1 कुरिन्थियों 9:24 - नुवो नेम (मेवड़ी नया नियम)

²⁴ कई थाँ ने जाणो हो के, दोड़ में तो हाराई दोड़बावाळा दोड़े हे, पण ईनाम तो वींनेईस मले ज्यो जीते हे, ईं वाते थाँ अस्यान दोड़ो के जीत थाँकी वे।

1 कुरिन्थियों 9:24 Iomraidhean Croise

रोमियों 6:16

कई थाँने ओ ने पतो कई, जद्याँ थाँ किंका हाताँ में खुद ने दास का जस्यान हूँपो हो, तो थाँ वाँकी आग्या मानबा का वाते वाँका दास हो। तो पछे पलई थाँ पाप का दास बणो ज्यो मोत का आड़ी ले जावे हे अन पलई आग्या मानबावाळा बणो, ज्याँ थाँने धारमिकता का आड़ी लेजाई।

1 कुरिन्थियों 9:13

कई थाँ ने जाणो के, ज्यो मनक मन्दर में सेवा करे हे, वीं आपणो खाणो मन्दरऊँइस खावे हे अन ज्यो वेदी पे बली चड़ाबा की सेवा करे हे, वो वीं वेदी की चड़ई तकी चिजाँ को हिस्सेदार हे।

1 कुरिन्थियों 9:23

ओ हारोई मूँ हव हमच्यार का वाते करूँ हूँ, ताँके वींका वरदानाँ में मारो भी भाग वे।

1 कुरिन्थियों 9:26

ईं तरियाँ मूँ वीं मनक के जस्यान दोड़ूँ हूँ जिंका हामे एक मकसद वे। मूँ आक्याँ बन्द करन काम ने करूँ।

गलातियों 2:2

अन मारो वटे जाणो परमेसर की पुवितर आत्मा के केबाऊँ व्यो, ज्यो हव हमच्यार को परच्यार मूँ ज्यो यहूदी ने हे वाँका में करूँ, वणी हमच्यार का बारा में छानेकूँ वाँने बता दिदो जीं मण्डली में मोटा हमज्या जाता हा, मूँ वटे ईं वाते ग्यो काँके परमेसर मने दरसण दिदो हो के, मने वटे जाणो छावे, ताँके अस्यो ने वे, ज्यो काम में पेला किदो अन ज्यो अबाणू कररियो, वो फोगट को ठेरे।

गलातियों 5:7

थाँ तो मसी में हव तरियाऊँ जीवन जीरिया हा, पण अबे थाँने कणी रोक दिदा के, हाँच ने मती मानो?

फिलिपियों 2:16

जद्याँ थाँ जीवन देबावाळा परमेसर का बचन ने लेवो, तो मसी का पाच्छा आबा के दन में मने बड़ई करबा को मस वे के, हव-हमच्यार ने फेलाबा को मारो काम अन मारी मेनत वल ने वी।

फिलिपियों 3:12

ओ ने के, मूँ ईंने पा चुक्यो हूँ कन पाको वे चुक्यो हूँ, पण मूँ वीं ईनाम ने जीतबा का वाते कल्ड़ी मेनत कररियो हूँ, जीं मस ईसू मसी मने खुद का वाते जीत ग्या हा।

फिलिपियों 3:14

मूँ मकसद का आड़ी दोड़्यो जाऊँ हूँ, ताँके वो ईनाम पाऊँ ज्याँका वाते परमेसर मने ईसू मसी का गट-जोड़ में ऊपरे जीवन का वाते बलायो हे।

कुलुसियों 2:18

कुई मनक दया को दिकावो करन हरग-दुताँ की पुजा करन थाँने थाँका फळऊँ छेटी ने कर दे। अस्यान मनक देकी तकी बाताँ में लाग्या तका रेवे, अन आपणी दनियादारी की हमज ने बेकार में फुलावे अन बड़ावे हे।

इब्रानियों 12:1

ईं वाते जद्याँ गवा की एक मोटी भीड़ आपणाँ च्यारूँमेर हे, तो आवो, आड़ी देबावाळी हारी चिजाँ ने अन उलजाबा पाप ने छेटी करा अन ज्या दोड़ आपाँने दोड़णी हे, वींने सेण करता तका दोड़ता रा।

याकूब 1:12

वो मनक धन्न हे, ज्यो परक्यो जाबा की टेम में अटल रेवे हे, काँके वो परकबा का केड़े वो खरो मनक बणन, वो जीवन को मुकट पाई, जिंने परमेसर आपणाँ परेम करबावाळा ने देबा का वाते राक वादो कर मेल्यो हे।

परकासितवाक्य 3:11

मूँ वेगोई आबावाळो हूँ। ईं वाते ज्यो कई भी थाँरा नके हे वींमें ठम्याँ तका रो, जणीऊँ कुई थाँका जुग-जुग का जीवन को मुकट कोसी ने सके।