1 यहुन्ना 2:7 - नुवो नेम (मेवड़ी नया नियम)

⁷ हो मारा प्यारा भायाँ, मूँ थाँने कस्योई नुवो आदेस ने देरियो हूँ, पण ज्यो मूँ थाँने बतऊँ हूँ वो दनियाँ की सरुवातऊँ थाँने हुणायो ग्यो हो। ओ वोईस पुराणो हव हमच्यार हे जिंने थाँ हुण चुक्या हो।

1 यहुन्ना 2:7 Iomraidhean Croise

मत्ती 5:43

“थाँने हुणायो ग्यो हो, यो क्यो ग्यो हो के, ‘आपणाँ पड़ोसीऊँ परेम राकणो, अन आपणाँ दसमणाऊँ दसमणी राकणी।’

यहुन्ना 13:34

मूँ थाँने एक नुवी आग्या देरियो हूँ के, एक-दूजाऊँ परेम राको। जस्यान में थाँकाऊँ परेम किदो वस्यानीस थाँ भी एक-दूजाऊँ परेम राको।

थरप्या तका का काम 17:19

तद्याँ वीं वींने आपणाँ हाते अरियुपगुस नाम की सबा में लेग्या अन पुछ्यो, “कई माँ जाण सका हाँ के, थूँ ओ नुवी बाताँ हुणावे हे, वे कई हे?

इब्रानियों 6:9

पण हो मारा भायाँ, माँ ईं बाताँ केवा हाँ, तद्याँ भी थाँका बारा में माँ अणीऊँ बड़िया बाताँ को भरोसो करा हाँ, जीं मुगती का बारा में हे।

1 यहुन्ना 2:24

थाँ ज्यो बाताँ सरुआत में हूणी ही, वाँने मानता रेज्यो, अगर थाँ अस्यान करता रेवो, तो हमेस्या बेटो अन बापू भी थाँकामें वास करिया करी।

1 यहुन्ना 3:11

थाँने एक दूजाँ का हाते परेमऊँ रेणो छावे, काँके थाँने ओ हमच्यार सरुवातऊँ हुणायो ग्यो हे।

1 यहुन्ना 3:2

हो मारा प्यारा भायाँ, अबे आपाँ परमेसर का बेटा-बेटी हाँ, पण आबावाळी टेम में आपाँ कई वेवा, ईंका बारा में आपाँने ग्यान ने दिदो ग्यो हे, पण छावे ज्यो भी वे, आपाँ ओ जाणा हाँ के, जद्याँ मसी पाच्छा परगट वेई, तद्याँ आपाँ वींके जस्यान वे जावाँ, काँके जस्यान वो हे, वस्यानीस आपाँ वींने देकाँ।

1 यहुन्ना 3:21

हो प्यारा भायाँ-बेना, जद्याँ कुई बुरो काम करती टेम आपणो मन आपणो दोसी ठेरावे, तो परमेसर का हामे आपाँ में विस्वास बण्यो रेवे हे।

1 यहुन्ना 3:23

अन परमेसर को आदेस ओ हे के, आपाँ परमेसर का बेटा ईसू मसी का नाम पे विस्वास कराँ अन जस्यान ईसू आदेस दिदो हे के, आपीं एक-दूजाऊँ परेम करा।

1 यहुन्ना 4:1

हो मारा प्यारा भायाँ, हरेक आत्मा को विस्वास मती करो, पण हरेक आत्माने परको के, वाँ परमेसर का आड़ीऊँ हे के ने। मूँ यो थाँकाऊँ ईं वाते केरियो हूँ, काँके नरई जूटा परमेसर का आड़ीऊँ बोलबा ईं दनियाँ में हे।

1 यहुन्ना 4:11

हो प्यारा भायाँ जद्याँ परमेसर आपाऊँ अस्यान को परेम किदो हे, तद्याँ आपाँने भी एक-दूजाऊँ परेम करणो छावे।

1 यहुन्ना 4:21

मसी आपाँने ओ आदेस दिदो हे के, आपाँ परमेसरऊँ परेम करा हा, तो आपाँने आपणाँ भायाँऊँ भी परेम करणो छावे।

1 यहुन्ना 4:7

हो मारा प्यारा भायाँ, एक-दूजाऊँ परेम करो। काँके परेम परमेसर का आड़ीऊँ आवे हे अन ज्यो भी परेम करे, वो परमेसर का बेटा-बेटी बण जावे हे अन परमेसर ने जाणे हे।