1 कुरिन्थियों 16:11 - नुवो नेम (मेवड़ी नया नियम)

¹¹ ईं वाते कुई भी वींने फोरो मती हमज्यो अन जद्याँ वो मारा नके आवे तो वींने गेला में जरूत की चिजाँ का हाते हिक देज्यो, काँके मूँ दूजाँ विस्वासी भायाँ का हाते वींकी आबा की बाट नाळरियो हूँ।

1 कुरिन्थियों 16:11 Iomraidhean Croise

लूका 10:16

ईसू आपणाँ चेलाऊँ क्यो, “जो थाँकी हुणे हे, वी मारी हुणे हे अन ज्यो थाँने बेकार हमजे हे वीं मने भी बेकार हमजे हे। अन ज्यो मने बेकार हमजे हे वीं मने खन्दाबावाळा ने भी बेकार हमजे हे।”

थरप्या तका का काम 15:3

विस्वास्याँ की मण्डली का मनक वाँने खन्दाया। वीं फिनाके अन सामरिया देस में जाता तका, जो यहूदी ने हा वणा जस्यान विस्वास किदो, वो मण्डली में बताता ग्या, तो मण्डली का लोग ओ हुणन घणा राजी व्या।

थरप्या तका का काम 15:33

वीं वटे थोड़ाक दन रेन, वटा का मनक वाँने परेमऊँ पाच्छा जटेऊँ आया हाँ वटे खन्दा दिदा।

1 कुरिन्थियों 16:10

जद्याँ थाँका नके तिमुतियुस आवे तो थाँ वींको ध्यान राकज्यो, ताँके वींने फिकर ने वेवे। काँके वो भी मारा जस्यानीस परबू को काम करे हे।

1 कुरिन्थियों 16:6

अन वे सके तो मूँ थाँका नकेईस ठम जाऊँ अन हियाळा में थाँका नकेईस रेऊँ, वींका केड़े जटने भी मारो जाणो वेई वटने जाबा का वाते थाँ जरूत का सामान हाते मने खन्दा दिज्यो।

2 कुरिन्थियों 1:16

मूँ होचूँ हूँ के, जद्याँ मूँ मकिदुनिया जातो तको थाँकाऊँ मलूँ अन जद्याँ मकिदुनियाऊँ पाछो आऊँ तो थाँका नके अऊँ अन थाँईस मने यहूदियाँ जाबा वाते जरूत की चिजाँ देन हिक देवो।

1 थिस्सुलुनिक्यों 4:8

ईं वजेऊँ ज्यो ईं हिक ने नकारे हे वो मनकाँने ने, पण पुवितर आत्मा देबावाळा परमेसर ने भी नकारे हे।

1 तिमुतियूस 4:12

थने किंका भी हामे रेटे ने देकणो पड़ी, काँके थूँ मोट्यार हे, पण बोली-चाली, चालचलन, परेम-भाव, विस्वास अन खरई में थूँ विस्वास्याँ का हामे नमुनो बणजा।

तीतूस 2:15

अणा बाताँ ने हिकान, पूरा हक का हाते वाँको धिज्यो बन्दा अन जटे जरूत वे वटे वाँने तापड़तो रे। पण ओ ध्यान राक के, कुई थाँरी रोळ ने करे।

3 यहुन्ना 1:6

ईं वाते तो वणा मण्डली का हामे थाँरा बारा में आ गवई दिदी हे के, थूँ वाँकाऊँ कस्यान को परेम राके हे। ईं वाते जद्याँ थूँ वाँने हिक देवे, तद्याँ अस्यान मदत करज्ये जस्यान परमेसर का मनक का हाते किदी जावे हे।