग में कदी नास ने वेबावाळो घर मली वो मनकाँ का हाताऊँ बणायो तको ने वेई।

गलातियों 4:6

अन थाँ ज्यो परमेसर का बेटा-बेटी हो, ईं वाते परमेसर ने आपणाँ पूत की आत्माने थाँका हरदा में खन्दई, वाईस आत्मा “हो बापू, हो पीता” केन परमेसर ने हेलो पाड़े हे।

1 पतरस 5:12

मूँ सिलवानुस ने विस्वास जोगो भई जाणूँ हूँ अन वींकी मदतऊँ यो कागद लिकन थाँकी हिम्मत बड़ाणी छारियो हूँ अन आ गवई देरियो हूँ के, परमेसर की हाँची दया याईस हे। थाँ ईंमें पाका बण्या तका रेज्यो।

1 यहुन्ना 1:4

माँ थाँने ईं बाताँ ईं वाते लिकूँ हूँ के, आपणो मन राजी रे सके।

1 यहुन्ना 2:1

हो मारा प्यारा बाळकाँ, मूँ थाँने ईं बाताँ ईं वाते लिकूँ हूँ के, थाँ पाप ने करो। पण ज्यो मनक गलतीऊँ पाप कर नाके हे, वाँका पाप धोवा का वाते आपणी मदत करबा का वाते धरमी ईसू मसी, बापू परमेसर का हाते बेट्या तका हे।

1 यहुन्ना 2:21

कई थाँने अस्यान लाग के, मूँ ओ कागद ईं वाते लिकूँ हूँ के, थाँ हाँच ने, ने जाणो? पण थाँ तो हाँच ने जाणो हो अन यो भी जाणो हो के, हाँच में जूट ने वेवे हे।

1 यहुन्ना 2:25

खुद मसी आपाँने अनंत जीवन देबा को वादो किदो हे।

1 यहुन्ना 2:26

में ईं बाताँ थाँने वणा मनकाँ का बारा में लिकरियो हूँ, जीं थाँने भटकावा की कोसीस करे हे।

1 यहुन्ना 3:23

अन परमेसर को आदेस ओ हे के, आपाँ परमेसर का बेटा ईसू मसी का नाम पे विस्वास कराँ अन जस्यान ईसू आदेस दिदो हे के, आपीं एक-दूजाऊँ परेम करा।

1 यहुन्ना 4:9

परमेसर आपणाँ एकाएक बेटा ने अणी दनियाँ में खन्दान अणी परेम ने परगट किदो, जणीऊँ आपाँ वींका बेटाऊँ अनंत जीवन पा सका।

1 यहुन्ना 5:10

अन ज्यो भी मनक परमेसर का बेटा पे विस्वास करे हे, वो खुदई वींकी गवई देवे हे। जद्याँ कुई परमेसर क्यो, वणा बाताँ पे विस्वास ने करे, वो परमेसर ने जूटो ठेरावे हे। काँके परमेसर आपणाँ बेटा का वाते गवई दिदी हे।

1 यहुन्ना 5:11

परमेसर वींकी गवई ओ केन दिदी के, वणी आपाँने अनंत जीवन दिदो हे अन यो जीवन वींका बेटाऊँ आवे हे।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।