1 यहुन्ना 2:11 - नुवो नेम (मेवड़ी नया नियम)

¹¹ पण ज्यो भी मनक आपणाँ विस्वासी भईऊँ दसमणी राके हे, वो अबाणू भी अंदारा मेंईस भटकतो रेवे हे अन अंदारा मेंईस जीवन जीवे हे। वो यो भी ने जाणे के, ईं अंदारा का मयने कटे जारियो हे। काँके अंदारे वींने आंदो कर दिदो हे।

1 यहुन्ना 2:11 Iomraidhean Croise

यहुन्ना 12:35

ईसू वाँने क्यो, “उजितो अबाणू थोड़ीक देर ओरी थाँका बचमें रेई। जद्याँ तईं उजितो थाँका लारे हे तद्याँ तईं चालता रेवो। अस्यान ने वे के, अंदारो थाँका ऊपरे वे जावे। ज्यो अंदारा में चाले हे वो ने जाणे के, वो कटने जारियो हे।

यहुन्ना 12:40

“परमेसर वाँकी आक्याँ ने आंदी अन वाँका मन कल्डा कर दिदा हे, ताँके वीं आक्याँऊँ ने देक सके अन मनऊँ ने हमजे सके, कदी अस्यान ने वे के, वी मारा आड़ी फरे अन मूँ वाँने हव करूँ।”

2 कुरिन्थियों 3:14

पण वाँकी अकल बन्द वेगी ही अन वीं अबाणू तईं वणी जूना करार ने भणे हे। ईं वजेऊँ अबाणू भी वोईस परदो वाँकी आक्याँ पे पड़्यो तको हे अन ओ परदा बेस मसीइस छेटी कर सके हे।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

2 पतरस 1:9

पण जणामें ईं बाताँ ने हे वो आंदो हे अन वींने धुधळो दिके हे, वो ओ भी भुलग्यो हे के, वींका पाप पेल्याँई धोया ग्या हा।

1 यहुन्ना 1:6

यद्याँ आपाँ केवा के, आपाँ वींका हाते भेळा हा अन पछे भी पाप ना अंदारा में चाला, तो आपाँ जूटा हाँ अन हाँच पे ने चाला हाँ।

1 यहुन्ना 2:10

ज्यो भी मनक आपणाँ विस्वासी भई-बेनाऊँ परेम करे हे, वो परमेसर का उजिता में चाले हे। अन वींके जीवन में अस्यान की कुई भी बात ने वेई, जणीऊँ वो पाप करे।

1 यहुन्ना 2:9

ज्यो भी मनक अस्यान केवे के, वो परमेसर का उजिता में चाले हे, पण आपणाँ विस्वासी भई-बेनाऊँ दसमणी राके हे, तद्याँ वो अबाणू भी अंदारा मेंईस चालरियो हे।

1 यहुन्ना 3:15

वीं हाराई मनक जीं खुद का भईऊँ दसमणी राके हे, वीं हत्यारा हे, थाँ ओ तो जाणोइस हो के, ज्यो मनक हत्यारो हे, वींमें अनंत जीवन की आस कोयने हे।

1 यहुन्ना 4:20

यद्याँ आपाँ केवा के, आपाँने परमेसरऊँ परेम हे, पण भईऊँ दसमणी हे तद्याँ आपाँ जूटा हाँ, काँके जणी भई ने आपाँ देक सका हा, वणीऊँ परेम कोयने कर सका, तो वीं परमेसरऊँ जिंने कदी देक्योई कोयने कस्यान परेम कर सका हाँ?

परकासितवाक्य 3:17

काँके थूँ केवे हे के, ‘मूँ रिप्यावाळो बणग्यो हूँ मने किंकीई जरूत कोयने,’ पण मने पतो हे थूँ नीच, बना दया को, कंगाळ, आन्दो अन नांगो हे।