1 कुरिन्थियों 6:10 - नुवो नेम (मेवड़ी नया नियम)

¹⁰ ने चोरी करज्यो, ने लोब, ने दारुँड़ीया बणज्यो, ने खोट्याँ खाबावाळा, अन ने ठगबावाळा बणज्यो काँके अस्या परमेसर का राज का वारिस वेई।

1 कुरिन्थियों 6:10 Iomraidhean Croise

मत्ती 21:19

हड़क का आड़ी वणी एक अंजीर को रूँकड़ो देकन वो वींका भड़े ग्यो, तो वींने पान्दड़ा ने छोड़ वींमें ओरू कई ने मल्यो। तो ईसू रूँकड़ा ने क्यो, “अबे थाँरे में कदी कई फळ ने लागी।” अन वो रूँकड़ो तरत हुकग्यो।

मत्ती 23:13

“ओ कपटी, मूसा का नेमा ने हिकाबावाळा अन फरीसियाँ, थाँने धिकार हे! थाँ मनकाँ का वाते हरग का राज को बारणो बन्द करो हो, ने तो थाँ खुद परवेस करो हो अन ने वींमें परवेस करबावाळा ने परवेस करबा देवो हो।

मत्ती 23:33

“अरे हाँप अन हापाँ का छोरा-छोरी, थाँ कस्यान होचो हो के, थाँ नरक की सजाऊँ बंच जावो?

यहुन्ना 12:6

वाँकाणी या बात ईं वाते ने की के, वींने गरीबा की चन्ता ही। पण ईं वाते क्यो, काँके वो चोर हो। वाँका नके वाँके रिप्या की नोळी ही अन वो वींमेंऊँ रिप्या काड़ लेतो हो।

थरप्या तका का काम 20:32

अबे मूँ थाँने परमेसर अन वींकी करपा का संदेसा में थाँने हूँप दूँ हूँ। वोईस थाँने बणाई अन वींका मनकाँ ज्याँने पुवितर किदा हे वाँका हण्डे थाँने भी बापोती देई।

1 कुरिन्थियों 15:50

हो भायाँ, मूँ थाँने बताऊँ हूँ के, आपणी आ देह ज्यो माँस अन लुईऊँ बणी तकी हे परमेसर का राज में भेळी ने वे सके हे अन ने ज्यो नास वेबावाळी या देह हे, वाँ ज्यो अमर हे वींमें भेळी वे सके हे।

1 कुरिन्थियों 5:11

पण में ज्यो लिक्यो हो वो ओ हे के, कणी अस्या मनकऊँ वेवार मती राको ज्यो आपणाँ खुद ने मसी को विस्वासी केन भी कुकरमी, लोबी, मूरत्याँ पूजबावाळो, जूटी खबर देबावाळो, पीबावाळो, अन ठग वेवे। अस्या मनकाँ का हाते थाँ खाणो भी मती खावो।

गलातियों 5:21

नसो करणो, मन मरजी करणी, हूँगला काम अन ओरी कई काम हे। जणी काँ बारा में पेल्याँई थाँने क्यो हो के, अस्या काम करबावाळा परमेसर के राज का वारिस ने वेई।

इपिसियों 4:28

ज्यो चोरी करतो आरियो हे, वो अबे कदीई चोरी ने करे, पण ईंका बदले वींने स्यवकार वेन खुद की मेनतऊँ काम करणो छावे। ईंऊँ वो जिंने जरूत हे वींने भी दे सके।

इपिसियों 5:5

थाँने ओ जाणणो हे के, कुकरमी, हूँगला मनक, अन लोबी मनक ज्यो मूरत पुजा करबावाळा का जस्यान हे अस्या मनकाँ का वाते मसी अन परमेसर का राज में बापोती कोयने हे।

1 थिस्सुलुनिक्यों 4:6

ईं बात में कुई भी आपणाँ भई नेईस ने ठगे अन ने कुई किंको नफो लेणो छावे। काँके परबू आ हारी बाताँ को बदलो लेबा में हे, अणा बाताँ का बारा में माँ थाँने पेल्याँई बता दिदो अन चेताया भी हाँ।

1 पतरस 4:15

ईं वाते थाँकामें कुई भी हत्यारो, चोर, कुकरमी अन दूजाँ का काम में ठोकर बणन दुक ने जेले।