1 कुरिन्थियों 4:19 - नुवो नेम (मेवड़ी नया नियम)

¹⁹ पण परबू छाई तो मूँ थाँका नके फटाकऊँ आऊँ, अन पछे वणा मेपणो करिया हा वणा मनकाँ की बाताँ नेईस ने पण वाँकी तागत ने भी जाण लेऊँ।

1 कुरिन्थियों 4:19 Iomraidhean Croise

थरप्या तका का काम 18:21

पण पोलुस ओ केन वाँका नकेऊँ ग्यो, “यद्याँ परमेसर की मरजी वेई तो थाँका नके पाछो आऊँ”। तद्याँ वो इपीसुसऊँ जाँज में बेटन चाल पड़्यो।

थरप्या तका का काम 19:21

ईं बाताँ व्या केड़े पोलुस आपणी आत्मा में होच्यो के मकिदुनिया अन अखाया वेन यरूसलेम जाऊँ, अन क्यो “वटे जान मने रोम में भी जाणो पड़ी।”

थरप्या तका का काम 20:2

वीं हंगळा इलाका में वेन अन चेला ने धिजो बन्दातो तको वो युनान में आयो।

रोमियों 15:32

अन मूँ परमेसर की मरजी जस्यान राजी मनऊँ थाँका नके आन थाँका हाते आणन्द मना सकूँ।

1 कुरिन्थियों 11:34

यद्याँ किंने हाँची में जोरऊँ भूक लागरी वे, तो वींने घरेइस खाणो खा लेणो छावे, ताँके थाँको वटे भेळो वेणो दण्ड को मस ने बणे अन दूजी बाताँ ने जद्याँ मूँ आऊँ तद्याँईस थाँने हमजाऊँ।

1 कुरिन्थियों 14:5

अन मूँ ओ छावूँ हूँ के, थाँ अलग अलग बोल्याँ में बाताँ करो पण अणीऊँ भी हेलो मूँ ओ छावूँ हूँ के, थाँ परमेसर का आड़ीऊँ बाताँ करो, काँके यद्याँ कुई अलग अलग बोली बोले अन जद्याँ तईं ईंको मतलब हमजावा वाळो कुई ने जणीऊँ विस्वास्याँ की मण्डली आत्मिक रूप में गाटी वे सके, ईं वाते अणीऊँ मोटो तो परमेसर का आड़ीऊँ बोलबावाळो हे।

1 कुरिन्थियों 16:5

मूँ मकिदुनिया वेता तको थाँका नके आऊँ, काँके मारो मकिदुनिया जाणो जरूरी हे।

1 कुरिन्थियों 16:7

काँके मूँ थाँका नके आताई जाणो ने छारियो हूँ। पण मने आस हे अन यद्याँ परबू छाई तो मूँ थोड़ाक दन थाँका नके रेऊँ।

1 कुरिन्थियों 2:6

जद्याँ मूँ हमजदार मनक में ग्यान की बाताँ को परच्यार करूँ हूँ, पण यो ग्यान ईं दनियाँ को कन हाकिमा के ग्यान का जस्यान ने हे ज्यो नास वेवे हे।

1 कुरिन्थियों 4:18

थाँकामूँ कुई मनक तो यो होचन मेपणो करिया हे के, जस्यान अबे मने थाँका नके आणोईस ने हे।

1 कुरिन्थियों 4:6

हो विस्वासी भायाँ में ईं बाताँ ज्यो थाँने हिकई हे वीं आपणाँ खुद अन अपुलोस का ऊपरे लागू किदी हे, ताँके थाँ अणी कावत को अरत जाणन हिक सको के, “थाँ सास्तर में लिकी तकी बाताँ ने उलाँगो कोनी” अन एक मनक को पकस लेन कणी दूजाँ का विरोद करता तका मेपणाऊँ ने भर जावो।

2 कुरिन्थियों 1:23

गवई का रूप में परमेसरऊँ अरज करतो तका अन मारा जीवन का होगन खान कूँ हूँ के, मूँ पाछो कुरिन्तुस में ईं वाते ने आयो हो काँके मूँ थाँने दकऊँ बंचाणा छातो हो।

2 कुरिन्थियों 10:9

मूँ अस्यान ने बतारियो हूँ के, ईं कागदऊँ मूँ थाँने दरपऊँ।

इब्रानियों 6:3

यद्याँ परमेसर छाई, तो आपीं योईस कराँ।

याकूब 4:15

पण थाँने तो अस्यान केणो छावे के, “यद्याँ परबू की मरजी वेई, तो आपाँ जीवता रेवा अन ओ कन वो काम कराँ।”