1 यहुन्ना 3:15 - नुवो नेम (मेवड़ी नया नियम)

¹⁵ वीं हाराई मनक जीं खुद का भईऊँ दसमणी राके हे, वीं हत्यारा हे, थाँ ओ तो जाणोइस हो के, ज्यो मनक हत्यारो हे, वींमें अनंत जीवन की आस कोयने हे।

1 यहुन्ना 3:15 Iomraidhean Croise

मत्ती 5:28

पण मूँ थाँकाऊँ केवूँ हूँ के, ज्यो कुई कणी परई लुगई ने बुरी नजरऊँ देके हे, वो वींका मन में वींऊँ कुकरम कर चुक्यो हे।

मरकुस 6:19

ईं बात पे हेरोदियास वींऊँ दसमणी राकबा लागी अन वाँ यो छाती ही के, वींने मरवा नाकूँ। पण, वाँ हेरोदेस का मस अस्यो ने कर सकी।

यहुन्ना 4:14

पण ज्यो कुई वो पाणी पीई ज्यो मूँ वाँने देऊँ, वाँने पाच्छी कदी तर ने लागे। पण ज्यो पाणी मूँ वाँने देवूँ, वो वींमें अनंत जीवन देबावाळी नंदी बण जाई।”

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

थरप्या तका का काम 23:12

जद्याँ दन व्यो, तो थोड़ाक यहूदी भेळा वेन अटकळ लगई। वणा होगन खादा के जद्याँ तईं पोलुस ने मार ने नाका तद्याँ तईं ने खावा अन ने पिवाँ।

थरप्या तका का काम 23:14

वणा मोटा याजकाँ अन बड़ाबा नके जान क्यो, “माँ ईं होगन खा लिदा हे के, जद्याँ तईं पोलुस ने मार ने नाका, तद्याँ तईं कई भी चीज ने ने चाकाँ।

याकूब 1:15

अन वाँ बुरी मरजी वींके मयने बड़न पाप करावे हे, जणीऊँ वो पाप मोत ने जनम देवे हे।

1 पतरस 1:23

काँके थाँ नुवो जीवन पायो हे, अन थाँको यो नुवो जीवन मनकाँ का आड़ीऊँ कोयने, जिंको अंत वेवे हे, पण यो जीवन तो परमेसरऊँ आयो हो, जिंको अंत किदी ने वेवे हे। काँके थाँ परमेसर का बचना पे विस्वास किदो हे ज्यो हमेस्यान जीवतो अन अटल रेवे हे।

1 यहुन्ना 2:11

पण ज्यो भी मनक आपणाँ विस्वासी भईऊँ दसमणी राके हे, वो अबाणू भी अंदारा मेंईस भटकतो रेवे हे अन अंदारा मेंईस जीवन जीवे हे। वो यो भी ने जाणे के, ईं अंदारा का मयने कटे जारियो हे। काँके अंदारे वींने आंदो कर दिदो हे।

1 यहुन्ना 2:9

ज्यो भी मनक अस्यान केवे के, वो परमेसर का उजिता में चाले हे, पण आपणाँ विस्वासी भई-बेनाऊँ दसमणी राके हे, तद्याँ वो अबाणू भी अंदारा मेंईस चालरियो हे।

परकासितवाक्य 21:8

पण दरपण्या अन बना विस्वासवाळा, भरस्ट, हत्यारा अन कुकरमी, जादु-टोना करबावाळा, मूरती पुजबावाळा, अन हाराई जूट बोलबावाळा को भाग वीं कुण्ड में मली ज्यो हमेस्यान बळतो रेवे हे। या दूजी मोत हे।”