1 कुरिन्थियों 5:5 - नुवो नेम (मेवड़ी नया नियम)

⁵ अन वणी मनक ने देह का नास का वाते सेतान ने हूँप्यो जाई, ताँके वींकी आत्मा परबू के पाच्छा आबा का दन बंचाई जाई।

1 कुरिन्थियों 5:5 Iomraidhean Croise

मत्ती 4:10

पछे ईसू वींने क्यो, “हे सेतान, छेटी वेजा। सास्तर यो केवे हे, “‘थूँ आपणाँ परबू परमेसर ने मान अन बेस वाँकीईस सेवा-चाकरी कर।’”

लूका 22:31

ईसू पतरसऊँ क्यो, “समोन, ए समोन हुण, जस्यान एक करसाण गव ने होजा करे हे वस्यान थाँने परकबा का वाते थाँने सेतान मांग लिदा हे।

थरप्या तका का काम 26:18

थूँ वाँकी आक्याँ ने खोले अन वीं अंदाराऊँ उजिता का आड़ी, अन सेतान की सगतिऊँ परमेसर का आड़ी फरे ताँके वाँने पापाऊँ मापी मले अन परमेसर का चुण्या तका लोगाँ के हाते वीं भी बापोती में भेळा वेवे।’

1 कुरिन्थियों 1:8

परबू ईसू मसी थाँने अन्त टेम हुदी पाका राकी के, थाँ आपणाँ परबू ईसू मसी का पाच्छे आबा का दन तईं बना दोस का रे सको।

1 कुरिन्थियों 11:32

पण परबू आपाँने सई राकबा का वाते दण्ड देवे हे, ताँके आपीं दनियाँ का हाते दोसी ने ठेराँ।

1 कुरिन्थियों 5:13

पण अविस्वासी मनकाँ को न्याव परमेसर करे हे। सास्तर केवे हे, “थाँ बुरा मनकाँ ने आपणाँ बचमेंऊँ बारणे निकाळ दो।”

2 कुरिन्थियों 10:6

यद्याँ थाँ हारी आग्या ने पुरी तरियाऊँ मानबावाळा बण जावो, तो माँ वाँ हाराई ने ज्यो आग्या ने माने वाँने दण्ड देबा का वाते त्यार हाँ।

2 कुरिन्थियों 12:7

मूँ ईं दरसण की वजेऊँ मोटो ने वे जऊँ, ईं वाते मारी देह में एक रोग दिदो ग्यो हे ज्यो सेतान को एक दूत हे अन ओ मने दुक देतो रेवे हे जणीऊँ मूँ घणो मेपणो ने कर सकूँ हूँ।

2 कुरिन्थियों 13:10

ईं वाते थाँकाऊँ छेटी रेतो तका भी मूँ ईं बाताँ थाँका वाते लिकरियो हूँ जणीऊँ की जद्याँ मूँ थाँका नके आऊँ तो मने परबू का दिदा तका हक ने कल्डा रूप में काम ने लेणो पड़े। यो हक थाँने नाकबा का वाते ने हे, पण थाँने बणाबा का वाते हे।

फिलिपियों 1:6

अन मने ईं बात को विस्वास हे के, जीं परमेसर थाँकामें हव काम सरू किदो हे, वींइस वींने ईसू मसी का पाच्छा आबा का दन तईं पूरो करी।

1 तिमुतियूस 1:20

हुमिनयुस अन सिकन्दर अस्याईस हा, ज्याँने में सेतान का हाताँ में दे दिदा हे, ताँके वाँने परमेसर की बुरई ने करबा को पाट हिकायो जा सके।

2 तिमुतियूस 1:18

परमेसर वींपे भी, मसी के पाच्छा आबा का दन दया करे। थूँ भी हव तरिया जाणे हे के, वणी इपिसुस में मारा वाते कई-कई किदो हो?

2 पतरस 3:12

अन वीं दन की वाट नाळणी छावे, जीं दन परमेसर न्याव करी। वीं दन ने लाबा का वाते कोसीस करणी छावे। वीं दन के आताई आकास वादी की लपटाऊँ बळन नास वे जाई अन आकास की चिजाँ वादी की तपतऊँ पिगळ जाई।

1 यहुन्ना 5:16

जद्याँ कुई मनक खुद का भई ने अस्यान को पाप करतो देके, जिंको फळ अनंत मोत कोयने हे, पण वो परमेसरऊँ वींके वाते परातना करे तद्याँ परबू वींने मोत को दण्ड कोयने देई पण वाँकी परातना हुणन अनंत जीवन देई। पण मूँ वणा मनकाँ का वाते परातना करबा का वाते ने केऊँ, ज्यो अस्यान का पाप करे, जिंको फळ अनंत मोत हे।