1 कुरिन्थियों 14:27 - नुवो नेम (मेवड़ी नया नियम)

²⁷ अन यद्याँ थाँने अलग अलग बोली में बोलणो वे, तो थाँका मेंऊँ दो ने तो हेलाऊँ हेला तीन जणा नेईस बोलणो छावे अन बारी-बारीऊँ बोलणो छावे अन एक जणा ने वणा बाताँ को मतलब बताणो छावे।

1 कुरिन्थियों 14:27 Iomraidhean Croise

1 कुरिन्थियों 12:10

अन किंने तो अचम्बा का काम करबा को अन किंने तो परमेसर का आड़ीऊँ बोलबा को वरदान, किंने तो भली-बुरी आत्माने जाणबा को वरदान, किंने तो अलग अलग बोली बोलबा को वरदान, किंने तो वाँ बोल्याँ को मतलब बताबा को वरदान दिदो जावे हे।

1 कुरिन्थियों 14:13

अन ज्यो मनक अलग अलग बोली बोले वाँने परातना भी करणी छावे के, वो भी वीं बात को मतलब बता सके।

1 कुरिन्थियों 14:2

काँके ज्यो मनक अलग अलग बोल्याँ में बात करे हे वो मनकाँऊँ बात कोयने करे पण परमेसरऊँ बात करे हे। ईं वाते वींकी बोली कुई हमज ने सके, काँके वो भेद की बाताँ ने आत्मा में वेन केवे हे।

1 कुरिन्थियों 14:26

हो विस्वासी भायाँ जद्याँ थाँ भेळा वेवो तो थाँने कई करणो छावे? थाँ तो जद्याँ भी भेळा वेवो हो तद्याँ थाँ भजन अन बचन, परमेसर का दरसण का बारा मेंईस बखाण करो हो। कुई अलग अलग बोली बोले हे अन कुई वीं बोली को मतलब बतावे हे। अन ईं हारी बाताँऊँ मण्डली आत्मिक रूप में गाटी वेणी छावे।

1 कुरिन्थियों 14:28

अन यद्याँ मण्डली में बोली को मतलब बताबावाळो ने वेवे तो बोलबावाळा मनक ने छानो रेणो छावे। वाँने मन में परमेसरऊँ बाताँ करणी छावे।

1 कुरिन्थियों 14:5

अन मूँ ओ छावूँ हूँ के, थाँ अलग अलग बोल्याँ में बाताँ करो पण अणीऊँ भी हेलो मूँ ओ छावूँ हूँ के, थाँ परमेसर का आड़ीऊँ बाताँ करो, काँके यद्याँ कुई अलग अलग बोली बोले अन जद्याँ तईं ईंको मतलब हमजावा वाळो कुई ने जणीऊँ विस्वास्याँ की मण्डली आत्मिक रूप में गाटी वे सके, ईं वाते अणीऊँ मोटो तो परमेसर का आड़ीऊँ बोलबावाळो हे।