1 यहुन्ना 2:22 - नुवो नेम (मेवड़ी नया नियम)

²² जूटो वो हे, ज्यो अस्यान केवे हे के, ईसू, मसी कोयने हे। अस्यान केबावाळो मनक मसी को दसमण हे। वो बापू अन बेटा दुयाँ ने नकार हे।

1 यहुन्ना 2:22 Iomraidhean Croise

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 24:5

काँके नरई अस्या वेई, ज्यो मारा नामऊँ आन केई, ‘मूँईस मसी हूँ,’ अन नरई ने भटकाई।

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

1 यहुन्ना 1:6

यद्याँ आपाँ केवा के, आपाँ वींका हाते भेळा हा अन पछे भी पाप ना अंदारा में चाला, तो आपाँ जूटा हाँ अन हाँच पे ने चाला हाँ।

1 यहुन्ना 2:18

हो मारा प्यारा बाळकाँ, जस्यान थाँ जाणो हो के, आकरी टेम आगी हे अन मसी को दसमण भी आबावाळो हे। ईं वाते वींकी जस्यान नरई मसी का दसमण बणग्या हे, ईं वजेऊँ आपाँ जाण सका हाँ के, आकरी टेम नके हे।

1 यहुन्ना 2:23

ज्यो बेटा ने नकारे हे वींके नके बापू भी कोयने रेवे, यद्याँ कुई बेटा ने अपणावे हे, तो वो बापू ने भी अपणावे हे।

1 यहुन्ना 2:4

पण यद्याँ कुई मनक अस्यान केवे हे के, “मूँ परमेसर ने जाणूँ हूँ” पण वींका आदेस ने, ने माने, तद्याँ वो मनक जूटो हे अन वींका मन में हाँच कोयने हे।

1 यहुन्ना 4:20

यद्याँ आपाँ केवा के, आपाँने परमेसरऊँ परेम हे, पण भईऊँ दसमणी हे तद्याँ आपाँ जूटा हाँ, काँके जणी भई ने आपाँ देक सका हा, वणीऊँ परेम कोयने कर सका, तो वीं परमेसरऊँ जिंने कदी देक्योई कोयने कस्यान परेम कर सका हाँ?

1 यहुन्ना 4:3

अन ज्यो भी आत्मा ईसू का बारा में ईं बात ने कोयने माने, वो परमेसर का आड़ीऊँ ने हे। वो मसी को दसमण हे, जिंका बारामें में थाँ पेल्याँ भी हूणी लिदो हो के, वो आबावाळो हे, अबे तो ईं दनियाँ में भी हे।

1 यहुन्ना 5:1

ज्यो भी मनक ओ विस्वास करे हे के, ईसूइस, मसी हे, तद्याँ वीं परमेसर को बेटा-बेटी वेई अन ज्यो भी मनक परमेसरऊँ परेम करी, वो वींका बाळकाऊँ भी परेम करी।

2 यहुन्ना 1:7

ईं दनियाँ में नरई भटकाबावाळा मनक हे। अन ज्यो भी मनक ईं बात ने, ने माने के, ईसू मसी ईं धरती पे मनक का रूप में आया। अस्या मनक धोको देबावाळा अन मसी का दसमण हे।

यहूदा 1:4

पण थाँकी मण्डली में छानेऊँ अस्यान का मनक आग्या हे, ज्याँका बारा में सास्तर में पेल्याँई लिक्यो हे के, वाँने दण्ड मली, काँके वीं परमेसर ने कोयने जाणे हे। अणा मनकाँ परमेसर की दया ने खुद का वाते कुकरम करबा की छुट मान लिदी हे अन आपणाँ परबू जीं आपणाँ मालिक ईसू मसी हे वाँने मानबा का वाते नट जावे हे।

परकासितवाक्य 3:9

हुणो, थाँका अटे थोड़ाक अस्या मनक हे ज्यो सेतान की मण्डली का हे वीं खुद ने यहूदी बतावे जद्याँ के वीं हाँची में कोयने। वीं जूटा हे, मूँ वाँके हाते अस्यान को वेवार करूँ, जणीऊँ वीं थाँरा नके आन थाँरा पगा में धोक खाई अन ओ जाण जाई के, मूँ थाँकाऊँ परेम करूँ हूँ।