1 यहुन्ना 2:14 - नुवो नेम (मेवड़ी नया नियम)

¹⁴ हो भूण्डा मनकाँ, मूँ थाँने ईं वाते लिकूँ हूँ, काँके थाँ परमेसर ने जाण लिदा हे, जीं सरुवातऊँ हे। हो मोठ्याराँ, मूँ थाँने ईं वाते लिकूँ हूँ, काँके थाँ जोरावर हो, थाँ परबू का बचन ने मानो हो अन बुरई ने भी छेटी कररिया हो।

1 यहुन्ना 2:14 Iomraidhean Croise

यहुन्ना 15:7

यद्याँ थाँ मारा में बण्या रेवो अन मारा बचन थाँकामें बण्यो रेई, तो ज्यो भी छावो माँगो वो थाँका वाते वेजई।

यहुन्ना 5:38

अन नेई खुद का मन में वाँका बचन राको हो, काँके थाँ वींपे विस्वास ने करो हो, जिंने परमेसर खन्दायो हे।

यहुन्ना 8:31

जणा यहूदी मनकाँ वींपे विस्वास किदो, वाँने ईसू क्यो, “यद्याँ थाँ मारा हिक का जस्यान चाल पे अटल रेवो, तो हाचेई मने मानबावाळा बणो।

यहुन्ना 8:37

मूँ जाणूँ हूँ के, थाँ अबराम की बंसज हो। पछे भी थाँ मने मारबा की ताक में रेवो हो, काँके थाँ मारी हिकने ने मानो हो।

इपिसियों 6:10

आकरी बात, परबू का गट-जोड़ अन वाँकी मोटी तागतऊँ ज्योरावर वेता रेवो।

फिलिपियों 4:13

मसीऊँ मली तकी तागतऊँ मूँ हारी टेम को सामनो कर सकूँ हूँ।

कुलुसियों 3:16

मसी का बचना ने आपणाँ हरदा में नराऊँ-नरा वसबा दो अन हाराई ग्यानऊँ एक दूजाँ ने हिकावो अन हेंचेत करता रेवो। थाँका हरदाऊँ परमेसर को धन्नेवाद करता तका भजन, बड़ई का गीत अन आत्मिक गीत गाता रेवो।

2 तिमुतियूस 2:1

परबू में मारा बेटा तिमुतियुस, ईसू मसी में परमेसर जस्यी दया थाँरा पे दिकई हे, वींके जस्यान पाको बण्यो तको रे।

इब्रानियों 8:10

अबे परबू केवे हे के, ज्यो करार मूँ इजराएल का घराणाऊँ करूँ। अन ईंका केड़े परबू घोसणा करे हे, वाँके मन में आपणाँ नेम नाकूँ, वाँके काळजा पे मूँ वाँने लिक देऊँ। मूँ वाँको परमेसर वेवूँ अन वीं मारा मनक वेई।

1 यहुन्ना 1:1

आपाँ वणी जीवन का बचन की बात करा हाँ, ज्यो किंकी भी रचना वेबाऊँ पेल्याई हो, आपाँ ईंने हुण्यो, आपणी आक्याँऊँ देक्यो, ईंपे ध्यान लगायो, अन आपाँ खुद वींके हात अड़ायो।

1 यहुन्ना 1:10

अन यद्याँ आपाँ केवा के, आपाँ कई पाप ने कररिया, तद्याँ आपाँ परमेसर ने जूटो बताबा हाँ अन ईं वजेऊँ वींको बचन भी आपणाँ में कोयने हे।

1 यहुन्ना 2:13

हो मारा बापू का जस्यान का मनकाँ, मूँ थाँने ईं वाते लिकूँ हूँ, काँके थाँ परमेसर ने जाणो हो, ज्यो सरुवातऊँ हे। हो मोठ्याराँ, मूँ थाँने ईं वाते लिकूँ हूँ, काँके थाँ बुरई ने भी छेटी कररिया हो। हो मारा प्यारा बाळकाँ, मूँ थाँने ईं वाते लिकूँ हूँ, काँके थाँ बापू परमेसर ने जाण लिदा हे।

2 यहुन्ना 1:2

ओ हारोई वीं हाँच की वजेऊँ व्यो हे, ज्यो आपणाँ में वास करे हे अन ज्यो हमेस्यान आपणाँ हाते रेई।

3 यहुन्ना 1:3

जद्याँ थाँरा बारा में आपणाँ भायाँ मेंऊँ थोड़ाक जणा मने बतायो के, थूँ हाँच पे चाले हे अन हाँच ने माने हे, तद्याँ मूँ ओ हुणन घणो राजी व्यो।

परकासितवाक्य 2:3

थूँ हिम्मत राके हे, अन मारा नाम की वजेऊँ दुक जेलता तका भी थाक्या कोयने हो।

परकासितवाक्य 2:7

जिंके कान्दड़ा हे वीं हुणीलो के, आत्मा मण्डळ्याऊँ कई केवे हे। ज्यो भी बुरईऊँ जिती मूँ वींने परमेसर का बाग में जीवन का रूँकड़ा का लाग्या तका फळ खाबा को हक देऊँ।