1 यहुन्ना 2:4 - नुवो नेम (मेवड़ी नया नियम)

⁴ पण यद्याँ कुई मनक अस्यान केवे हे के, “मूँ परमेसर ने जाणूँ हूँ” पण वींका आदेस ने, ने माने, तद्याँ वो मनक जूटो हे अन वींका मन में हाँच कोयने हे।

1 यहुन्ना 2:4 Iomraidhean Croise

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

तीतूस 1:10

यो ईं वाते खास हे, काँके नरई मनक हव हमच्यार का विरोदी वेन, जूटा उपदेस देन विस्वास्याँ ने भटकावे हे। मूँ खासकरन यहूदी रिति-रिवाजवाळा का बारा में केरियो हूँ।

तीतूस 1:16

वीं परमेसर ने जाणबा को दावो तो करे हे, पण वाँका काम वाँने नकार देवे हे। वीं हूँगला अन बात ने ने मानबावाळा हे, वीं हव काम का जोगा ने हे।

1 यहुन्ना 1:10

अन यद्याँ आपाँ केवा के, आपाँ कई पाप ने कररिया, तद्याँ आपाँ परमेसर ने जूटो बताबा हाँ अन ईं वजेऊँ वींको बचन भी आपणाँ में कोयने हे।

1 यहुन्ना 1:6

यद्याँ आपाँ केवा के, आपाँ वींका हाते भेळा हा अन पछे भी पाप ना अंदारा में चाला, तो आपाँ जूटा हाँ अन हाँच पे ने चाला हाँ।

1 यहुन्ना 1:8

यद्याँ आपाँ केवा के, आपाँ में कई पाप ने हे, तो आपाँ खुद ने धोको देवा हा अन आपणाँ में हाँच ने हे।

1 यहुन्ना 2:3

परमेसर ने हाँची में जाणबा का वाते एकीस गेलो हे के, आपाँ वींका आदेस ने मानाँ अन जद्याँ आपाँ अस्यान करा हाँ, तो वींने हाँची में जाण लेवा हाँ।

1 यहुन्ना 2:9

ज्यो भी मनक अस्यान केवे के, वो परमेसर का उजिता में चाले हे, पण आपणाँ विस्वासी भई-बेनाऊँ दसमणी राके हे, तद्याँ वो अबाणू भी अंदारा मेंईस चालरियो हे।

1 यहुन्ना 3:6

ज्यो भी मनक मसी ने माने हे, वीं पाप में ने रेवे हे। पण ज्यो पाप करता रेवे हे, वाँने ने तो वींको दरसावो मल्यो हे अन नेई वणा कदी वाँने जाण्या हे।

1 यहुन्ना 4:20

यद्याँ आपाँ केवा के, आपाँने परमेसरऊँ परेम हे, पण भईऊँ दसमणी हे तद्याँ आपाँ जूटा हाँ, काँके जणी भई ने आपाँ देक सका हा, वणीऊँ परेम कोयने कर सका, तो वीं परमेसरऊँ जिंने कदी देक्योई कोयने कस्यान परेम कर सका हाँ?

1 यहुन्ना 4:7

हो मारा प्यारा भायाँ, एक-दूजाऊँ परेम करो। काँके परेम परमेसर का आड़ीऊँ आवे हे अन ज्यो भी परेम करे, वो परमेसर का बेटा-बेटी बण जावे हे अन परमेसर ने जाणे हे।