1 कुरिन्थियों 4:12 - नुवो नेम (मेवड़ी नया नियम)

¹² माकाँ हाताऊँ काम करता तका माँ मेनत-मजदूरी करा हाँ। जद्याँ माँने कुई हराप देवे हे तो माँ वींने आसिरवाद देवाँ हाँ। अन जद्याँ माँने हतावे तो माँ वींने सेण करा हाँ।

1 कुरिन्थियों 4:12 Iomraidhean Croise

मत्ती 5:11

धन्ने हो थाँ, काँके मनक मारा नामऊँ थाँकी नन्दयाँ करे, अन हतावे अन जूटी बाताँ करन थाँका विरोद में हारी तरियाँ की खोटी बाताँ करे हे।

मत्ती 5:44

पण मूँ थाँकाऊँ यो केवूँ हूँ के, आपणाँ दसमणाऊँ परेम राकज्यो अन आपणाँ हताबावाळा का वाते भी परातना करज्यो।

लूका 23:34

जद्याँ ईसू बोल्या, “ओ बापू, अणाने माप कर दो, काँके ईं लोग ने जाणे हे के, ईं कई कररिया हे।” पसे सपायाँ कागद की गोट्याँ नाकन वाँका गाबा बाँट लिदा।

लूका 6:28

ज्यो थाँने हराप देवे थाँ वाँने आसिरवाद दो अन ज्यो थाँका हाते हुगलो वेवार राके वाँका वाते थाँ भी परातना करो।

यहुन्ना 15:20

ज्यो बाताँ में थाँकाऊँ किदी ही के, दास आपणाँ मालिकऊँ मोटो ने वेवे हे। वाँने आद राकज्यो। यद्याँ वणा मने हतायो हे, तो थाँने भी हताई। यद्याँ वणा मारी बाताँ मानी, तो थाँकी भी मानी।

थरप्या तका का काम 18:3

वीं हाराई को धन्धो एकीस हो, ईं वाते वीं हाते रेन काम करबा लागा। वणा को काम डेरा वणाबा को हो।

थरप्या तका का काम 20:34

थाँ जाणो हो के, अणा हाताँईस मारी अन मारा हण्डाळ्याँ की जरुरत ने पुरी किदी ही।

थरप्या तका का काम 7:60

पछे वो गोडा टेकन कल्ड़ी अवाजऊँ क्यो, “परबू, ईं पाप ने वाँका माते मत नाकजो।” अतरोक केन वो मरग्यो।

रोमियों 12:14

थाँने हताबावाळा ने आसिरवाद दो। वाँने हराप मती दो, पण आसिरवाद दो।

रोमियों 12:20

पण थूँ तो, “यद्याँ थाँरो दसमण भुको वे तो वींने खाणो खवाड़। यद्याँ वो तरियो वे, तो वींने पाणी पिबा का वाते दे। यद्याँ थूँ अस्यान करी, तो अणीऊँ वो हरमा मरी अन नानो नानो वेई।”

रोमियों 8:35

कूण हे ज्यो आपाँने मसी का परेमऊँ अलग करी? कई दक, कई तकलिपाँ, कई हताव, कई काळ, कई गरीबी, कई मोत की दरप टेम कन कटारी?

1 कुरिन्थियों 9:6

कई मने अन बरनबास नेईस जीवन जीबा का वाते काम करणो छावे?

2 कुरिन्थियों 11:8

कई थाँ के सके हो के, में दूजी मण्डळ्याऊँ मदत लेन वाँने लूटी ताँके मूँ थाँकी सेवा कर सकूँ?

इपिसियों 4:28

ज्यो चोरी करतो आरियो हे, वो अबे कदीई चोरी ने करे, पण ईंका बदले वींने स्यवकार वेन खुद की मेनतऊँ काम करणो छावे। ईंऊँ वो जिंने जरूत हे वींने भी दे सके।

1 थिस्सुलुनिक्यों 2:9

हो भायाँ-बेना, थाँ माँकी मेनत अन दुक ने आद राको हो ज्यो थाँका बचमें व्यो हो अन माँ रात-दन काम धन्धो करन थाँने परमेसर को हव हमच्यार हुणायो जणीऊँ थाँका पे कई बोज ने पड़े।

2 थिस्सुलुनिक्यों 3:8

अन किंकी भी फोगट की रोटी ने खादी। पण रात-दन मेनत अन दुक उठान काम धन्धो करता हा, ताँके थाँका पे कई बोज ने पड़े।

1 तिमुतियूस 4:10

आपाँ ईं वाते मेनत अन कोसीस करा हाँ, काँके आपणी आस जीवता परमेसर में हे, जीं हाराई ने, खासतोरऊँ विस्वास्याँ ने बंचाबावाळो हे।

1 पतरस 2:23

जद्याँ वाँकी बेजती किदी गी, तो भी वणा किंकीई बेजती ने किदी। जद्याँ वीं दुक जेलरिया हा, तो भी वणा किंने भी धमकी ने दिदी, पण वणा आपणाँ खुद ने हाँचा न्याव करबावाळा परमेसर ने हूँप दिदा।

1 पतरस 3:14

यद्याँ थाँ भलई का वजेऊँ दुक जेलो हो, तो थाँ धन्न हो, ईं वाते लोगाऊँ दरपज्यो मती अन घबराज्यो मती।

1 पतरस 3:9

बुरई का बदले बुरई मती करो। जद्याँ कुई थाँकी बेजती करे, तो वींके हाते थाँ भी वींकी बेजती मती करो पण वींका बदले थाँ वींने आसिरवाद दो, काँके परमेसर थाँने आसिरवाद का वारिस वेबा का वाते बलाया हे।

1 पतरस 4:19

ईं वाते जो परमेसर की मरजी का जस्यान दुक जेले हे, वीं भलई करता तका आपणाँ खुद ने विस्वास जोगा अन आपणी रचना करबावाळा परमेसर का हाताँ में हूँप देणा छावे।

यहूदा 1:9

जद्याँ के हरग-दुत मीकाईल ज्यो दुताँ को मुक्यो हो, वो मूसा की लास का वाते सेतानऊँ वाद-विवाद कररियो हो, तो भी वो वींके हामे सेतान ने कई बुरी बात बोलबा की हिम्मत ने किदी, पण अतरोक बोल्यो के, “परबू थने तापड़ी।” काँके वींका नके भी न्याव करबा को अदिकार ने हो।