1 यहुन्ना 4:7 - नुवो नेम (मेवड़ी नया नियम)

⁷ हो मारा प्यारा भायाँ, एक-दूजाऊँ परेम करो। काँके परेम परमेसर का आड़ीऊँ आवे हे अन ज्यो भी परेम करे, वो परमेसर का बेटा-बेटी बण जावे हे अन परमेसर ने जाणे हे।

1 यहुन्ना 4:7 Iomraidhean Croise

यहुन्ना 13:34

मूँ थाँने एक नुवी आग्या देरियो हूँ के, एक-दूजाऊँ परेम राको। जस्यान में थाँकाऊँ परेम किदो वस्यानीस थाँ भी एक-दूजाऊँ परेम राको।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

1 कुरिन्थियों 8:3

पण यद्याँ कुई परमेसरऊँ परेम करे हे तो वींने परमेसर जाणे हे।

2 कुरिन्थियों 4:6

काँके परमेसर क्यो हो के, “अन्दारा में उजितो चमकी” अन वोईस आपणाँ हरदा में चमक्यो हे, जणीऊँ आपाँने ईसू मसीऊँ परमेसर की मेमा का वाते ग्यान को उजितो मल सके।

गलातियों 4:9

पण अबे तो थाँ परमेसर ने जाणग्या हो अन परमेसर थाँने ओळक लिदा हे, तो थाँ दनियाँ की कमजोर अन हूंगळी बाताँ का आड़ी पाच्छा काँ जावो हो? अन थाँ पाच्छा काँ वींका दास बणणा छारिया हो?

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

2 तिमुतियूस 1:7

काँके परमेसर आपाँने दरपणी के बजाय तागत, परेम अन खुद ने बंस में राकबा की आत्मा दिदी हे।

1 पतरस 1:22

अबे जद्याँ थाँ हाँच ने मानता तका, हाँचा भईचारा का परेम ने बताबा का वाते आपणी आत्माने पुवितर कर लिदी हे, ईं वाते थाँ एक-दूँजा में पुवितर मनऊँ परेम करबा की मनसा बणालो।

1 यहुन्ना 2:10

ज्यो भी मनक आपणाँ विस्वासी भई-बेनाऊँ परेम करे हे, वो परमेसर का उजिता में चाले हे। अन वींके जीवन में अस्यान की कुई भी बात ने वेई, जणीऊँ वो पाप करे।

1 यहुन्ना 2:29

अन जद्याँ थाँ ओ जाणो हो के, ईसू मसी धरमी हे, तद्याँ थाँ यो भी जाण लो के, ज्यो मनक धरम का काम करे हे, वींइस परमेसर का बेटा-बेटी हे।

1 यहुन्ना 2:3

परमेसर ने हाँची में जाणबा का वाते एकीस गेलो हे के, आपाँ वींका आदेस ने मानाँ अन जद्याँ आपाँ अस्यान करा हाँ, तो वींने हाँची में जाण लेवा हाँ।

1 यहुन्ना 2:4

पण यद्याँ कुई मनक अस्यान केवे हे के, “मूँ परमेसर ने जाणूँ हूँ” पण वींका आदेस ने, ने माने, तद्याँ वो मनक जूटो हे अन वींका मन में हाँच कोयने हे।

1 यहुन्ना 2:7

हो मारा प्यारा भायाँ, मूँ थाँने कस्योई नुवो आदेस ने देरियो हूँ, पण ज्यो मूँ थाँने बतऊँ हूँ वो दनियाँ की सरुवातऊँ थाँने हुणायो ग्यो हो। ओ वोईस पुराणो हव हमच्यार हे जिंने थाँ हुण चुक्या हो।

1 यहुन्ना 3:9

ज्यो भी मनक परमेसर को बेटा बणग्यो हे, वो पाप में रेवे हे, काँके वींके मयने मसी वास करे हे। ईं वाते वो पाप करतो ने रेवे, काँके वो परमेसर को बेटो बणग्यो हे।

1 यहुन्ना 4:11

हो प्यारा भायाँ जद्याँ परमेसर आपाऊँ अस्यान को परेम किदो हे, तद्याँ आपाँने भी एक-दूजाऊँ परेम करणो छावे।

1 यहुन्ना 4:12

परमेसर ने कणी भी कदी ने देक्या, पण जद्याँ आपाँ एक-दूजाऊँ परेम कराँ, तो परमेसर आपाँ में वास करी अन वींको परेम आपाँ में पाको वे जाई।

1 यहुन्ना 4:16

जस्यान को परेम परमेसर आपाऊँ राक्यो हे वींने आपाँ जाणा हाँ अन आपाँ वींमें विस्वास भी किदो हे। परमेसरइस परेम हे। ज्यो भी मनक परेम करे हे वो वींमें बण्यो तको रेवे हे अन परमेसर वींमें वास करे हे।

1 यहुन्ना 4:20

यद्याँ आपाँ केवा के, आपाँने परमेसरऊँ परेम हे, पण भईऊँ दसमणी हे तद्याँ आपाँ जूटा हाँ, काँके जणी भई ने आपाँ देक सका हा, वणीऊँ परेम कोयने कर सका, तो वीं परमेसरऊँ जिंने कदी देक्योई कोयने कस्यान परेम कर सका हाँ?

1 यहुन्ना 4:8

ज्यो भी मनक परेम ने करे, वो परमेसर ने ने जाणे सक्यो। काँके परमेसरइस परेम हे।

1 यहुन्ना 5:1

ज्यो भी मनक ओ विस्वास करे हे के, ईसूइस, मसी हे, तद्याँ वीं परमेसर को बेटा-बेटी वेई अन ज्यो भी मनक परमेसरऊँ परेम करी, वो वींका बाळकाऊँ भी परेम करी।

2 यहुन्ना 1:5

ईं वाते अबे हे बई, मूँ थने कस्योई नुवो आदेस ने लिकरियो हूँ, पण वोईस आदेस देरियो हूँ ज्यो सरुआत में दिदो ग्यो हो के, आपाँ विस्वास्याँ ने एक-दूजाऊँ परेम करणो छावे।