1 यहुन्ना 2:8 - नुवो नेम (मेवड़ी नया नियम)

⁸ मूँ थाँने एक ओरुँ नुवो आदेस लिकूँ हूँ। ईंको हाँच मसी का जीवन में अन थाँका जीवन में परगट व्यो हे, काँके अंदारो खतम वेरियो हे अन हाँचा को उजितो चमकणो सरू वेग्यो हे।

1 यहुन्ना 2:8 Iomraidhean Croise

मत्ती 4:16

ज्यो लोग अंदारा में जीरिया हा वाँकाणी एक मोटो ऊजासो देक्यो अन ज्यो मोत की दरप में जीरिया हा, वाँका पे भाग फाट्या को उजितो चमके।”

लूका 1:79

अंदारा अन मोत की छाया में जीवबावाळा पे पुवितर उजितो चमकी, अन आपाँने खरई अन सान्ती का गेला पे लेजाई।”

यहुन्ना 1:9

वो उजितो हाँचो हे, ज्यो हाराई मनकाँ ने उजितो में लाई, वो दनियाँ की नजराँ में आरियो हो।

यहुन्ना 12:35

ईसू वाँने क्यो, “उजितो अबाणू थोड़ीक देर ओरी थाँका बचमें रेई। जद्याँ तईं उजितो थाँका लारे हे तद्याँ तईं चालता रेवो। अस्यान ने वे के, अंदारो थाँका ऊपरे वे जावे। ज्यो अंदारा में चाले हे वो ने जाणे के, वो कटने जारियो हे।

यहुन्ना 12:46

मूँ दनियाँ में उजिता का जस्यान आयो हूँ, ईं वाते ज्यो कुई मारा पे विस्वास करी, वो अंदारा में ने रेई।

यहुन्ना 13:34

मूँ थाँने एक नुवी आग्या देरियो हूँ के, एक-दूजाऊँ परेम राको। जस्यान में थाँकाऊँ परेम किदो वस्यानीस थाँ भी एक-दूजाऊँ परेम राको।

यहुन्ना 8:12

तद्याँ ईसू फरीसियाऊँ पाछो क्यो, “दनियाँ को उजितो मूँ हूँ, ज्यो मारा नके आई, वीं अंदारा में ने चाली, पण जीवन को उजितो पाई।”

थरप्या तका का काम 17:30

ईं वाते परमेसर वीं दाण का मनकाँ की, परमेसर ने ने जाणबा अण-हमज पे ध्यान ने दिदो, पण अबे हरेक जगाँ लोगाँ ने मन फराबा की आग्या देवे हे।

थरप्या तका का काम 26:18

थूँ वाँकी आक्याँ ने खोले अन वीं अंदाराऊँ उजिता का आड़ी, अन सेतान की सगतिऊँ परमेसर का आड़ी फरे ताँके वाँने पापाऊँ मापी मले अन परमेसर का चुण्या तका लोगाँ के हाते वीं भी बापोती में भेळा वेवे।’

रोमियों 13:12

रात वेबावाळी हे अन दन उगबावाळो हे। ईं वाते आवो, अंदारा का काम करणा छोड़ दा अन लड़बा का वाते उजिता का हत्यार लीला।

2 कुरिन्थियों 8:9

काँके थाँ आपणाँ परबू ईसू मसी की दया ने तो जाणोइस हो अन थाँ ओ भी जाणो हो के, वीं अमीर वेता तका भी थाँका वाते गरीब बणग्या। जणीऊँ वाँकी गरीबीऊँ थाँ अमीर वे जावो।

इपिसियों 5:8

काँके थाँ तो पेल्याँ अन्दारो हा, पण अबे परबू का गट-जोड़ में थाँ उजाळो हो, ईं वाते उजाळो का मनकाँ का जस्यान चालो।

2 तिमुतियूस 1:10

पण अबे आपणाँ ने बंचाबावाळा ईसू मसी का आबा का आड़ीऊँ आपणाँ पे परगट व्यो हे। जणी हव हमच्यार का आड़ीऊँ मोत को नास करन जुग-जुग का जीवन ने परगट किदो हे।

1 पतरस 1:21

थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।

1 यहुन्ना 3:23

अन परमेसर को आदेस ओ हे के, आपाँ परमेसर का बेटा ईसू मसी का नाम पे विस्वास कराँ अन जस्यान ईसू आदेस दिदो हे के, आपीं एक-दूजाऊँ परेम करा।

1 यहुन्ना 4:11

हो प्यारा भायाँ जद्याँ परमेसर आपाऊँ अस्यान को परेम किदो हे, तद्याँ आपाँने भी एक-दूजाऊँ परेम करणो छावे।

1 यहुन्ना 4:21

मसी आपाँने ओ आदेस दिदो हे के, आपाँ परमेसरऊँ परेम करा हा, तो आपाँने आपणाँ भायाँऊँ भी परेम करणो छावे।