1 यहुन्ना 3:5 - नुवो नेम (मेवड़ी नया नियम)

⁵ थाँ ओ तो जाणो हो के, मसी लोगाँ का पापाँ ने धोवा का वाते परगट व्या हो अन वींके मयने कई पाप कोयने हे।

1 यहुन्ना 3:5 Iomraidhean Croise

मत्ती 1:21

वाँ एक छोरा ने जणी, थूँ वींको नाम ईसू राकज्ये, काँके वो आपणाँ मनकाँ ने वाँका पापाऊँ बचाई।”

लूका 23:41

अन आपाँ तो न्यावऊँ सजा पई, काँके आपाँ तो आपणाँ काम को फळ पारिया हा, पण अणी तो कई बुरो ने किदो हे।”

लूका 23:47

वटे ज्यो कई व्यो हो वींने देकन सपायाँ को हाकम ओ केन परमेसर की बड़ई किदी के, “हाँची में ओ मनक धरमी हो।”

यहुन्ना 1:29

आगले दन यहुन्ने ईसू ने आपणाँ आड़ी आवता तका देकने क्यो, “ओ परमेसर को उन्यो हे, ज्यो दनियाँ का लोगाँ का पापाँ ने आपणाँ ऊपरे ले लेई।

यहुन्ना 1:31

अन पेल्याँ मुँई वींने ने ओळकतो हो, पण ईं वाते पाणीऊँ बतिस्मो देतो आरियो हूँ, ताँके इजराएल देस का मनक वींने ओळक सके।”

यहुन्ना 14:30

“मूँ अबे थाँकाऊँ ओरी बाताँ ने कर सकूँ हूँ, काँके अणी दनियाँ का हाकम सेतान आवे हे। ईंको मारा पे कई हक ने हे।

यहुन्ना 8:46

थाकामूँ कुई भी मारा पे पाप को दोस ने लगा सके हे? यद्याँ मूँ हाँच बोलूँ हूँ, तो थाँ मारा पे विस्वास काँ ने करो हो?

2 कुरिन्थियों 5:21

अन जणी कदीई पाप ने किदो वींने परमेसर आपणाँ पापाँ का वाते बली बणायो जणीऊँ आपाँ परमेसर का हामे सई मान्याँ जावाँ।

1 तिमुतियूस 1:15

आ बात हरेक तरियाऊँ हाँची हे अन मानबा जोगी हे के, ईसू मसी ईं दनियाँ में पाप्याँ ने बंचाबा का वाते आया हा, जणामें हाराऊँ मोटो पापी मूँ हूँ।

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 4:15

काँके आपणाँ नके ज्यो मायाजक हे, वो अस्यो ने हे ज्यो आपणी कमजोरी ने मेसूस ने कर सके। वो हारी बाताँ में आपणे जस्यान परक्यो ग्यो अन बना पाप को निकळ्यो।

इब्रानियों 7:26

अस्या मायाजकइस आपणी जरूत ने पुरी कर सके हे, जी पुवितर हे, बना दोस का वेवे, सुद वे, पापी मनकाँऊँ अलग हे, हरगऊँ भी ऊँचे उटायाग्या वेवे।

इब्रानियों 9:26

यद्याँ अस्यान वेतो तो दनियाँ का रचनाऊँ लेन वींने आकोदाण दुक जेलणो पड़तो, पण अबे जुग का अन्त में वो एकीस दाण परगट व्यो हे, ताँके आपणाँ बलीदानऊँ पाप ने छेटी कर दे।

इब्रानियों 9:28

वस्यान मसी भी एक दाणइस नरई का पापाँ ने छेटी करबा का वाते बलीदान व्यो हे। वो अबे पापाँ ने छेटी करबा का वाते ने, पण ज्यो वींकी वाट नाळरिया हे वाँका छूटकारा का वाते दूजी दाण परगट वेई।

1 पतरस 1:18

थाँ ओ भी जाणो हो के, थाँने होना अन चाँदी के चिजाँऊँ वीं बेकार जीवनऊँ छुटकारो ने मल सके, ज्यो थाँने थाँका बड़ाबाऊँ मल्यो हे।

1 पतरस 1:20

वींने ईं धरती की रचना वेबाऊँ पेल्याँई चुण लिदो ग्यो हो, पण थाँ लोगाँ का वाते आकरी दनाँ में वींने परगट किदो ग्यो।

1 पतरस 2:22

सास्तर में लिक्यो तको हे के, “वणी कई पाप ने किदो हो अन नेई वाँका मुण्डाऊँ धोका की बाताँ निकळी।”

1 पतरस 2:24

वीं आपणाँ पापाँ ने खुद की देह पे लेन हूळी पे चड़ग्या, ताँके आपाँ पाप का वाते मरन धारमिकता का वाते जीवन जीवाँ, वींके मार खाबा के वजेऊँ थाँ हव व्या हो।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

1 यहुन्ना 1:2

वीं जीवन को ग्यान आपाँने करायो ग्यो। आपाँ वींने देक्यो। आपीं वींका गवा हा अन अबे थाँने भी वींके बारा में बतावा हाँ, ज्यो बापू परमेसर का हाते हे अन आपाँ पे परगट व्यो हो।

1 यहुन्ना 1:7

अन यद्याँ आपाँ केवा के, आपाँ वींके हाते उजिता में हा अन वींके जस्यानीस उजिता में चाला हा, तो आपाँ एक विस्वासी का जस्यान एक-दूजाऊँ मलन रेवा हा अन परमेसर का बेटा ईसू मसी को खून आपणाँ हाराई पाप ने धो देवे हे।

1 यहुन्ना 2:1

हो मारा प्यारा बाळकाँ, मूँ थाँने ईं बाताँ ईं वाते लिकूँ हूँ के, थाँ पाप ने करो। पण ज्यो मनक गलतीऊँ पाप कर नाके हे, वाँका पाप धोवा का वाते आपणी मदत करबा का वाते धरमी ईसू मसी, बापू परमेसर का हाते बेट्या तका हे।

1 यहुन्ना 2:2

वीं एक बलीदान का रूप में बेस आपणाँइस ने, पण हाराई मनकाँ का पाप ने धोवे हे।

1 यहुन्ना 2:29

अन जद्याँ थाँ ओ जाणो हो के, ईसू मसी धरमी हे, तद्याँ थाँ यो भी जाण लो के, ज्यो मनक धरम का काम करे हे, वींइस परमेसर का बेटा-बेटी हे।

1 यहुन्ना 3:8

ज्यो भी मनक पाप करतो रेवे हे, वो सेतान को हे, काँके सेतान सरुआतऊँ पाप करतो आयो हे। ईं वाते तो परमेसर को बेटो परगट व्यो, ताँके वो सेतान का कामाँ ने नास कर देवे।