1 कुरिन्थियों 13:3 - नुवो नेम (मेवड़ी नया नियम)

³ अन यद्याँ मूँ मारी हारी धन-दोलत गरीबा ने बाँट दूँ, अन मूँ हव-हमच्यार हुणाबा का वाते मारी देह ने बाळन बली दी दूँ अन पच्छे भी परेम ने करूँ तो मने कई नफो ने हे।

1 कुरिन्थियों 13:3 Iomraidhean Croise

मत्ती 23:5

“वीं आपणाँ हाराई काम लोगाँ ने बतावा का वाते करे हे। वीं हात अन माता पे बांदबा वाळा आपणाँ ताबीजा ने जिंमें वीं सास्तर ने लिकता हा, वाँने मोटा करे हे अन आपणी जोळ्या ने वदावे हे। ताँके मनक वाँने धरमी हमजे।

लूका 18:22

ओ हूँणन ईसू वींने क्यो, “थाँरा में अबे भी एक कमी हे। आपणी हारी धन-दोलत ने गरीबा में बाँट दे अन पाछो आने मारे पाच्छे चाल थने हरग में धन-दोलत को खजानो मली।”

लूका 18:28

तो पसे पतरस ईसुऊँ क्यो, “देको, माँ तो घर-बार हारोई छोड़न थाँका पाच्छे चालबा लागा हा।”

लूका 19:8

जक्कई ऊबो वेन परबूऊँ क्यो, “ओ परबू जी, देको, मूँ मारी कमई को आदो हिस्सो गरीब-अनाता ने देवूँ हूँ अन यद्याँ किंको भी मन दुकान लिदो हे, तो वींने च्यार-गुणो पाछो दी देवूँ।”

यहुन्ना 12:43

काँके मनकाँ की बड़ई वाँने परमेसर की बड़ईऊँ घणी वाली लागती ही।

यहुन्ना 13:37

पतरस वाँने क्यो, “हो परबू, अबाणू मूँ थाँके पाच्छे काँ ने आ सकूँ हूँ? मूँ तो थाँका वाते मारो जीव देबा ने त्यार हूँ।”

यहुन्ना 15:13

अणीऊँ मोटो परेम कस्योई ने हे के, कुई आपणाँ दोस्त के वाते आपणो जीव दी देवे।

यहुन्ना 6:63

परमेसर की आत्मा तो जीवन देबावाळी हे, पण मनकाँ की तागतऊँ कई फायदो ने हे। जीं बचन में थाँकाऊँ क्या हे, वीं आत्मिक जीवन देवे हे।

थरप्या तका का काम 21:13

पण पोलुस जवाब दिदो, “थाँ अस्यान रो-रोन मारी मन काँ तोड़ रिया हो। मूँ तो परबू ईसू का नाम वाते बेस बन्दवा वातेईस ने पण मरवा के वाते भी त्यार हूँ”।

गलातियों 5:26

आपाँने ने तो मेपणो करबावाळा अन ने एक-दूँजा ने हताबावाळा, अन नेई रिस्याँ बळाबावाळा बणणा छावे।

फिलिपियों 2:3

खुद का हवारतऊँ कई मती करो अन जूटो मेपणो मती करो, पण नरमाईऊँ खुदऊँ हेला एक-दूँजा ने हव हमजो।

1 तिमुतियूस 4:8

देह की सेवाऊँ तो थोड़ोक नफो वेवे, पण परमेसर की सेवा तो हारी बाताँ में नफो करे हे, काँके अबाणू अन आबावाळा जीवन को वादो ईंमेंइस हे।

इब्रानियों 13:9

अलग अलग तरियाँ का अणजाणी हिकऊँ भटको मती, काँके थाँका मन का वाते यो हव के, वो खाबा-पिबा की नेमा का बजाए दयाऊँ मजबूत बणे। अन जणा खाबा-पिबा का नेमाने मान्याँ वणाऊँ वाँको कदी भलो कोनी व्यो।