1 कुरिन्थियों 8:6 - नुवो नेम (मेवड़ी नया नियम)

⁶ पण आपणाँ वाते तो एकीस परमेसर हे आपणाँ बापू। वणाईस हारी चिजाँ बणई हे अन वाँका वातेईस आपीं जीवा हाँ। परबू खाली एकीस हे, ईसू मसी। वाँकाऊँईस हारी चिजाँ वीं हे अन आपणो जीवन भी वाँकाऊँईस हे।

1 कुरिन्थियों 8:6 Iomraidhean Croise

मत्ती 11:27

“मारा परम बापू मने हारोई हूँप्यो हे, परमेसर के अलावा कुई बेटा ने कोयने जाणे हे, अन ने कुई बेटा के अलावा परमेसर ने जाणे हे, पण अबे वीं मनक परमेसर ने जाणे हे जाँने बेटो बतावे हे।

मत्ती 28:18

पछे ईसू वाँका नके आन क्यो, “हरग अन धरती को हारोई अदिकार मने दिदो तको हे।

यहुन्ना 1:10

वो बचन अणी दनियाँ मेंईस हो अन परमेसर वणीऊँस दनियाँ बणई, पण दनियाँ का लोगाँ वींने ने ओळक्यो।

यहुन्ना 1:3

बचनऊँईस परमेसर दनियाँ की हारी चिजाँ बणई अन बचन का बना कई भी चीज ने बणईगी।

यहुन्ना 10:30

मूँ अन मारा बापू परमेसर एकीस हाँ।”

यहुन्ना 13:13

थाँ मने ‘गरू’ अन ‘परबू’ केवो हो। थाँ सई केवो हो, काँके मूँ वोईस हूँ।

यहुन्ना 14:20

वीं दन थाँ जाणो के, मूँ आपणाँ बाप में हूँ अन थाँ मारा में अन मूँ थाँकामें हूँ।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

यहुन्ना 20:17

ईसू वींने क्यो, “मारे हात मती लगा, काँके मूँ अबाणू बाप का नके ने ग्यो हूँ। पण, मारा भायाँ का नके जान वाँने के दे के, ‘मूँ मारा बाप अन थाँका बाप अन मारा परमेसर अन थाँका परमेसर का नके ऊपरे जारियो हूँ।’ ”

थरप्या तका का काम 17:28

“काँके आपीं वणी मेंईस जीवता हाँ अन चाला-फराँ हाँ अन आपीं वींका मेंईस रेवा हाँ।” जस्यानीस थाँका कवियाँ भी क्यो हो के, “आपीं तो वींकाईस बंस का हाँ।”

थरप्या तका का काम 2:36

ओ इजराएल, ईं वाते आ बात पाक्की मान लेवो के, जिंने थाँ हूळी पे चड़ा दिदो हे वणीस ईसू ने परमेसर, परबू अन मसी बणायो हो।

थरप्या तका का काम 5:31

परमेसर वींनेईस राजा अन छुड़ाबावाळो मानन आपणाँ जीमणा पाल्डे बेटा दिदो हे, ताँके इजराएली लोग ने आपणो पापाऊँ मन बदलबा को मोको मले अन परमेसर वाँका पापाँ ने माप करे।

रोमियों 11:36

काँके हाराई ने रचबावाळो वोईस हे। वणीऊँस हाराई हे अन वीं वींका वातेईस हे। वींकी मेमा हमेस्यान वेती रेवे! आमीन।

1 कुरिन्थियों 1:2

कुरिन्तुस में परमेसर की वणा मण्डळ्याँ का नाम लिक्यो, जीं ईसू मसी में पुवितर किदी गी, ज्याँने परमेसर आपणाँ मनक बणाबा का वाते चुण्या हा, जीं हरेक जगाँ आपणाँ अन वाँका परबू ईसू मसी को नाम लेवे हे।

1 कुरिन्थियों 12:3

ईं वाते मूँ थाँने बतारियो हूँ के, ज्यो कुई परमेसर की आत्मा का आड़ीऊँ बोलबावाळा कुई भी ओ ने केवे के, “ईसू ने हराप लागे” अन ने कुई बना पुवितर आत्माऊँ के सके के, “ईसूइस परबू हे।”

1 कुरिन्थियों 6:13

क्यो जावे हे के, “खाणो पेट का वाते अन पेट खाणा का वाते हे।” पण परमेसर अणा दुयाँ ने खतम कर देई अन देह कुकरम का वाते ने हे, पण परबू की सेवा का वाते हे अन देह का वाते परबू वेवस्ता करे हे।

1 कुरिन्थियों 8:4

ईं वाते मूरताँ का हामे चड़ई तकी चिजाँ ने खाबा का बारा में आपाँ जाणा हा के, मूरताँ को दनियाँ में कई वजूद ने हे अन ओ हे के, एक ने छोड़न कुई परमेसर ने हे।

इपिसियों 1:3

आपणाँ परबू ईसू मसी का बापू, परमेसर की मेमा वेवे, काँके वणा आपाँने हरग में मसीऊँ हंगळी तरियाँ की आत्मिक आसिसाँ दिदी हे।

इपिसियों 3:14

ईं मस मूँ बापू परमेसर का हामे परातना करबा ने गोडा टेकूँ हूँ।

1 पतरस 1:21

थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।

परकासितवाक्य 1:18

मूँ वोईस हूँ, जिंका नके जीवन हे। पेल्याँ मूँ मरग्यो हो, पण अबे देक, मूँ जुग-जुग वाते जीवतो हूँ। मोत अन पाताळ की चाब्याँ मारा नके हे।