1 कुरिन्थियों 15:31 - नुवो नेम (मेवड़ी नया नियम)

³¹ हो विस्वासी भायाँ मूँ थाँका पे मेपणो करूँ हूँ, काँके आपाँ ईसू मसी पे विस्वास करन एक गट-जोड़ में हा, ईं वाते मूँ कूँ हूँ के, मूँ हमेस्यान मोत को खतरो मोल लूँ हूँ।

1 कुरिन्थियों 15:31 Iomraidhean Croise

थरप्या तका का काम 20:23

बेस ओ के पुवितर आत्मा हरेक नगर में गवई देन मने केवे हे के, हतकड़ी अन दक-तकलिप मारा वाते वेबावाळी हे,

रोमियों 8:36

जस्यान सास्तर में लिक्यो हे के, “थाँरा वाते माँ हरेक टेम मोत का हाताँ में हूँप्यो जावा हा। माँने कटबावाळा गारा हमज्या जावे हे।”

2 कुरिन्थियों 1:12

माँ आ बात मेपणोऊँ अन साप हरदाऊँ के सका हाँ के, माँ ईं दनियाँ का हाते अन खासतोरऊँ थाँका हाते परमेसर की दया के जस्यान चाल्या हा अन हव तरियाऊँ अन हाँच का हाते चाल्या हा ज्यो परमेसर का आड़ीऊँ मले हे ईं दनियाँ की अकलऊँ ने मले हे।

2 कुरिन्थियों 11:23

कई वींइस मसी का दास हे? मूँ बेण्डा के जस्यान कूँ हूँ, मूँ वणाऊँ भी बड़न मसी को दास हूँ। वाँकाऊँ हेली मेनत करबा में, नरी दाण जेळ में बन्द वेबा में, कोड़ा की मार खाबा में, आकोदाण मोत का मुण्डो में जाबा में,

2 कुरिन्थियों 2:14

परमेसर को धन्नेवाद वे ज्यो आपाँने मसी की वजेऊँ जीतावे हे अन खुद का ग्यान की हव बाना ने आपणाँऊँ हारी जगाँ फेलावे हे।

फिलिपियों 3:3

हाँचा खतनावाळा तो आपींइस हा काँके परमेसर की आत्माऊँ वींकी भगती आपींइस करा हाँ अन आपीं आपणो भरोसो दिकबावाळा रिति-रिवाज पे ने पण ईसू मसी पे मेपणो राका हाँ।

1 थिस्सुलुनिक्यों 2:19

थाँईस बतावो, माकाँ वाते माँकी आस, खुसी अन बड़ई को मुकट कूण हे? कई आपणाँ परबू ईसू का हामे वाँका आबा की टेम में थाँईस ने वेवो?

1 थिस्सुलुनिक्यों 3:9

अबे माँ थाँका वाते परमेसर ने धन्नेवाद दे सका हाँ। थाँकी वजेऊँ ज्यो आणन्द परमेसर हामे माँने मल्यो हे वणी वाते माँ वींको घणो धन्नेवाद देवाँ हाँ।