1 यहुन्ना 4:17 - नुवो नेम (मेवड़ी नया नियम)

¹⁷ अणीऊँ आपाँ में परेम पाको व्यो, ताँके न्याव का दन आपीं विस्वास में बण्या रेवा, काँके आपाँ दनियाँ में वस्यानीस जीवन जीवाँ हाँ, जस्यान को मसी जीवन जियो हो।

1 यहुन्ना 4:17 Iomraidhean Croise

मत्ती 10:15

मूँ थाँकाऊँ हाचेई कूँ हूँ के, न्याव का दन में वीं नगर को हाल सदोम अन अमोरा का हालऊँ घणो खराब वेई।

मत्ती 10:25

चेला ने गरू का बराबर वेवा में अन हाळी ने मालिक का बराबर वेवा मेंईस संतोक करणो छावे। यद्याँ वीं घर का मालिक ने बालजेबूल केवे, तो वाँका घर का लोगाँ ने ओरी हेलो बुरो काँ ने केई?

मत्ती 11:22

पण मूँ थाँकाऊँ केवूँ हूँ के, न्याव का दन में थाँकी दसा सूर अन सेदा की दसाऊँ भी घणी खराब वेई।

मत्ती 11:24

पण मूँ थाँकाणी केवूँ हूँ के, न्याव का दन थारे लोगाँ की दसा सदोम नगर का लोगाँ की दसाऊँ भी घणी खराब वेई।”

मत्ती 12:36

“मूँ थाँकाऊँ कूँ हूँ के, जीं जीं फोगट की बाताँ मनक केवे हे, न्याव का दन वीं हाराई बाताँ को वाँने हस्याब देणो पड़ी।

यहुन्ना 15:20

ज्यो बाताँ में थाँकाऊँ किदी ही के, दास आपणाँ मालिकऊँ मोटो ने वेवे हे। वाँने आद राकज्यो। यद्याँ वणा मने हतायो हे, तो थाँने भी हताई। यद्याँ वणा मारी बाताँ मानी, तो थाँकी भी मानी।

यहुन्ना 17:22

वाँ मेमा ज्या थाँ मने दिदी में वाँने दिदी हे, ताँके वीं वस्यानीस एक वेवे जस्यान आपाँ एक हाँ।

रोमियों 8:29

जिंने वणा पेल्याईं चुण्या, वाँने वणी आपणो बेटा का जस्या बणाबा का वाते ते किदो, जणीऊँ नरई भायाँ मेंऊँ वो पेली पतो का बणे।

इब्रानियों 9:27

जस्यान मनकाँ का वाते एक दाण मरणो अन वींका केड़े न्याव वेणो पको हे।

याकूब 2:13

अन ज्यो दया ने करे, वींको न्याव भी बना दयाऊँ वेई हे। पण दया पाप का दण्डऊँ बचावे हे।

याकूब 2:22

थूँ जाणे हे के, वींको विस्वास वींका करमाऊँ मलन काम किदो अन करम ऊइस वींको विस्वास पाको व्यो हो।

2 पतरस 2:9

ईं तरियाँ परबू जाणे हे भगताँ ने न्याववाळे दन तईं कस्यान बंचान राक्या जावे हे अन पाप्याँ ने दण्ड का वाते कस्यान राक्या जावे हे।

2 पतरस 3:7

पण आज जा धरती अन आकास आपाँ देकाँ हा, वींके आग्या का वजेऊँ वादीऊँ नास वेबा वाते ठमी तकी हे। ईंने वीं टेम का वाते ठाम मेली हे, जद्याँ तईं पापी मनकाँ को न्याव ने जावे अन वाँको नास ने कर दिदो जावे।

1 यहुन्ना 2:28

हो मारा प्यारा बाळकाँ, ईं वाते थाँ ईसू मसी में बण्या तका रेवो, जणीऊँ जद्याँ वो परगट वेई तद्याँ थाँ हिम्मतऊँ भर जावो अन वींका पाच्छा आबा पे आपाँने वींका हामें हरमा ने मरणो पड़े।

1 यहुन्ना 2:5

पण ज्यो भी मनक परमेसर का बचना ने माने हे, तद्याँ वींका में परमेसर को परेम रेवे हे, काँके योईस एक गेलो हे, जणीऊँ आपाँ परमेसर में कल्डा बण्या तका रे सका हा।

1 यहुन्ना 2:6

ज्यो कुई भी मनक ओ केवे हे के, वो परमेसर में पाको हे, तद्याँ वींने ईसू मसी का जस्यान जीवन जीवणो छावे।

1 यहुन्ना 3:1

अतरोक होचन देको के, बापू परमेसर आपाऊँ कतरो परेम किदो हे, जणीऊँ आपाँ वाँका बेटा-बेटी केवाया हाँ अन हाँची में हा भी। ईं वजेऊँ आ दनियाँ आपाँने ने जाणे हे, काँके वीं परमेसर ने भी कोयने जाणे हे।

1 यहुन्ना 3:3

ज्यो भी मनक मसी पे आ आस राक हे, वो खुद ने वस्यानीस पुवितर राके, जस्यान मसी पुवितर हे।

1 यहुन्ना 3:7

हो मारा प्यारा बाळकाँ, थाँ किंकई छळ-कपट में मती आज्यो, काँके ज्यो मनक धरम का काम करे हे, वोईस मसी का जस्यान धरमी हे।

1 यहुन्ना 4:12

परमेसर ने कणी भी कदी ने देक्या, पण जद्याँ आपाँ एक-दूजाऊँ परेम कराँ, तो परमेसर आपाँ में वास करी अन वींको परेम आपाँ में पाको वे जाई।