1 यहुन्ना 1:8 - नुवो नेम (मेवड़ी नया नियम)

⁸ यद्याँ आपाँ केवा के, आपाँ में कई पाप ने हे, तो आपाँ खुद ने धोको देवा हा अन आपणाँ में हाँच ने हे।

1 यहुन्ना 1:8 Iomraidhean Croise

यहुन्ना 8:44

थाँको बाप तो सेतान हो अन थाँ वींकी मरजी ने पुरी करणा छावो हो। वो तो ठेटऊँ हत्यारो हो। वो कदी भी हाँच का आड़ी ने रियो, काँके वींमें हाँच कोयने हे, जद्याँ वो जूट बोले हे, तो आपणाँ हाव-भाव के तरिया बोले हे। काँके वो जूटो हे अन हरेक जूट को बाप हे।

रोमियों 3:10

जस्यान के सास्तर लिक्यो हे के, “कुई खरो ने, एक भी ने हे!

रोमियों 3:23

काँके हाराई पाप किदो हे अन हाराई परमेसर की मेमाऊँ छेटी हे।

1 कुरिन्थियों 3:18

थाँ आपणाँ खुद ने धोका मती दो। यद्याँ थाँकामूँ कुई ईं दनियाँ में आपणाँ खुद ने ग्यानवाळो हमजे तो वींने बना अकल को बणणो छावे के, वो ग्यानवाळा वे जावे।

गलातियों 6:3

काँके यद्याँ किंके नके कई भी ने वेवे तोबी वो अपणे खुद ने मोटो हमजे, तो वो अपणा खुद ने खाड़ा में नाकरियो हे।

1 तिमुतियूस 6:5

अन वणा मनकाँ में लड़ई-जगड़ा वेवे हे जणाकी अकल मरगी हे, अन जीं हाँचऊँ छेटी वेग्या हे, वीं होचे हे के, परमेसर की सेवा धन कमावा को सादन हे।

2 तिमुतियूस 3:13

अन बुरा अन धोको देबावाळा मनक धोको देता अन खुद धोको खाता तका हेलाऊँ हेला बुरा वेता तका परा जाई।

याकूब 1:22

बचन ने खाली हूणबावाळा ईंस ने पण वींपे चालबावाळा भी बणो। जद्याँ थाँ खाली हुणबा वाळाईस हो, तो थाँ खुद ने धोको देरिया हो।

याकूब 1:26

जद्याँ कुई खुद ने भगत हमजे हे अन आपणी जीब ने काबू में ने राके हे तो वो खुद ने धोको देवे हे अन वींकी भगती कई काम की ने हे।

याकूब 3:2

काँके आपणाँऊँ नरी दाण चूक वेजावे हे, पण जो बोलवा में चूक ने करे, वोईस पाको मनक हे अन वो आपणी हारी देह पे लगाम लगा सके हे।

2 पतरस 2:13

अणाने बुरई का बदले बुरईईस मली। वाँने दन का उजिता में कुकरम करणो हव लागे हे। ईं तो मनकाँ के नाम पे कळंक हे। ईं मनक थाँका हाते तेवाराँ पे भेळा वेवे हे, तो ईं मनक अणी ताक में रेवे हे के, अणाने अस्यान की कुई लुगई मल जावे जिंका हाते ईं कुकरम कर सके। अस्यान करबाऊँ वाँकी आक्याँ पाप करबाऊँ रके कोयने। ईं मनक भोळा-भाळा मनकाँ ने पाप करबा का वाते हिकावे हे। अणाको मन पुरी तरियाऊँ लाळचऊँ भरियो तको हे। ईं मनक हराप की ओलाद हे।

1 यहुन्ना 1:10

अन यद्याँ आपाँ केवा के, आपाँ कई पाप ने कररिया, तद्याँ आपाँ परमेसर ने जूटो बताबा हाँ अन ईं वजेऊँ वींको बचन भी आपणाँ में कोयने हे।

1 यहुन्ना 1:6

यद्याँ आपाँ केवा के, आपाँ वींका हाते भेळा हा अन पछे भी पाप ना अंदारा में चाला, तो आपाँ जूटा हाँ अन हाँच पे ने चाला हाँ।

1 यहुन्ना 2:4

पण यद्याँ कुई मनक अस्यान केवे हे के, “मूँ परमेसर ने जाणूँ हूँ” पण वींका आदेस ने, ने माने, तद्याँ वो मनक जूटो हे अन वींका मन में हाँच कोयने हे।

1 यहुन्ना 4:20

यद्याँ आपाँ केवा के, आपाँने परमेसरऊँ परेम हे, पण भईऊँ दसमणी हे तद्याँ आपाँ जूटा हाँ, काँके जणी भई ने आपाँ देक सका हा, वणीऊँ परेम कोयने कर सका, तो वीं परमेसरऊँ जिंने कदी देक्योई कोयने कस्यान परेम कर सका हाँ?

2 यहुन्ना 1:2

ओ हारोई वीं हाँच की वजेऊँ व्यो हे, ज्यो आपणाँ में वास करे हे अन ज्यो हमेस्यान आपणाँ हाते रेई।

3 यहुन्ना 1:3

जद्याँ थाँरा बारा में आपणाँ भायाँ मेंऊँ थोड़ाक जणा मने बतायो के, थूँ हाँच पे चाले हे अन हाँच ने माने हे, तद्याँ मूँ ओ हुणन घणो राजी व्यो।