1 कुरिन्थियों 2:10 - नुवो नेम (मेवड़ी नया नियम)

¹⁰ पण परमेसर वणा भेद की बाताँ ने आपणी आत्माऊँ आपाँने परगट किदा, काँके आत्मा हाराई बाताँइस ने पण परमेसर का भेद की बाताँ भी जाणे हे।

1 कुरिन्थियों 2:10 Iomraidhean Croise

मत्ती 13:11

वणी क्यो, “थाँने हरग का राज का भेद की हमज दिदी हे पण अणा लोगाँ ने ने दिदी हे।

मत्ती 16:17

ईसू वाँने जवाब दिदो, “हो समोन, योना का पूत, थूँ धन्न हे, काँके थने आ बात कणी मनक ने क्यो, पण मारा बाप ने ज्यो हरग में हे, आ बात थाँरा पे परगट किदी हे।

लूका 10:21

वणी दाण ईसू पुवितर आत्माऊँ भरन खुसीऊँ राजी वेग्या अन क्यो, “ओ बापू, हरग अन धरती का परबू, मूँ थाँको धन्नेवाद करूँ हूँ के, थाँ अणा बाताँ ने अकलमन्दाऊँ अन हमजदाराऊँ हपान राकी अन बाळकाँ का ऊपरे परगट किदी। ओ परबू जी, काँके अस्यान थाँने बड़िया लागे हे।”

लूका 2:26

पुवितर आत्मा वींने बतायो हो के, “जद्याँ तईं थूँ परबू का मसी ने देक ने लेई, तद्याँ तईं थारी मोत ने वेई।”

यहुन्ना 14:26

पण हण्डाळी को मतलब पुवितर आत्मा जिंने परमेसर मारा नामऊँ खन्दाई, वाँ थाँने हारी बाताँ हिकाई अन ज्यो कई में थाँकाऊँ क्यो हे, वो हारोई थाँने आद अवाड़ी।

यहुन्ना 16:13

पण जद्याँ हाँच की आत्मा आई, तो थाँने हारई हाँच को गेलो बता देई, काँके वाँ खुद का आड़ीऊँ ने केई पण ज्यो कई हूणी वो केई अन आबावाळी बाताँ थाँने बताई।

1 कुरिन्थियों 14:30

अन यद्याँ वटे बेट्या मनकाँ मूँ किंने परबू को दरसण मल्यो वे, तो वणा मनकाँ ने ज्यो पेल्याऊँ बोलरियो हे, छानो वे जाणो छावे।

1 कुरिन्थियों 2:11

मनकाँ की आत्मा का सिवा वाँका खुद का बच्याराँ ने कुई ने जाणे, वस्यानीस परमेसर की आत्मा के सिवा परमेसर का बच्याराँ ने कुई ने जाणे हे।

गलातियों 1:12

काँके वो मने मनकाँ की ओरुँ ने मल्यो अन ने मने हिकायो ग्यो, पण ओ हव हमच्यार मने परबू ईसू मसी की पुवितर आत्माऊँ मल्यो हे।

इपिसियों 3:3

अन परमेसर आपणी गुप्त की बाताँ ने मारा पे परगट किदो, जिंका बारा में, में थोड़ोक पालाँ पाटाँ में लिक चुक्यो हूँ।

इपिसियों 3:5

पुराणी टेम में ईं राज ने मनकाँ पे परगट ने किदो ग्यो हो, अबाणू परमेसर पुवितर आत्माऊँ वींका पुवितर थरप्या तका अन वाँका आड़ीऊँ बोलबावाळा पे परगट किदो ग्यो।

1 तिमुतियूस 4:1

पुवितर आत्मा सई तरियाऊँ बोले हे के, थोड़ाक टेम का केड़े थोड़ाक मनक विस्वास करणो छोड़ देई, वीं भटकाबाळी आत्मा की जूटी हिक ने मानी अन जूटी आत्मा का क्या में रेई।

1 पतरस 1:12

वाँने यो भी दरसावो व्यो के, जीं बाताँ का बारा में वीं बताता तका सेवा किदी ही, वणीऊँ वीं खुद की सेवा ने कररिया हे, पण थाँकी सेवा कररिया हा। वीं बाताँ थाँने हरगऊँ खन्दई तकी पुवितर आत्मा के वजेऊँ हव हमच्यार ने हुणाबावाळा का जरिये पेल्याँई बता दिदी गी ही। ईं बाताँ ने जाणबा का वाते तो हरग-दुत भी तरसे हे।

1 यहुन्ना 2:20

पण थाँको तो पुवितर मसी अभिसेक किदा हे। ईं वाते थाँ हाँच ने जाणो हो।

1 यहुन्ना 2:27

जद्याँ तईं थाँकी बात हे, थाँको अभिसेक वणीऊँ हे ज्या पुवितर आत्मा थाँकामें वास करे हे, ईं वाते थाँने तो ओ जरूत कोयने के, कुई उपदेस देवे, पण थाँने तो ज्यो आत्मा दिदी गी हे, वाँ यो हारोई हिकावे हे। आद राको आत्मा जो हिकावे हे, वो हाँच हे जूट कोयने हे। आत्मा की हिकावण ने मानो अन मसी में बण्या तका रेवो।

परकासितवाक्य 1:1

आ ईसू मसी की दरसावा की किताब हे परमेसर ईंने ईं वाते दिदी हे के, जीं बाताँ आबावाळा टेम में वेबावाळी हे परमेसर अणाने ईसू मसी ने दरसावा में दिदी अन वणा आपणाँ दास यहुन्ना का नके हरग-दुत ने खन्दान ईं बाताँ बतई। आ ईसू मसी की दरसावा की किताब हे, जिंने परमेसर ईसू मसी ने ईं वाते दिदी के, ज्यो बाताँ वेबावाळी हे, वाँने आपणाँ दासा ने बता दिदी जावे।

परकासितवाक्य 2:24

पण मूँ थुआतीरा मण्डली का वणा मनकाँ ने केणो छावूँ हूँ ज्यो वीं लुगई की हिक ने ने माने अन सेतान की भेद वाळी बाताँ ने ने जाणे। मूँ थाँका पे ओरुँ बोज ने नाकूँ।