1 कुरिन्थियों 6:2 - नुवो नेम (मेवड़ी नया नियम)

² कई थाँ ने जाणो के, परमेसर का मनक दनियाँ को न्याव करी? जद्याँ थाँकाऊँ अणी दनियाँ को न्याव करियो जाई तद्याँ कई थाँ आपणी अतरी फोरी-फोरी बाताँ को न्याव करबा जोगा भी ने हो?

1 कुरिन्थियों 6:2 Iomraidhean Croise

मत्ती 19:28

ईसू वाँने क्यो, “मूँ थाँकाऊँ हाचेई केवूँ हूँ के, नुवा युग में जद्याँ मनक को पूत आपणी मेमा की गाद्दी पे विराजी, तो थाँ भी ज्यो मारा पाच्छे वेग्या हो, बारा गाद्‍याँ पे बेटन इजराएल की बाराई कोमाँ को न्याव करो।

लूका 22:30

ताँके थाँ भी मारा राज में मारी हाते जीमण में खावो-पीवो अन थाँ राज-दरबार में बेटन इजराएल की बाराई कोमाँ को न्याव करो।”

रोमियों 6:16

कई थाँने ओ ने पतो कई, जद्याँ थाँ किंका हाताँ में खुद ने दास का जस्यान हूँपो हो, तो थाँ वाँकी आग्या मानबा का वाते वाँका दास हो। तो पछे पलई थाँ पाप का दास बणो ज्यो मोत का आड़ी ले जावे हे अन पलई आग्या मानबावाळा बणो, ज्याँ थाँने धारमिकता का आड़ी लेजाई।

1 कुरिन्थियों 1:20

कटे हे ग्यानवान? कटे हे भणाबावाळा? कटे हे अणी दनियाँ का वाद-विवाद करबावाळा? कई परमेसर दनियाँ का ग्यान ने बेकार ने ठेरायो हे?

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

1 कुरिन्थियों 6:4

यद्याँ थाँका बचमें कईन कई लड़ई-जगड़ो वेवे हे तो थाँ न्याव करबा का वाते बारला मनकाँ ने काँ चुणो ज्याँने मण्डली में कस्यी भी जगाँ ने दिदी जावे हे?

2 कुरिन्थियों 4:18

ज्यो कई दुक दिके हे वींने आपणी आक्याँ ने देके हे, पण वाँ चिजाँ दिके कोनी, वीं देके हे। काँके ज्यो चिजाँ दिके हे, वाँको नास वे जाई, पण ज्यो ने देके, वीं अमर रेई।

1 थिस्सुलुनिक्यों 3:13

जणीऊँ वो थाँका हरदा ने अस्यान पाका करी के, जद्याँ आपणाँ परबू ईसू हाराई पुवितर मनकाँ का हाते आई तो थाँ बापू परमेसर का हामे निरदोस अन पुवितर वेवो।

परकासितवाक्य 20:4

तद्याँ में थोड़ाक गाद्‍याँ देकी, वींपे मनक बेट्या तका हा, वाँने न्याव करबा को हक दिदो ग्यो हो। अन में वणा मनकाँ की आत्मा भी देकी ज्याँका माता ईसू मसी की गवई देबा के अन परमेसर को बचन हुणाबा की वजेऊँ काट्या ग्या हा, अन वणा मनकाँ ने ज्यो भी जनावर की अन वींकी मूरत ने पूँजी अन ने वींकी मोर ने आपणाँ माता अन हात में लगई ही। वीं मनक जीवता वेन एक हजार वर का वाते मसी का हाते एक हजार वरा तईं राज करतो रियो।

परकासितवाक्य 3:21

ज्यो भी जिती मूँ वींने मारी हाते मारा गादी पे बेवाड़ऊँ। वस्यानीस जस्यान मूँ जित्या केड़े मारा बापू की गादी पे बेट्यो हूँ।