1 कुरिन्थियों 5:8 - नुवो नेम (मेवड़ी नया नियम)

⁸ ईं वाते आवो आपाँ आपणाँ फसे का तेवार ने बुरई अन हूँगळापणाऊँ छेटी वेन जूना हाज्या की रोटीऊँ ने पण खरई अन हाँच का बना हाज्या की रोटीऊँ मनावा।

1 कुरिन्थियों 5:8 Iomraidhean Croise

मत्ती 16:12

तद्याँ वाँकी हमज में आयो के, वीं रोट्याँ का खमीरऊँ ने, पण फरीसियाँ अन सदुकियाँ की हिकऊँ हेंचेत रेवा का वाते क्यो हो।

मत्ती 16:6

ईसू वाँने क्यो, “देको, फरीसियाँ अन सदुकियाँ का हाज्याऊँ बंचन रेज्यो।”

मरकुस 8:15

ईसू वाँने चेतावणी देन क्यो, “फरीसियाँ अन हेरोदेस का हाज्याऊँ बंचन रिज्यो।”

लूका 12:1

पसे जद्याँ हजारो मनक भेळा वेग्या हा अन अटा तईं के, मनक एक-दूँजा के ऊपरे पड़रिया हा, तद्याँ ईसू आपणाँ चेलाऊँ क्यो के, “फरीसियाँ का कपट रूपी हाज्याऊँ बंचन रेवो।

यहुन्ना 1:47

ईसू नतनएल ने आपणाँ आड़ीऊँ आवतो तको देकन वाँका बारा में क्यो, “देको, यो हाँचो इजराएली हे, ईंमें कई खोट ने हे।”

1 कुरिन्थियों 3:3

काँके थाँ अबाणू तईं दनियाँ का मनकाँ का जस्यान हो, ईं वाते थाँकामें रिस्याँ बलणो अन कळेस मोजुद हे, तो कई थाँ दनियाँ का सांसारिक मनक ने हो अन थाँ सांसारिक मनकाँ के जस्यान वेवार करो हो?

1 कुरिन्थियों 5:1

हाँची में मने बतायो ग्यो हे के, थाँ लोगाँ में कुकरम फेल्यो तको हे, अस्यो कुकरम ज्यो अधरम्याँ में भी ने मले हे के, एक मनक आपणी सोतेली बई का लारे कुकरम करे हे।

1 कुरिन्थियों 5:6

थाँको मेपणो करणो हव ने हे। कई थाँ ने जाणो के, “थोड़ोक हाज्यो हाराई गुद्‍या तका आटा ने हाज्यो कर देवे हे।”

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 2:17

परमेसर का बचनाँ को वोपार करबावाळा नरई मनक हे वीं आपणो नफो छावे हे पण माँ अस्यान ने हाँ। माँ तो परमेसर का आड़ीऊँ खन्दाया तका मनक का जस्यान मसी ने हाते लेन, हाँचऊँ बोला हाँ।

2 कुरिन्थियों 8:8

आ बात में आग्या देन ने की, पण दूजाँ मनकाँ के खुला मनऊँ दान देबा की भावना का बारा में केन थाँका परेम का हाँच की परक करणो छारियो हूँ।

इपिसियों 6:24

ज्यो आपणाँ परबू ईसू मसीऊँ अमर परेम राके हे, वणा हाराई पे परमेसर की करपा वेती रेवे।

1 पतरस 4:2

ईं वाते थाँ आपणाँ आगे को जीवन मनकाँ की मरजी का जस्यान ने, पण परमेसर की मरजी का जस्यान जीवो।