1 यहुन्ना 3:10 - नुवो नेम (मेवड़ी नया नियम)

¹⁰ थाँ कस्यान जाण सको के, कूण परमेसर को बेटा हे? कूण सेतान को बेटा हे? हरेक वीं मनक ज्यो धरम का काम ने करे अन आपणाँ विस्वासी भईऊँ परेम ने करे वीं परमेसर का आड़ीऊँ कोयने हे।

1 यहुन्ना 3:10 Iomraidhean Croise

मत्ती 13:38

खेत या दनियाँ हे, हव बीज परमेसर का राज का मनक अन चारो सेतान की ओलाद हे।

लूका 6:35

पण थाँ आपणाँ दसमणाऊँ परेम राको अन भलई करो, अन पाच्छा पाबा की आस ने राकन उदार दो, तद्याँ थाँने मोटो ईनाम मली अन थाँ परबू परमेसर की ओलाद केवावो, काँके परमेसर आग्या ने मानबावाळा अन पापी मनकाँ पे भी दया करे हे।

यहुन्ना 1:12

पण जणा भी वींने मान्यो अन वींपे विस्वास किदो, वाँने वणी परमेसर की ओलाद वेबा को हक दिदो।

यहुन्ना 11:52

वो बेस यहूदी मनकाँ का वातेईस ने मरी, पण परमेसर का हाराई वकरिया तका लोगाँ ने एक हाते करबा का वाते भी मरी।

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

यहुन्ना 8:47

ज्यो परमेसर को हे, वो परमेसर की बाताँ हुणे हे। थाँ ईं वाते ने हुणो हो, काँके थाँ परमेसर का ने हो।”

थरप्या तका का काम 13:10

“हे हंगळा छळ-कपटऊँ भरिया तका सेतान का पूत, थूँ हारी तरिया की भलई को दसमण, कई थूँ परबू का हव गेला ने बगाड़णो ने छोड़ी?

रोमियों 13:8

एक-दूँजा का परेम का अलावा किंको करजो खुद पे मती राको, काँके एक-दूजाऊँ परेम करबावाळो नेमा ने माने हे।

इपिसियों 5:1

ईं वाते लाड़ला छोरा-छोरी के जस्यान ज्यो परमेसर करे वस्यानीस करो।

कुलुसियों 3:14

अणा हारी बाताँ का ऊपरे परेम ने धारण करलो, काँके परेमईस हे ज्यो यो अणा हारी बाताँ ने हव तरियाऊँ भेळी करन राके हे।

1 तिमुतियूस 1:5

मारी अणी हिक देबा का पाच्छे योईस मकसद हे के, हाराई विस्वासी परेमऊँ भर जावे, ज्यो हव मनऊँ, हुदी अंतर-आत्माऊँ अन बना छळ-कपट का विस्वासऊँ पेदा वेवे हे।

1 यहुन्ना 2:29

अन जद्याँ थाँ ओ जाणो हो के, ईसू मसी धरमी हे, तद्याँ थाँ यो भी जाण लो के, ज्यो मनक धरम का काम करे हे, वींइस परमेसर का बेटा-बेटी हे।

1 यहुन्ना 3:1

अतरोक होचन देको के, बापू परमेसर आपाऊँ कतरो परेम किदो हे, जणीऊँ आपाँ वाँका बेटा-बेटी केवाया हाँ अन हाँची में हा भी। ईं वजेऊँ आ दनियाँ आपाँने ने जाणे हे, काँके वीं परमेसर ने भी कोयने जाणे हे।

1 यहुन्ना 3:2

हो मारा प्यारा भायाँ, अबे आपाँ परमेसर का बेटा-बेटी हाँ, पण आबावाळी टेम में आपाँ कई वेवा, ईंका बारा में आपाँने ग्यान ने दिदो ग्यो हे, पण छावे ज्यो भी वे, आपाँ ओ जाणा हाँ के, जद्याँ मसी पाच्छा परगट वेई, तद्याँ आपाँ वींके जस्यान वे जावाँ, काँके जस्यान वो हे, वस्यानीस आपाँ वींने देकाँ।

1 यहुन्ना 4:21

मसी आपाँने ओ आदेस दिदो हे के, आपाँ परमेसरऊँ परेम करा हा, तो आपाँने आपणाँ भायाँऊँ भी परेम करणो छावे।

1 यहुन्ना 4:6

पण ज्यो भी आपणी बाताँ हुणे हे, वो परमेसर का आड़ीऊँ हे, काँके वो परमेसर ने जाणे हे। पण ज्यो परमेसर का आड़ीऊँ ने हे, वीं आपणी ने हुणे। अणी बात की वजेऊँ आपाँ ओ जाण सका के, कस्यी आत्मा हाँच की हे अन कस्यी आत्मा भटकबावाळी हे।

1 यहुन्ना 4:8

ज्यो भी मनक परेम ने करे, वो परमेसर ने ने जाणे सक्यो। काँके परमेसरइस परेम हे।

1 यहुन्ना 5:19

आपाँ ओ भी जाणा हा के, या हारी दनियाँ सेतान का बंस में हे, पण आपाँ परमेसर का हाँ।

1 यहुन्ना 5:2

अन यद्याँ आपाँ परमेसर का बेटा-बेटीऊँ परेम करा हाँ तद्याँ ईं बातऊँ ओ पाको वेवे हे के, आपाँ परमेसरऊँ परेम करा हा अन वींका आदेसा ने भी मानाँ हाँ।

3 यहुन्ना 1:11

हे मारा भई, थूँ तो बुरई का ने पण भलई का गेले चालज्ये, काँके ज्यो भी मनक भलई करे हे, वो परमेसर को हे अन ज्यो बुरई करे हे, वो परमेसर ने कोयने जाणे हे।