1 यहुन्ना 3:11 - नुवो नेम (मेवड़ी नया नियम)

¹¹ थाँने एक दूजाँ का हाते परेमऊँ रेणो छावे, काँके थाँने ओ हमच्यार सरुवातऊँ हुणायो ग्यो हे।

1 यहुन्ना 3:11 Iomraidhean Croise

यहुन्ना 13:4

ईं वाते ईसू खाणो खाता तका उटन आपणो कुरतो उतार दिदो अन हस्ताड़ो आपणी कमर पे लपेट दिदो।

यहुन्ना 15:12

मारी आग्या या हे के, जस्यान में थाँकाऊँ परेम किदो हे वस्यानीस थाँ भी एक-दूजाऊँ परेम राको।

गलातियों 6:2

थाँ एक-दूँजा का दुक में मदत करिया करो, अन यद्याँ अस्यान करो तो थाँ मसी का नेमा ने पूरा करो।

इपिसियों 5:2

मसी थाँकाऊँ परेम किदो अन आपणाँ वाते परमेसर का हामे हव लागबा वाळी बली वेग्यो अन खुद ने भेंट चढा दिदो। वाँके जस्यानीस परेमऊँ रो।

1 थिस्सुलुनिक्यों 4:9

भईचारा का परेम का बारा में मने लिकबा की कई जरूत ने हे, काँके ईंका बारा में थाँ खुद परमेसरऊँ हिक लिदो हे के, कस्यान एक-दूजाऊँ परेम राकणो छावे।

1 तिमुतियूस 1:5

मारी अणी हिक देबा का पाच्छे योईस मकसद हे के, हाराई विस्वासी परेमऊँ भर जावे, ज्यो हव मनऊँ, हुदी अंतर-आत्माऊँ अन बना छळ-कपट का विस्वासऊँ पेदा वेवे हे।

1 पतरस 1:22

अबे जद्याँ थाँ हाँच ने मानता तका, हाँचा भईचारा का परेम ने बताबा का वाते आपणी आत्माने पुवितर कर लिदी हे, ईं वाते थाँ एक-दूँजा में पुवितर मनऊँ परेम करबा की मनसा बणालो।

1 पतरस 3:8

मारी आकरी मरजी हे के, थाँ हाराई मनक एक मन रेवो अन थाँ हाराई ने मनकाँ का हाते मेल-मिलाप, भईचारा, दया करबावाळा अन भायाँ का हाते परेम-भावऊँ रेबावाळा बणणो छावे।

1 पतरस 4:8

हाराऊँ बड़िया बात आ हे के, एक-दूजाऊँ हाँचो परेम राको, काँके परेम नरई पापाँ ने धो देवे हे।

1 यहुन्ना 1:5

माँ ज्यो हव हमच्यार परबू ईसुऊँ हुण्यो हे वोईस थाँने हूणावाँ हाँ के, परमेसर उजितो हे अन वींमें नामेक भी अंदारो ने हे।

1 यहुन्ना 4:11

हो प्यारा भायाँ जद्याँ परमेसर आपाऊँ अस्यान को परेम किदो हे, तद्याँ आपाँने भी एक-दूजाऊँ परेम करणो छावे।

1 यहुन्ना 4:21

मसी आपाँने ओ आदेस दिदो हे के, आपाँ परमेसरऊँ परेम करा हा, तो आपाँने आपणाँ भायाँऊँ भी परेम करणो छावे।

1 यहुन्ना 4:7

हो मारा प्यारा भायाँ, एक-दूजाऊँ परेम करो। काँके परेम परमेसर का आड़ीऊँ आवे हे अन ज्यो भी परेम करे, वो परमेसर का बेटा-बेटी बण जावे हे अन परमेसर ने जाणे हे।

2 यहुन्ना 1:5

ईं वाते अबे हे बई, मूँ थने कस्योई नुवो आदेस ने लिकरियो हूँ, पण वोईस आदेस देरियो हूँ ज्यो सरुआत में दिदो ग्यो हो के, आपाँ विस्वास्याँ ने एक-दूजाऊँ परेम करणो छावे।