1 कुरिन्थियों 7:9 - नुवो नेम (मेवड़ी नया नियम)

⁹ अन यद्याँ वीं आपणाँ खुद पे काबू ने राक सके तो वाँने ब्याव कर लेणो छावे, काँके वासना की आग में बळतो रेबाऊँ ब्याव कर लेणो हव हे।

1 कुरिन्थियों 7:9 Iomraidhean Croise

थरप्या तका का काम 19:36

अणा बाताँ ने कुई नट ने सके, ईं वाते थाँ छाना-माना रो अन कस्यी भी बात पे बात-बच्यार मत करो।

1 कुरिन्थियों 7:2

पण मूँ थाँने ओ केऊँ हूँ के, कूकरमऊँ बंचबा का वाते हरेक मनक के लुगई वेणी छावे अन हरेक लुगई के धणी वेणो छावे।

1 कुरिन्थियों 7:28

पण यद्याँ थूँ ब्याव भी करे तो पाप ने हे अन यद्याँ कूँवारी को ब्याव वे तो भी कई पाप ने हे, पण अस्या मनक सरीर को दुक जेली अन मूँ अणाने बंचाणो छारियो हूँ।

1 कुरिन्थियों 7:36

अन यद्याँ कुई हमजे के, मूँ आपणी हगई वीं तकी वीं मोट्यार कुँवारीऊँ ब्याव ने करन हव ने कररियो हूँ अन यद्याँ वाँकी वासना की भावना वेरी वे तो वाँने ब्याव कर लेणो छावे, ईंमें पाप ने हे।

1 कुरिन्थियों 7:39

जद्याँ तईं कणी लुगई को धणी जीवतो हे, तद्याँ तईं वाँ वींका बन्धन में बन्दी तकी हे। पण जद्याँ वींको धणी मर जावे, तो वाँ जणीऊँ छावे वणीऊँ ब्याव कर सके हे पण बेस परबू का गट-जोड़ में।

1 थिस्सुलुनिक्यों 4:4

थाँ हाराई ने आपणी-आपणी लुगई का हाते पुवितर अन आदर-मान का हाते जीवन जीणो छावे।

1 तिमुतियूस 5:11

पण मोट्यार विदवा लुगायाँ को नाम सेवा करबा की पोती में मती लिकज्ये, काँके जद्याँ वीं आपणी देह की मरजी का वाते ब्याव करणी छावे, तो वीं मसी का गेलाऊँ भटक जावे हे।

1 तिमुतियूस 5:14

ईं वाते मूँ छावूँ हूँ के, मोट्यार विदवा लुगई ब्याव करन बाळक जनमे, अन आपणाँ घर की देक-रेक करे, जणीऊँ वाँ आपणाँ दसमणा ने आपणाँ खिलाप बुरो केवाँ को मोको ने देवे।