1 कुरिन्थियों 3:16 - नुवो नेम (मेवड़ी नया नियम)

¹⁶ कई थाँ ने जाणो के, थाँ परमेसर का मन्दर हो अन परमेसर की आत्मा थाँकामें वास करे हे।

1 कुरिन्थियों 3:16 Iomraidhean Croise

यहुन्ना 14:17

वाँ पुवितर आत्मा हे। ज्या दनियाने ने मल सके हे, काँके दनियाँ वींने ने देक सके हे अन ने ओळके हे। पण थाँ वींने ओळको हो, काँके वाँ थाँका लारी रेई अन वाँ थाँकामें वास करी।”

रोमियों 6:16

कई थाँने ओ ने पतो कई, जद्याँ थाँ किंका हाताँ में खुद ने दास का जस्यान हूँपो हो, तो थाँ वाँकी आग्या मानबा का वाते वाँका दास हो। तो पछे पलई थाँ पाप का दास बणो ज्यो मोत का आड़ी ले जावे हे अन पलई आग्या मानबावाळा बणो, ज्याँ थाँने धारमिकता का आड़ी लेजाई।

रोमियों 6:3

कई थाँ ने जाणो हो आपाँ, ज्यो ईसू मसी में बतिस्मो लिदो हे, वींकी मोत कोईस बतिस्मो लिदो हे।

रोमियों 8:11

अन यद्याँ वाईस आत्मा जणी ईसू मसी ने मरिया तकाऊँ जीवतो किदो हे, थाँका मयने वास करे हे, तो वो जणी ईसू ने मरिया तकाऊँ जीवतो किदो हे, थाँकी नास वेबावाळी देह ने आपणी आत्माऊँ ज्या थाँका मयने वास करे हे, जीवाई।

रोमियों 8:9

पण यद्याँ हाँची में थाँकामें परमेसर की आत्मा वास करे हे तो थाँ देह की मरजी का जस्यान ने जीवो, पण आत्मा का जस्यान जीवो। यद्याँ किंमें ईसू मसी की आत्मा ने हे तो वो मसी को ने हे।

1 कुरिन्थियों 3:17

यद्याँ कुई परमेसर का मन्दर ने नास करी तो परमेसर वींने नास करी, काँके परमेसर को मन्दर पुवितर हे अन वो मन्दर थाँ हो।

1 कुरिन्थियों 3:9

काँके माँ परमेसर का वाते काम करबावाळा हाँ। थाँ परमेसर का खेत हो अन परमेसर का मन्दर हो।

1 कुरिन्थियों 5:6

थाँको मेपणो करणो हव ने हे। कई थाँ ने जाणो के, “थोड़ोक हाज्यो हाराई गुद्‍या तका आटा ने हाज्यो कर देवे हे।”

1 कुरिन्थियों 6:16

कई थाँ ने जाणो हो के, ज्यो कुई वेस्याऊँ संगती करे हे, वो वींका हाते एक तन वे जावे हे काँके सास्तर में लिक्यो हे के, “वीं दुई एक तन वेई।”

1 कुरिन्थियों 6:19

कई थाँ ने जाणो हो के, थाँकी देह पुवितर आत्मा को मन्दर हे, ज्यो थाँकामें बसी तकी हे अन थाँने परमेसर का आड़ीऊँ मली हे अन वाँ थाँकी खुद की ने हे। थाँ खुदऊँ ने पण परमेसर का हो।

1 कुरिन्थियों 6:9

कई थाँ ने जाणो हो के, बुरा मनक परमेसर का राज का वारिस ने वेई? धोको मती खावो अन ने गलत वेवार करबावाळो बण, ने मूरताँ पूजो, ने कुकरम, ने मनक मनक का हाते हुगलो काम करे,

1 कुरिन्थियों 9:13

कई थाँ ने जाणो के, ज्यो मनक मन्दर में सेवा करे हे, वीं आपणो खाणो मन्दरऊँइस खावे हे अन ज्यो वेदी पे बली चड़ाबा की सेवा करे हे, वो वीं वेदी की चड़ई तकी चिजाँ को हिस्सेदार हे।

1 कुरिन्थियों 9:24

कई थाँ ने जाणो हो के, दोड़ में तो हाराई दोड़बावाळा दोड़े हे, पण ईनाम तो वींनेईस मले ज्यो जीते हे, ईं वाते थाँ अस्यान दोड़ो के जीत थाँकी वे।

2 कुरिन्थियों 6:16

परबू का मन्दर को मूरत्याऊँ कई वेवार? काँके आपाँ खुदईस जीवता परमेसर का मन्दर हा, जस्यान वणा खुदईस क्यो हो, “मूँ वाँका में वास करिया करूँ, वाँका में चालूँ-फरूँ। मूँ वाँको परमेसर वेऊँ अन वीं मारा मनक वेई।

1 तिमुतियूस 3:15

पण यद्याँ मारा आबा में टेम लागी तो, ईं कागदऊँ जाण जाज्यो के, आपणाँ परमेसर को घराणो, जीं जीवता परमेसर की मण्डली हे या हाँच की नीम अन थम्बो हे, वींके हाते आपाँने कस्यान को वेवार करणो छावे।

2 तिमुतियूस 1:14

अन पुवितर आत्मा का आड़ीऊँ ज्यो आपणाँ में वास करे हे, हव चिजाँ की रुकाळी कर, जीं थने हूँपी गी हे।

इब्रानियों 3:6

पण परमेसर का घराणा में मसी तो एक बेटा का रूप में विस्वास करबा के जोगो हे, अन यद्याँ आपाँ हिम्मत राका अन वीं आस पे विस्वास बण्यो तको राका हा, तो आपींइस वींको घराणो हा।

याकूब 4:4

हो कुकरमी लोगाँ, कई थाँ ओ ने जाणो हो के, ईं दनियाऊँ भईच्यारो राकणो परमेसरऊँ दसमणी राकणी वेवे हे? ईं वाते जो दनियाऊँ भईच्यारो राके हे, वो खुद ने परमेसर को दसमण बणावे हे।

1 पतरस 2:5

थाँ भी जीवता भाटा का जस्यान हो थाँने आत्मिक मन्दर का रूप बणाया जारिया हे, जणीऊँ थाँ पुवितर याजक का जस्यान बणन अस्यान का आत्मिक बलीदान चड़ावो, जो ईसू मसी के वजेऊँ परमेसर के चड़ाबा का जोगा वेवे।

1 यहुन्ना 4:12

परमेसर ने कणी भी कदी ने देक्या, पण जद्याँ आपाँ एक-दूजाऊँ परेम कराँ, तो परमेसर आपाँ में वास करी अन वींको परेम आपाँ में पाको वे जाई।