1 कुरिन्थियों 16:16 - नुवो नेम (मेवड़ी नया नियम)

¹⁶ थाँ खुद ने वाँका हाताँ में हूँप दिज्यो जीं परबू का काम में जुड़या तका हे अन घणी मेनत हे।

1 कुरिन्थियों 16:16 Iomraidhean Croise

रोमियों 16:12

त्रुफेना अन त्रुफोसा ने ज्यो परबू को काम का वाते घणी मेनती करबावाळी हे, वाँने मारो नमस्कार। मारी लाडली परसिस ने, जणी परबू में घणी मेनत किदी हे, वींने मारो नमस्कार।

रोमियों 16:3

ईसू मसी में मारा हाते काम करबावाळी प्रिस्किला अन अक्‍विला ने मारो नमस्कार केज्यो।

रोमियों 16:6

मरियम, ज्या थाँका वाते घणी मेनत किदी ही, वींने मारो नमस्कार।

रोमियों 16:9

मसी में मारी हाते काम करबावाळा उरबानुस अन मारा लाड़ला भई इस्तुखुस ने मारो नमस्कार।

1 कुरिन्थियों 12:28

अन परमेसर की मण्डली में अलग अलग मनकाँ ने परमेसर अलग अलग रूप में चुण्या हे जस्यान के किंने खन्दाया तका चेला को रूप में, दूजाँ ने परमेसर का आड़ीऊँ बोलबा का रूप में, तीजा ने गरू का रूप में अन किंने तो अचम्बा का काम करबावाळा का रूप में अन किंने तो हव करबावाळा का वरदानाँ में, अन किंने मदत करबावाळा का रूप में अन किंने तो वेवस्ता करबावाळा का रूप में तो किंने तो अलग अलग बोली बोलबावाळा का रूप में चुण्या हे।

1 कुरिन्थियों 3:9

काँके माँ परमेसर का वाते काम करबावाळा हाँ। थाँ परमेसर का खेत हो अन परमेसर का मन्दर हो।

इपिसियों 5:21

थाँ मसी को आदर-मान राको हो, ईं वाते एक-दूँजा को केणो मानो।

फिलिपियों 4:3

हे हाँचा हण्डाळ्याँ, मूँ थाँराऊँ भी अरज करूँ हूँ के, थूँ वीं लुगायाँ की मदत कर, काँके वणा मारा हाते हव हमच्यार हुणाबा का काम में, क्लेमेंस अन मारा दूजाँ काम करबावाळा का हाते मेनत किदी, ज्याँको नाम जीवन की पोती में लिक्यो तको हे।

1 थिस्सुलुनिक्यों 1:3

बापू परमेसर का हामे थाँका विस्वास का काम ने, परेम का वाते घणी मेनत ने अन परबू ईसू मसी का पाच्छा आबा की थाँकी पाकी आस ने हमेस्यान आद करा हाँ।

1 थिस्सुलुनिक्यों 2:9

हो भायाँ-बेना, थाँ माँकी मेनत अन दुक ने आद राको हो ज्यो थाँका बचमें व्यो हो अन माँ रात-दन काम धन्धो करन थाँने परमेसर को हव हमच्यार हुणायो जणीऊँ थाँका पे कई बोज ने पड़े।

1 थिस्सुलुनिक्यों 5:12

हो भायाँ-बेना माँ थाँकाऊँ आ अरज करा हाँ के, जतरा भी मण्डली का अगुवाँ थाँका वाते मेनत करे, परबू में थाँने गेलो बतावे हे अन आदेस देवे हे, वाँको मान करिया करो।

1 तिमुतियूस 5:17

एक परदान का रूप में जतरा भी मोतबीर मनक हव काम करे हे, वीं दुणा आदर-मान के जस्यान हमज्या जावे, खास तरियाऊँ वीं ज्यो परच्यार अन हिकाबा में घणी मेनत करे हे।

इब्रानियों 13:17

आपणाँ आत्मिक मुक्या को भरोसो करो अन वाँके बंस में रो। वीं परमेसर का हामें थाँको लेको देबावाळा का जस्यान वीं जागता तका थाँके जीव की रुकाळी करे हे। अन यद्याँ वस्यानीस करो, तो वीं यो काम राजी वेन करी, पण थाँ वस्यान ने करो, तो वीं यो काम दकऊँ करी। अन अणीऊँ थाँको कई नफो ने वेई।

इब्रानियों 13:24

मारा आड़ीऊँ आपणाँ हाराई अगुवाँ अन हाराई पुवितर लोगाँ ने नमस्कार केज्यो, अन इटली का विस्वासी मनक थाँने नमस्कार केवे हे।

इब्रानियों 6:10

काँके परमेसर अन्यायी ने हे, के थाँका काम अन वीं परेम ने भुल जावे, ज्यो थाँ वींका नाम का वाते बतायो हे के, थाँ पुवितर लोगाँ की सेवा-चाकरी किदी अन कररिया हो।

1 पतरस 5:5

हो मोठ्याराँ, अणीस तरियाँ थाँ भी परदानाँ का बंस में रेवो, थाँ हाराई का हाराई सेवा करबा वाते दया का हाते त्यार रेवो, काँके “परमेसर मेपणो करबावाळा का खिलाप में हे, पण जो मनक खुद ने फोरो बणावे हे वींके ऊपरे परमेसर दया करे हे।”

3 यहुन्ना 1:8

ईं वाते आपाँ जी विस्वासी हाँ, आपाँने वाँकी मदत करणी छावे। जणीऊँ आपाँ भी वाँका हाते हाँच ने फेलाबा में भेळा वे सका।

परकासितवाक्य 2:3

थूँ हिम्मत राके हे, अन मारा नाम की वजेऊँ दुक जेलता तका भी थाक्या कोयने हो।