1 कुरिन्थियों 15:54 - नुवो नेम (मेवड़ी नया नियम)

⁵⁴ अन जद्याँ आ नास वेबावाळी देह बना नास की जोळी ने पेर लेई अन आ मरबावाळी देह ने मरबावाळी देह की जोळी पेर लेई जदी सास्तर में लिक्यो तको ओ बचन पूरो वेई के, “जीत मोत ने निगळगी हे”,

1 कुरिन्थियों 15:54 Iomraidhean Croise

लूका 20:36

वी पाच्छा कदी भी ने मरी, काँके वी हरग-दुताँ का जस्यान वेगा अन वीं पाच्छा जीबावाळा की ओलाद वेबाऊँ परमेसर की ओलाद भी ठेरी।

रोमियों 1:23

अन वणा नास ने वेबावाळा परमेसर की मेमा ने नास वेबावाळा मनकाँ की, उड़बावाळा जनावर की, रेंगन चालबावाळा जनावराँ की अन ढान्ढा-ढोर की मूरत्याँ में बदल दिदी।

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

रोमियों 6:12

ईं वाते थाँकी नास वेबावाळी देह पे पाप की मरजी ने पुरी करबा का वाते पाप को जोर मती चालबा दो। जणीऊँ थाँ पाप की मरजी में कदी ने चालो।

रोमियों 8:11

अन यद्याँ वाईस आत्मा जणी ईसू मसी ने मरिया तकाऊँ जीवतो किदो हे, थाँका मयने वास करे हे, तो वो जणी ईसू ने मरिया तकाऊँ जीवतो किदो हे, थाँकी नास वेबावाळी देह ने आपणी आत्माऊँ ज्या थाँका मयने वास करे हे, जीवाई।

2 कुरिन्थियों 4:11

ईसू की वजेऊँ आपाँ ज्यो जीवता हाँ, मोत का हाताँ में दिदा जावाँ हाँ, जणीऊँ ईसू को जीवन नास वेबावाळी देह में खुला रूप परगट कर सका।

2 कुरिन्थियों 5:4

आपाँ ईं देह में रेता तका बोजऊँ टसका लेरिया हाँ, ईंकी वजे आ हे के, आपाँ आपणी देह ने बदलणी ने छावाँ पण ईं देह में हरग को जीवन जीवणो छावाँ हाँ जणीऊँ ज्यो मरबा को जीवन हे वो जुग-जुग को जीवन वे जाई।

2 थिस्सुलुनिक्यों 1:10

ओ वीं दन वेई जद्याँ वो आपणाँ हाराई पुवितर मनकाँऊँ जतरा वींपे विस्वास करी मेमा अन आदर-मान लेवा आई। तो थाँ भी वाँका में भेळा वेवो, काँके माँ ज्यो हव हमच्यार थाँने बतायो हे, वींको थाँ विस्वास किदो हे।

परकासितवाक्य 20:14

ईंका केड़े मोत ने अन पाताळ ने वादी का कुण्ड में नाक दिदा ग्या। यो वादी को कुण्डईस दूँजी मोत हे।

परकासितवाक्य 21:4

अन वो वाँकी आक्याँ का आसूँ पुछ नाकी अन ईंका केड़े मोत ने रेई, अन ने होक, ने रोणो-धोणो, ने पिड़ा रेई, काँके पेल्याँ की बाताँ जाती री ही।”