1 कुरिन्थियों 7:31 - नुवो नेम (मेवड़ी नया नियम)

³¹ ज्यो ईं दनियाँ की चिजाँ को नफो लेरिया हे, वीं अस्यान रेवे के, वीं चिजाँ वाँके काम की ने हे, काँके दनियाँ अबे जस्यान हे वा खतम वे जाई।

1 कुरिन्थियों 7:31 Iomraidhean Croise

लूका 21:34

“ईं वाते थाँ हेंचेत रो, अस्यो ने वे के, थाँ खाबा-पिबा में अन दनियाँ की चन्ता-फिकर में ने पड़ जावे अन वी दन फंदा का जस्यान थाँका ऊपरे अणाचेत आ जावे।

1 कुरिन्थियों 7:29

हो भायाँ, मूँ ओ केरियो हूँ के, टेम कम हे, ईं वाते जिंके लुगायाँ हे, वीं अस्यान रेवे के, वाँके लुगायाँ ने हे

1 कुरिन्थियों 7:30

अन रोबा वाळा अस्या वे के, मानो वीं कदी दकी ने व्याई कोयने अन आणन्द करबावाळा अस्या वे मानो आणन्द ने करे, अन मोल लेबावाळा अस्या वे मानो वाँका नके कई ने हे।

1 कुरिन्थियों 9:18

ईं वाते मारी दानकी कस्यी हे? के जद्याँ हव हमच्यार को परच्यार करूँ तो बना दानकी लेन करूँ हूँ, ताँके हव हमच्यार को परच्यारऊँ ज्यो पाबा को मने अदिकार हे, मूँ वींने पूरो काम में ने लूँ।

इब्रानियों 12:27

अन या बात, “एक दाण ओरी” ईं बात ने परगट करे हे के, रचना किदी तकी चिजाँ मेंऊँ हालबावाळी चिजाँ नास किदी जाई, जणीऊँ ज्यो चिजाँ हाली कोनी, बेस वींइस अटल रेई।

याकूब 4:14

पण थाँ तो यो भी ने जाणो के, काले थाँका जीवन में कई वेई। देको, थाँको जीवन कई हे? थाँ तो वीं धुंध के जस्यान हो, ज्या थोड़ीक देर का वाते दिके हे अन पाच्छी परी जावे हे।

1 पतरस 1:24

काँके सास्तर में भी लिक्यो तको हे के, “हाराई मनक चारा के जस्यान हे, अन वाँको सजणो अन धजणो भी काकड़ का फुल का जस्यान हे। चारो हूक जावे हे अन फुल जड़ जावे हे।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

1 यहुन्ना 2:17

या दनियाँ अन ईंकी हारी बुरी मरजी को नास वेई, पण ज्यो भी मनक परमेसर की मरजी पे चाले हे, वींको कदी नास ने वेई।