1 कुरिन्थियों 12:13 - नुवो नेम (मेवड़ी नया नियम)

¹³ काँके आपाँ हाराई में पलई यहूदी वो, पलई ज्यो यहूदी ने हे वीं वो, पलई दास वो, पलई आजाद वे, आपाँ हाराई ने एकीस आत्माऊँ एकीस देह वेबा का वाते बतिस्मो दिदो ग्यो हे अन आपाँने एकीस आत्मा दिदी गी हे।

1 कुरिन्थियों 12:13 Iomraidhean Croise

मत्ती 3:11

मूँ तो थाँने मन फेरबा का वाते पाणीऊँ बतिस्मो दूँ हूँ पण वीं ज्यो मारा केड़े आबावाळो हे, वो माराऊँ भी हेलो मोटो हे। मूँ तो वाँका पगरख्याँ का कसणा खोलबा के जोगो भी ने हूँ। वो थाँने पुवितर आत्मा अन वादीऊँ बतिस्मो देई।

लूका 3:16

यहुन्ने वणाऊँ क्यो, “मूँ तो थाँने पाणीऊँ बतिस्मा देरियो हूँ। पण, ज्यो आबावाळो हे, वो माराऊँ घणो ज्योरावर हे। मूँ वींके अतरोक लायक भी ने हूँ के, वींकी पंगरख्या ने खोल सकूँ। वी पुवितर आत्मा अन वादीऊँ थाँने बतिस्मो देई।

यहुन्ना 1:16

वाँकी दया की भरपईऊँ आपाँ हाराई ने आसिरवाद पे आसिरवाद मल्या।

यहुन्ना 1:33

मूँ तो वींने ओळकतो ने हो, पण परमेसर मने पाणीऊँ बतिस्मो देबा का वाते खन्दायो, वणा मने क्यो, ‘थूँ पुवितर आत्माने उतरती अन किंके ऊपरे रकती तकी देकी, ओ वोईस मनक वेई, ज्यो पुवितर आत्माऊँ बतिस्मो देई।’

यहुन्ना 3:5

ईसू वींने जवाब दिदो के, “मूँ थाँकाऊँ हाचेई केवूँ हूँ, जद्याँ तईं कुई मनक पाणी अन पुवितर आत्माऊँ ने जनमे तो वो परमेसर का राज में ने जा सकी।

यहुन्ना 4:10

ईसू वींने जवाब दिदो, “यद्याँ थूँ परमेसर का दान ने जाणती, अन ओ भी जाणती वो कुई हे, ज्यो थाँराऊँ केवे हे, ‘मने पाणी पा’, तो थूँ वणीऊँ मांगती अन वो थने जीवन को जळ देतो।”

यहुन्ना 4:14

पण ज्यो कुई वो पाणी पीई ज्यो मूँ वाँने देऊँ, वाँने पाच्छी कदी तर ने लागे। पण ज्यो पाणी मूँ वाँने देवूँ, वो वींमें अनंत जीवन देबावाळी नंदी बण जाई।”

यहुन्ना 6:63

परमेसर की आत्मा तो जीवन देबावाळी हे, पण मनकाँ की तागतऊँ कई फायदो ने हे। जीं बचन में थाँकाऊँ क्या हे, वीं आत्मिक जीवन देवे हे।

थरप्या तका का काम 1:5

यहुन्ने तो थाँने पाणीऊँ बतिस्मो दिदो हो, पण अबे थोड़ाक दनाँ केड़े थाँने पुवितर आत्माऊँ बतिस्मो दिदो जाई।’”

रोमियों 3:22

हाराई विस्वास्याँ का वाते ईसू मसी में विस्वास का हाते बना भेद-भाव करिया परमेसर का आड़ीऊँ मलबावाळी धारमिकता परगट किदी गी हे।

रोमियों 3:29

कई परमेसर बेस यहूदी मनकाँ कोईस हे? कई वी ज्यो यहूदी ने हे, वाँ मनकाँ को ने हे? ने, वीं ज्यो यहूदी ने हे वाँका भी परमेसर हे।

रोमियों 4:11

ईंका केड़े वणी एक हेन्याण का तरिया खतनो करायो। ज्या विस्वास की वजेऊँ धारमिकता की छाप हे यो विस्वास वणी जदी दिकाया हो जद्याँ वींको खतनो ने व्यो हो। तो वो वाँ हाराई को बापू हे जीं बना खतना का वेन भी विस्वासी हे। ईं वाते ज्यो यहूदी ने हे वीं भी धरमी गण्या जावे।

1 कुरिन्थियों 10:2

अन वणा हाराई ने वादळा रेटे जमीं पे अन समन्द में, मूसा ने मानबावाळा का रूप में बतिस्मो दिदो ग्यो।

गलातियों 3:23

पण विस्वास के आबा के पेल्याँ आपाँ मूसा का नेमाँ की रुकवाळी में हा अन विस्वास के आबा पेल्याँ आपीं अणा काईंस केबा में रेता हा।

गलातियों 3:28

ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

इपिसियों 3:6

ओ राज ओ हे के, हव-हमच्यारऊँ यहूदियाँ का हाते ज्यो यहूदी ने हे वी भी वारिस वेवे अन एकीस डील का भाग वे अन ईसू मसी का गट-जोड़ऊँ परमेसर का वादा में पाँती लेवे।

इपिसियों 4:5

एकई परबू हे, एकई विस्वास हे अन एकीस बतिस्मो,

इपिसियों 6:8

थाँ तो जाणो हो के, पलई हाळी वे कन पलई आजाद, परबू वाँने वणाके भला काम का जस्यान फळ देई।

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

कुलुसियों 3:11

ईं वाते अबे मसी में ने कुई युनानी कन यहूदी, खतनावाळा कन बना खतनावाळा, ने जंगली हाव-भाव, ने बना अकल अन ने गुलाम कन आजाद, रियो हे। अणामें कई फरक ने रियो हे बेस मसीइस हारोई हे अन अणा हाराई में भी वींइस हे।

1 पतरस 3:21

वो पाणी भी बतिस्मा का जस्यान हे, जणीऊँ अबे थाँ बंचाया जावो हो। अणी बतिस्मा को मतलब यो कोयने के, देह को मेल धोयो जावे, पण मन ने पुवितर करन खुद ने परमेसर का आड़ी फेरणो वेवे हे, काँके ईसू मसी मरिया तका मेंऊँ पाच्छा जीवता किदा ग्या हा।