1 यहुन्ना 4:13 - नुवो नेम (मेवड़ी नया नियम)

¹³ आपाँने पूरो विस्वास भी हे के, वो आपणाँ में वास करे हे अन आपाँ भी वींके हाते चाला हाँ, काँके वणी आपाँने खुद की आत्मा दिदी हे।

1 यहुन्ना 4:13 Iomraidhean Croise

1 कुरिन्थियों 2:12

पण आपाँ तो दनियाँ की आत्माने पई पण वाँ आत्मा पई हे, ज्याँ परमेसर आपाँने खुला मनऊँ दिदी हे, ताँके आपीं वणा बाताँ ने जाणा ज्यो परमेसर आपाँने दिदी हे।

1 कुरिन्थियों 6:19

कई थाँ ने जाणो हो के, थाँकी देह पुवितर आत्मा को मन्दर हे, ज्यो थाँकामें बसी तकी हे अन थाँने परमेसर का आड़ीऊँ मली हे अन वाँ थाँकी खुद की ने हे। थाँ खुदऊँ ने पण परमेसर का हो।

1 यहुन्ना 2:3

परमेसर ने हाँची में जाणबा का वाते एकीस गेलो हे के, आपाँ वींका आदेस ने मानाँ अन जद्याँ आपाँ अस्यान करा हाँ, तो वींने हाँची में जाण लेवा हाँ।

1 यहुन्ना 2:5

पण ज्यो भी मनक परमेसर का बचना ने माने हे, तद्याँ वींका में परमेसर को परेम रेवे हे, काँके योईस एक गेलो हे, जणीऊँ आपाँ परमेसर में कल्डा बण्या तका रे सका हा।

1 यहुन्ना 3:24

अन ज्यो भी मनक परमेसर को आदेस माने हे वींका में परमेसर को वास रेवे हे अन वो मनक परमेसर में बण्यो तको रेवे हे। अन पुवितर आत्मा की वजेऊँ ज्या आपाँने दिदी गी, वणीऊँ ओ जाण सका हाँ के, आपणाँ मयने परमेसर को रेवास हे।