1 कुरिन्थियों 4:6 - नुवो नेम (मेवड़ी नया नियम)

⁶ हो विस्वासी भायाँ में ईं बाताँ ज्यो थाँने हिकई हे वीं आपणाँ खुद अन अपुलोस का ऊपरे लागू किदी हे, ताँके थाँ अणी कावत को अरत जाणन हिक सको के, “थाँ सास्तर में लिकी तकी बाताँ ने उलाँगो कोनी” अन एक मनक को पकस लेन कणी दूजाँ का विरोद करता तका मेपणाऊँ ने भर जावो।

1 कुरिन्थियों 4:6 Iomraidhean Croise

थरप्या तका का काम 18:24

अपुलोस नाम को यहूदी मनक, जिंको जनम सिकन्दरिया में व्यो हो, जो हव भण्यो-पड़यो हो अन पुवितर सास्तर ने बड़या तरियऊँ जाणतो हो, इपिसुस में आयो।

थरप्या तका का काम 19:1

जद्याँ अपुलोस कुरिन्तुस नगर में हो, तो पोलुस मईने का इलाकाऊँ वेतो तको इपिसुस में आयो। वटे वणी थोड़ाक चेला ने देक्याँ

रोमियों 12:3

ईं वाते वींकी दया की वजेऊँ ज्या मने मली हे। वींने ध्यान में लेन मूँ थाँने केवूँ हूँ जतरा थाँ हो वणी हेला खुद ने मती हमजो हे, पण विस्वास का जस्यान जतरी कबालियत परमेसर थाँने दिदी हे वतरोइस खुद ने हमजो।

1 कुरिन्थियों 1:12

मारो केणो ओ हे के, थाँकामूँ कुई तो आपणाँ खुद ने पोलुस को, कुई अपुलोस को, कुई केफा को अन कुई मसी का चेला केवो हो।

1 कुरिन्थियों 1:19

काँके सास्तर में लिक्यो तको हे के, मूँ ग्यानी मनकाँ की अकल को नास कर देऊँ, अन हाराई चातरोक की हमजदारी ने बेकार कर देऊँ।

1 कुरिन्थियों 1:31

जस्यान के सास्तर में लिक्यो हे, “यद्याँ कुई मेपणो करे हे तो वो परबू ज्यो किदो वींका बारा में मेपणो करे।”

1 कुरिन्थियों 13:4

काँके जिंमें परेम वेवे हे वो धिज्यो राके हे अन दया करे हे अन वो रिस्याँ ने बळे हे अन ओ खुद की बड़ई ने करे अन मेपणोऊँ मोटो ने वेवे हे।

1 कुरिन्थियों 3:19

काँके ईं दनियाँ को ग्यान परमेसर का हामे बेण्डोपणो हे। जस्यान के सास्तर में लिक्यो हे के, “परमेसर ग्यानवाळा मनकाँ ने वाँका खुद का ग्यान में फसा देई।”

1 कुरिन्थियों 3:21

ईं वाते मनक खुद पे मेपणो ने करे, काँके हारोई थाँकोईस हे।

1 कुरिन्थियों 5:2

अणी बात पे थाँ होक भी ने करो हो, थाँने ओ छावे के, थाँ अस्यो काम करबावाळो थाँका बचमेंऊँ निकाळ दो, पण थाँ तो मेपणो करो हो।

1 कुरिन्थियों 5:6

थाँको मेपणो करणो हव ने हे। कई थाँ ने जाणो के, “थोड़ोक हाज्यो हाराई गुद्‍या तका आटा ने हाज्यो कर देवे हे।”

1 कुरिन्थियों 8:1

अबे मूरताँ का हामे चड़ाया तका परसाद का बारा में आपाँ जाणा हा। आपीं हारई ग्यानवाळा हाँ अन ग्यान मेपणो पेदा करे हे, पण परेमऊँ हारई को भलो वेवे हे।

1 कुरिन्थियों 9:23

ओ हारोई मूँ हव हमच्यार का वाते करूँ हूँ, ताँके वींका वरदानाँ में मारो भी भाग वे।

2 कुरिन्थियों 10:12

काँके माँ वाँ मनकाँ के जस्यान ने हा, ज्यो खुद की बड़ई करे हे अन वीं खुद का हिसाबऊँ खुद ने एक दूजाँ का हाते नाप तोल करे हे। वीं कतरा बेण्डा हे।

2 कुरिन्थियों 10:15

अन ने माँ दूजाँ की मेनत पे मेपणो करा हा पण आस हे के, जस्यान जस्यान थाँको विस्वास बड़तो जाई वस्यान-वस्यान माँ भी थाँकी वजेऊँ ओरू बड़ता जावा।

2 कुरिन्थियों 10:7

थाँ वणाईस बाताँ ने देको ज्यो थाँकी आक्याँ का हामे हे। यद्याँ किंने ओ विस्वास वेवे के, मूँ मसी को हूँतो वींने ओ भी जाणणो छावे के, जस्यान वो मसी को हे वस्यानीस माँ भी मसी का हाँ।

2 कुरिन्थियों 11:4

काँके थाँका नके कुई आन ईसू का उपदेस माँ थाँने हुणाया हाँ, वींके अलावा यद्याँ कुई दूजाँ ईसू का उपदेस हुणावे हे, अन ज्यो पुवितर आत्मा थाँने मली हे, वींके अलावा यद्याँ थाँ दूजी आत्माने मानो हो। जणी छूटकारा का हमच्यार ने थाँने हुणाया हो, वींके अलावा यद्याँ थाँ दूजाँ हमच्यार ने हुणो हो तो ईंको मतलब ओ हे के, थाँ दूजाँ ईसू, दूजाँ हमच्यार अन दूजी आत्माने लेबा का वाते त्यार हो।

2 कुरिन्थियों 12:19

अबाणू तईं थाँ योईस होचरया हो के, माँ नरई दनाँऊँ खुद कोईस पकस लेरिया हाँ। पण माँ तो परमेसर का हामे मसी का दास वेन थाँने क्यो। हो मारा लाड़ला भायाँ, माँ ज्यो कई भी थाँने केरिया हाँ, वो थाँने आत्मिक रूपऊँ जोरावर बणाबा का वाते केरिया हाँ।

2 कुरिन्थियों 12:20

काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले।

2 कुरिन्थियों 12:6

जद्याँ मूँ मेपणो करबा की होचूँ भी हूँतो भी मूँ बेण्डो ने हूँ, काँके मूँ हाँच बोल सकूँ हूँ। पण थाँने ईं बातऊँ बंचाणा छावूँ हूँ जणीऊँ कुई मने अस्यान करतो देके कन हुणे हे तो वो अणीऊँ बड़न मने ने हमजे।

2 कुरिन्थियों 4:15

ईं हारी चिजाँ थाँका वातेईस किदी जारी हे, जणीऊँ नरई मनकाँ पे परमेसर की दया वे अन वीं अणीऊँ परमेसर ने धन्नेवाद दे सकी अन परमेसर ने खुब मेमा मली।

कुलुसियों 2:18

कुई मनक दया को दिकावो करन हरग-दुताँ की पुजा करन थाँने थाँका फळऊँ छेटी ने कर दे। अस्यान मनक देकी तकी बाताँ में लाग्या तका रेवे, अन आपणी दनियादारी की हमज ने बेकार में फुलावे अन बड़ावे हे।

1 थिस्सुलुनिक्यों 1:5

ओ हव हमच्यार बेस बोली कोईस ने हे, पण तागत अन पुवितर आत्मा का हाते अन ईंकी हाँच की खरई का हाते थाँका नके पूग्यो हे। थाँ तो जाणोइस हो के, माँ थाँकी भलई का वाते थाँका हाते कस्यान रिया हा।

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।