1 कुरिन्थियों 13:4 - नुवो नेम (मेवड़ी नया नियम)

⁴ काँके जिंमें परेम वेवे हे वो धिज्यो राके हे अन दया करे हे अन वो रिस्याँ ने बळे हे अन ओ खुद की बड़ई ने करे अन मेपणोऊँ मोटो ने वेवे हे।

1 कुरिन्थियों 13:4 Iomraidhean Croise

मत्ती 27:18

काँके वो जाणतो हो के, वणा ईसू ने रिस्याँ बळता तका पकड़वायो हे।

थरप्या तका का काम 7:9

याकूब का छोरा आपणाँ भई युसुप पे रिस्याँ बळन मिसर देस जाबावाळा मनकाँ को हाळी वेबा वाँते बेंच दिदो पण परमेसर वींकी लारे हो।

रोमियों 1:29

अन वीं हाराई तरिया का अधरम, बुरई, लोब, बुरी आदत, रिस्याँ बळणो, हत्या, लड़ई, धोको, बुरी भावना अन आमी-हामीऊँ भरग्या।

रोमियों 13:13

तो काँ ने आपाँ भी वणी तरियाऊँ रेवा, जस्यान मनक दन का उजिता में रेवे हे। ने तो खा-पीन धुत रेबावाळा का जस्यान, ने कुकरम, लुचापणा करबावाळा की तरियाँ अन ने लड़बावाळा का जस्यान अन ने रिस्याँ बळबावाळा का जस्यान।

1 कुरिन्थियों 3:3

काँके थाँ अबाणू तईं दनियाँ का मनकाँ का जस्यान हो, ईं वाते थाँकामें रिस्याँ बलणो अन कळेस मोजुद हे, तो कई थाँ दनियाँ का सांसारिक मनक ने हो अन थाँ सांसारिक मनकाँ के जस्यान वेवार करो हो?

1 कुरिन्थियों 4:18

थाँकामूँ कुई मनक तो यो होचन मेपणो करिया हे के, जस्यान अबे मने थाँका नके आणोईस ने हे।

1 कुरिन्थियों 4:6

हो विस्वासी भायाँ में ईं बाताँ ज्यो थाँने हिकई हे वीं आपणाँ खुद अन अपुलोस का ऊपरे लागू किदी हे, ताँके थाँ अणी कावत को अरत जाणन हिक सको के, “थाँ सास्तर में लिकी तकी बाताँ ने उलाँगो कोनी” अन एक मनक को पकस लेन कणी दूजाँ का विरोद करता तका मेपणाऊँ ने भर जावो।

1 कुरिन्थियों 5:2

अणी बात पे थाँ होक भी ने करो हो, थाँने ओ छावे के, थाँ अस्यो काम करबावाळो थाँका बचमेंऊँ निकाळ दो, पण थाँ तो मेपणो करो हो।

1 कुरिन्थियों 8:1

अबे मूरताँ का हामे चड़ाया तका परसाद का बारा में आपाँ जाणा हा। आपीं हारई ग्यानवाळा हाँ अन ग्यान मेपणो पेदा करे हे, पण परेमऊँ हारई को भलो वेवे हे।

2 कुरिन्थियों 12:20

काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले।

2 कुरिन्थियों 6:6

खुद ने पुवितर राकन, ग्यान अन धीरजऊँ, अन दया करन अन पुवितर आत्माऊँ, हाँचा परेमऊँ

गलातियों 5:26

आपाँने ने तो मेपणो करबावाळा अन ने एक-दूँजा ने हताबावाळा, अन नेई रिस्याँ बळाबावाळा बणणा छावे।

इपिसियों 4:2

ईंको मतलब दीनता अन नरमाई का हाते सेण करबा की तागत राकन परेमऊँ एक दूजाँ ने सेण करो।

इपिसियों 4:32

एक दूजाँ का वाते करपा वाळा अन दयाळू बणो अन एक दूजाँ का गुना ने वस्यानीस माप करो जस्यान परमेसर थाँने मसीऊँ माप किदा।

फिलिपियों 1:15

कतरा तो रिस्याँ बळन अन लड़ई का मस मसी को परच्यार करे हे अन कतराई भली मनसाऊँ करे हे।

कुलुसियों 2:18

कुई मनक दया को दिकावो करन हरग-दुताँ की पुजा करन थाँने थाँका फळऊँ छेटी ने कर दे। अस्यान मनक देकी तकी बाताँ में लाग्या तका रेवे, अन आपणी दनियादारी की हमज ने बेकार में फुलावे अन बड़ावे हे।

कुलुसियों 3:12

काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

1 थिस्सुलुनिक्यों 5:14

हो भायाँ-बेना, माँ थाँने हमजावा हाँ के, जी आळकातक हे वाँने हमजावो, दरपे वाँकी हिम्मत बड़ावो, कमजोरा ने हमाळो अन हाराई का हाते नरमाई राको।

1 तिमुतियूस 6:4

तो अस्यान का मनक मरोड़ में वाँका रेई, पण वीं कईस ने जाणे हे। वाँकी अकल मरगी हे, अन वाँने बाताँ पे नन्दयाँ करणी हव लागे हे, वाँकाऊँ मेपणो, दोस लगाणो, हुगली बाताँ, बुरा भेंम निकळे हे।

2 तिमुतियूस 2:25

अन ज्यो विरोद करे वाँने नरमाईऊँ हमजबा वाळो वेणो छावे, कई पतो, परमेसर वाँने भी आपणी गलती मानन मापी माँगबा को मन दे देवे अन वीं भी हाँच जाण जावे।

2 तिमुतियूस 3:10

पण थूँ मारी हिक, वेवार, अन जीवन का वाते मारा मकसद ने माने हे, थूँ मारो विस्वास, मारो धीरज, मारो परेम, मारी सेण करबा की तागत, मारा पे व्या जुलम, अन मारा दुक में मारे हाते रियो हे। अन्ताक्या, इकुनियम अन लुस्त्रा में ज्यो कई व्यो हो अन कई-कई दक-भरिया जुलम ने सेण किदा हाँ, वाँमें भी थूँ मारे हाते हो। पण परबू मने वणा हाराईऊँ बंचायो हो।

2 तिमुतियूस 4:2

परमेसर का हव हमच्यार को परच्यार कर, पलई ईंने हाराई मनक ने माने, पण ईंका केड़े भी थूँ ईंने पूरा मनऊँ करतो रे। थूँ लोगाँ ने सई कर अन वाँका पापाँ को वाँने ध्यान करान चेता। हातेई हाते वाँने उदास मती वेबा दे, वाँने सला देती दाण हमेस्यान धीरज राकज्ये।

तीतूस 3:3

काँके मसी ने मानबाऊँ पेल्याँ आपाँ भी बना ग्यान का, केणो ने मानबावाळा, भटक्या तका अन हरेक तरियाँ की मो-माया का गुलाम हाँ। आपणो जीवन बुरई अन मेपणाऊँ भरियो हे। अन आपाँ एक-दूजाऊँ दसमणी राकता हाँ।

याकूब 4:5

कई थाँ अस्यान होचो हो के, पुवितर सास्तर बेकार में केवे हे के, “जणी आत्माने परमेसर आपणाँ मयने राकी हे, वींका वाते वीं जलन राके हे, काँके वींने परमेसर खुब छावे हे?”

1 पतरस 2:1

ईं वाते थाँ छळ, ढोग, वेर भाव, कपट, दूजाँ पे दोस लगाणो अस्यी बुरईऊँ बंचन रेज्यो।

1 पतरस 3:8

मारी आकरी मरजी हे के, थाँ हाराई मनक एक मन रेवो अन थाँ हाराई ने मनकाँ का हाते मेल-मिलाप, भईचारा, दया करबावाळा अन भायाँ का हाते परेम-भावऊँ रेबावाळा बणणो छावे।

1 पतरस 4:8

हाराऊँ बड़िया बात आ हे के, एक-दूजाऊँ हाँचो परेम राको, काँके परेम नरई पापाँ ने धो देवे हे।

2 पतरस 1:7

अन भगती का हाते भईचाराऊँ परेम अन ईं भईचारा में दयालुता का हाते परेम में बड़ो।

1 यहुन्ना 4:11

हो प्यारा भायाँ जद्याँ परमेसर आपाऊँ अस्यान को परेम किदो हे, तद्याँ आपाँने भी एक-दूजाऊँ परेम करणो छावे।