1 यहुन्ना 3:12 - नुवो नेम (मेवड़ी नया नियम)

¹² आपाँने केन का जस्यान ने वेणो हे, ज्यो सेतान का आड़ीऊँ हो, जणी आपणाँ भई ने मार दिदो हो। काँके वींके भई का काम धरम का हा अन केन का काम बुरा हा, ईं वजेऊँ वणी वींने मार नाक्यो।

1 यहुन्ना 3:12 Iomraidhean Croise

मत्ती 13:19

गेला का कनारे पड़्या तका बीज वणा मनकाँ का जस्या हे जीं ओ तो हुणे हे के, परमेसर कस्यान लोगाँ का मन पे राज करे हे पण वीं वींने हमजे कोयने। अन पछे सेतान आवे अन ज्यो बाताँ वणा हूणी ही वणा हारी बाताँ ने भुलई देवे हे।

मत्ती 13:38

खेत या दनियाँ हे, हव बीज परमेसर का राज का मनक अन चारो सेतान की ओलाद हे।

मत्ती 23:35

जणीऊँ धरमी हाबिलऊँ लेन बरक्या का पूत जकरय्या तईं, जिंने थाँ मन्दर अन वेदी का वसमें मार नाक्यो हाँ, अन जतरा धरमिया की हत्या अटे धरती पे वीं हे, वणा हारई मनकाँ की हत्या की सजा थाँका माता आई।

मत्ती 27:23

हाकम पिलातुस वाँने पूँछ्यो, “काँ, वणी कई खोटो काम किदो हे?” पण वीं ओरी हाका-हूक करन केबा लागा, “वींने हूळी पे चढा दो।”

मत्ती 5:37

पण थाँकी बात हाँ की ‘हाँ’ अन ने की ‘ने’ वेवे। काँके ज्यो कुई अणीऊँ हेलो बोले हे तो वो सेतान का आड़ीऊँ हे।

लूका 11:51

हाबिल की हत्याऊँ लेन जकरय्या की हत्या तईं ज्या वेदी अन मन्दर का बचमें किदी गी हे, मूँ थाँकाऊँ हाँची केवूँ हूँ, ईंको हिसाब अणीस पिड़ीऊँ लिदो जाई।

यहुन्ना 10:32

ईंपे ईसू वाँने क्यो, “में थाँका बचमें घणा हव काम किदा ज्याँने परमेसर मने करबा का वाते दिदा हा। वाँका मेंऊँ कणी काम का वाते थाँ मारा ऊपरे भाटा मारबा का वाते तोक्या हे?”

यहुन्ना 8:40

में परमेसरऊँ हूणी तकी हाँची बाताँ थाँने बता दिदी हे, ईं वजेऊँ थाँ मने मारबा का वाते त्यार बेट्या तका हो। पण अबराम तो थाँके जस्यान ने किदो हो।

यहुन्ना 8:41

थाँ तो थाँका बाप को काम कररिया हो।” वणा ईसुऊँ क्यो, “माँ कूकरमऊँ पेदा ने व्या हा। माँको एकीस बाप हे अन वो परमेसर हे।”

थरप्या तका का काम 7:52

अस्यो एक भी परमेसर का आड़ीऊँ बोलबावाळो हो कई, जिंने थाँका बड़ाबा ने हतायो? वाँकाणी तो वाँने भी मार नाक्या, ज्याँकाणी नरई दनाँ पेल्याँईं वीं धरमी के आबा की घोसणा कर दिदी ही, जिंने अबे थाँकाणी छळ करन पकड़वा दिदो अन मार दिदो।

1 थिस्सुलुनिक्यों 2:14

हो भायाँ-बेना, थाँका हाते भी वस्यानीस व्यो जस्यान यहूदियाँ परदेस में परमेसर की मण्डली का हाते व्यो हो, काँके वीं भी ईसू मसी ने मानता हाँ। थाँने भी थाँका मनकाँऊँ वस्योईस दुक मल्यो जस्यान वाँने यहूदी लोगाऊँ मल्यो हो।

इब्रानियों 11:4

विस्वास करबा की वजेऊँ हाबिल केनऊँ हव भेंट परमेसर के चड़ई ही। विस्वास करबा की वजेऊँ परमेसर वींकी भेंट ने मान लिदी अन वणीऊँ वींने एक धरमी मनक का रूप में मान मल्यो। वींके मरबा का केड़े आज आपाँ वणीऊँ हिका हा।

इब्रानियों 12:24

अन एक नुवा वादा का बिचोलिया ईसू का नके अन छाट्याँ तका वीं लुईऊँ नके आग्या हो, ज्यो हाबिल का लुईऊँ भी बड़िया वादो करे हे।

1 पतरस 4:4

पण अबे थाँ वाँका वणा बुरा काम में भेळा ने वेवो हो, तो वाँने अचम्बा वेवे हे, ईं वजेऊँ वीं थाँकी नन्दयाँ करे हे।

1 यहुन्ना 3:8

ज्यो भी मनक पाप करतो रेवे हे, वो सेतान को हे, काँके सेतान सरुआतऊँ पाप करतो आयो हे। ईं वाते तो परमेसर को बेटो परगट व्यो, ताँके वो सेतान का कामाँ ने नास कर देवे।

यहूदा 1:11

अणा मनक का वाते यो हराप वेई अन ईं केन के जस्यान वींके गेले चाले हे अन ईं बिलाम के जस्यान धन कमावा का वाते वींके जस्यान गलती करे हे। ईं वाते जस्यान कोरह का हाते जीं मनक विरोद कररिया हा, वाँको नास वेग्यो हे वस्यानीस अणाको भी नास वेई।

परकासितवाक्य 17:6

में वीं लुगई ने पुवितर मनकाँ को लुई अन ईसू मसी की गवई देबावाळा मनकाँ की लुई पिवा की वजेऊँ मतवाळी वेती तकी देकी। अस्यान देकन मूँ अचम्बो में पड़ग्यो।